ਐਨੀਮੇਟਡ ਸੀਰੀਜ਼ ''ਦਿ ਲੈਜੇਂਡ ਆਫ਼ ਹਨੂਮਾਨ'' ਸੀਜ਼ਨ 7 ਦਾ ਟ੍ਰੇਲਰ ਰਿਲੀਜ਼, 23 ਅਕਤੂਬਰ ਤੋਂ ਹੋਵੇਗੀ ਪ੍ਰਸਾਰਿਤ
Monday, Oct 12, 2026 - 04:29 PM (IST)
ਮੁੰਬਈ (ਏਜੰਸੀ)- ਜੀਓਹੌਟਸਟਾਰ ਨੇ ਪ੍ਰਸਿੱਧ ਐਨੀਮੇਟਡ ਸੀਰੀਜ਼ "ਦਿ ਲੈਜੇਂਡ ਆਫ਼ ਹਨੂੰਮਾਨ" ਦੇ 7ਵੇਂ ਸੀਜ਼ਨ ਦਾ ਟ੍ਰੇਲਰ ਰਿਲੀਜ਼ ਕਰ ਦਿੱਤਾ ਹੈ। ਗ੍ਰਾਫਿਕ ਇੰਡੀਆ ਦੁਆਰਾ ਨਿਰਮਿਤ, ਇਹ ਸੀਜ਼ਨ 23 ਅਕਤੂਬਰ 2026 ਨੂੰ ਪ੍ਰੀਮੀਅਰ ਹੋਵੇਗਾ। ਨਵੇਂ ਸੀਜ਼ਨ ਵਿੱਚ, ਲੰਕਾ ਦਾ ਯੁੱਧ ਇੱਕ ਨਿਰਣਾਇਕ ਮੋੜ 'ਤੇ ਪਹੁੰਚਦਾ ਹੈ, ਜਿੱਥੇ ਹਨੂੰਮਾਨ, ਰਾਵਣ ਦਾ ਅੰਤ ਕਰਨ ਵਾਲੇ ਇੱਕ ਵਿਸ਼ੇਸ਼ ਹਥਿਆਰ ਦੀ ਭਾਲ ਵਿੱਚ ਨਿਕਲਦੇ ਹਨ। ਇਸ ਦੌਰਾਨ ਉਨ੍ਹਾਂ ਦੀ ਇਹ ਯਾਤਰਾ ਸਿਰਫ਼ ਯੁੱਧ ਦੇ ਮੈਦਾਨ ਤੱਕ ਹੀ ਸੀਮਤ ਨਹੀਂ ਰਹੇਗੀ, ਸਗੋਂ ਸਮੇਂ ਦੇ ਵੱਖ-ਵੱਖ ਪੜਾਵਾਂ 'ਤੇ ਪਹੁੰਚੇਗੀ, ਜਿੱਥੇ ਉਨ੍ਹਾਂ ਨੂੰ ਭਗਵਾਨ ਰਾਮ ਦੇ ਅਤੀਤ ਦੇ ਅਣਜਾਣ ਪਹਿਲੂਆਂ ਅਤੇ ਆਪਣੀ ਦਿਵਯਾ ਸ਼ਕਤੀ ਨਾਲ ਜੁੜੇ ਰਹੱਸਾਂ ਦਾ ਪਤਾ ਲੱਗੇਗਾ।
ਸੀਜ਼ਨ 7 ਵਿੱਚ ਰਾਵਣ ਆਪਣੇ ਸਭ ਤੋਂ ਸ਼ਕਤੀਸ਼ਾਲੀ ਰੂਪ ਨਜ਼ਰ ਆਵੇਗਾ। ਐਕਸ਼ਨ, ਆਸਥਾ, ਭਾਵਨਾਵਾਂ ਅਤੇ ਦੋਸਤੀ ਨਾਲ ਭਰਪੂਰ, ਇਹ ਕਹਾਣੀ ਹਨੂੰਮਾਨ ਦੀ ਹੁਣ ਤੱਕ ਦੀ ਸਭ ਤੋਂ ਚੁਣੌਤੀਪੂਰਨ ਲੜਾਈ ਅਤੇ ਉਨ੍ਹਾਂ ਦੀ ਵਿਸ਼ਾਲ ਸ਼ਕਤੀ ਦੇ ਨਵੇਂ ਪਹਿਲੂਆਂ ਨੂੰ ਪ੍ਰਗਟ ਕਰੇਗੀ। ਮਸ਼ਹੂਰ ਅਦਾਕਾਰ ਸ਼ਰਦ ਕੇਲਕਰ ਇੱਕ ਵਾਰ ਫਿਰ ਰਾਵਣ ਦੇ ਕਿਰਦਾਰ ਨੂੰ ਆਪਣੀ ਦਮਦਾਰ ਆਵਾਜ਼ ਦੇ ਰਹੇ ਹਨ।
ਸ਼ਰਦ ਦੇਵਰਾਜਨ, ਜੀਵਨ ਜੇ. ਕੰਗ ਅਤੇ ਚਾਰੂਵੀ ਅਗਰਵਾਲ ਦੁਆਰਾ ਨਿਰਮਿਤ, ਇਸ ਸੀਜ਼ਨ ਦਾ ਨਿਰਦੇਸ਼ਨ ਜੀਵਨ ਜੇ. ਕੰਗ ਅਤੇ ਨਵੀਨ ਜੌਨ ਦੁਆਰਾ ਕੀਤਾ ਗਿਆ ਹੈ। ਸਕ੍ਰੀਨਪਲੇ ਸ਼ਰਦ ਦੇਵਰਾਜਨ, ਜੀਵਨ ਜੇ. ਕੰਗ, ਸਰਵਤ ਚੱਢਾ ਅਤੇ ਸ਼ਿਵਾਂਗੀ ਸਿੰਘ ਦੁਆਰਾ ਲਿਖਿਆ ਗਿਆ ਹੈ। 'ਦਿ ਲੈਜੇਂਡ ਆਫ਼ ਹਨੂੰਮਾਨ' ਸੀਜ਼ਨ 7 ਦਾ ਪ੍ਰੀਮੀਅਰ ਵਿਸ਼ੇਸ਼ ਤੌਰ 'ਤੇ 23 ਅਕਤੂਬਰ ਨੂੰ ਜੀਓਹੌਟਸਟਾਰ 'ਤੇ ਹੋਵੇਗਾ।
