TV ਅਦਾਕਾਰਾ ਆਰਤੀ ਸਿੰਘ ਦਾ ਪੇਕੇ ਘਰ ਹੋਇਆ ਜ਼ੋਰਦਾਰ ਸਵਾਗਤ, ਹੋਈ ਭਾਵੁਕ
Friday, Oct 25, 2024 - 12:06 PM (IST)
ਮੁੰਬਈ- ਆਰਤੀ ਸਿੰਘ ਅਤੇ ਉਸ ਦੇ ਪਤੀ ਦੀਪਕ ਚੌਹਾਨ ਹਾਲ ਹੀ 'ਚ ਆਪਣੇ ਪਹਿਲੇ ਕਰਵਾ ਚੌਥ ਲਈ ਲਖਨਊ 'ਚ ਆਪਣੇ ਘਰ ਆਈ ਸੀ। ਇਸ ਮੌਕੇ ਆਰਤੀ ਦੀ ਮਾਂ ਨੇ ਉਨ੍ਹਾਂ ਦਾ ਬਹੁਤ ਹੀ ਜ਼ੋਰਦਾਰ ਸਵਾਗਤ ਕੀਤਾ।
ਆਰਤੀ ਨੇ ਆਪਣੀ ਖੁਸ਼ੀ ਦਾ ਇਜ਼ਹਾਰ ਕਰਨ ਲਈ ਸੋਸ਼ਲ ਮੀਡੀਆ 'ਤੇ ਪੋਸਟ ਕਰਕੇ ਆਪਣੀਆਂ ਭਾਵਨਾਵਾਂ ਦਾ ਪ੍ਰਗਟਾਵਾ ਕੀਤਾ ਹੈ। ਆਰਤੀ ਨੇ ਕਿਹਾ, 'ਵਿਆਹ ਤੋਂ ਬਾਅਦ ਪਹਿਲੀ ਵਾਰ ਲਖਨਊ। ਮੇਰੀ ਮਾਂ ਦੀਆਂ ਅੱਖਾਂ ਦੇਖਣ ਯੋਗ ਸਨ।ਉਸ ਨੇ ਆਪਣੀ ਮਾਂ ਬਾਰੇ ਬਹੁਤ ਕੁਝ ਕਿਹਾ।
ਉਸ ਨੇ ਕਿਹਾ ਕਿ ਅਜਿਹਾ ਮਹਿਸੂਸ ਹੋਇਆ ਜਿਵੇਂ ਉਸ ਦੀ ਮਾਂ ਦਾ ਸਭ ਤੋਂ ਵੱਡਾ ਸੁਪਨਾ ਪੂਰਾ ਹੋ ਗਿਆ ਹੋਵੇ। ਖਾਸ ਦਿਨ ਦੀ ਤਿਆਰੀ ਲਈ ਆਪਣੇ ਪਰਿਵਾਰ ਦਾ ਧੰਨਵਾਦ ਕਰਦੇ ਹੋਏ ਆਰਤੀ ਨੇ ਲਿਖਿਆ, 'ਸਾਰੀਆਂ ਤਿਆਰੀਆਂ ਮੇਰੇ ਪਰਿਵਾਰ ਨੇ ਬਹੁਤ ਪਿਆਰ ਨਾਲ ਕੀਤੀਆਂ ਸਨ। ਲਵ ਯੂ ਮੰਮੀ, ਲਵ ਯੂ ਭਾਬੀ, ਲਵ ਯੂ ਵਿੱਕੀ ਭਈਆ।
ਆਰਤੀ ਦੇ ਅੰਦਰ ਦਾਖਲ ਹੁੰਦੇ ਹੀ ਦੋਵਾਂ ਦਾ ਢੋਲ ਅਤੇ ਤਾਸ਼ੇ ਵਜਾ ਕੇ ਸਵਾਗਤ ਕੀਤਾ ਗਿਆ। ਆਰਤੀ ਅਤੇ ਦੀਪਕ ਨੂੰ ਉਨ੍ਹਾਂ ਦੇ ਪਰਿਵਾਰ ਅਤੇ ਰਿਸ਼ਤੇਦਾਰਾਂ ਵੱਲੋਂ ਵਧਾਈ ਦਿੱਤੀ ਗਈ, ਜਿਸ ਨੇ ਇਸ ਨੂੰ ਹੋਰ ਯਾਦਗਾਰ ਬਣਾ ਦਿੱਤਾ।
ਘਰ ਨੂੰ ਲਾਈਟਾਂ ਨਾਲ ਰੋਸ਼ਨ ਕੀਤਾ ਗਿਆ ਸੀ ਅਤੇ ਪ੍ਰੋਗਰਾਮ ਲਈ ਸਟੇਜ ਵੀ ਤਿਆਰ ਕੀਤੀ ਗਈ ਸੀ।
ਆਰਤੀ ਚਮਕਦਾਰ ਲਾਲ ਕਢਾਈ ਵਾਲੇ ਸਲਵਾਰ ਸੂਟ ਅਤੇ ਭਾਰੀ ਸੋਨੇ ਦੇ ਗਹਿਣਿਆਂ ਵਿੱਚ ਸ਼ਾਨਦਾਰ ਲੱਗ ਰਹੀ ਸੀ, ਜਦੋਂ ਕਿ ਦੀਪਕ ਨੇ ਇੱਕ ਮੇਲ ਖਾਂਦਾ ਲਾਲ ਕੁੜਤਾ ਪਾਇਆ ਸੀ।
