''ਬਿੱਗ ਬੌਸ 18'' ਦਾ ਇੰਤਜ਼ਾਰ ਹੋਇਆ ਖ਼ਤਮ, ਪਹਿਲਾਂ ਟੀਜ਼ਰ ਹੋਇਆ Out
Tuesday, Sep 17, 2024 - 01:05 PM (IST)
ਮੁੰਬਈ-' ਬਿੱਗ ਬੌਸ 18' ਦਾ ਪਹਿਲਾ ਪ੍ਰੋਮੋ ਰਿਲੀਜ਼ ਹੋ ਗਿਆ ਹੈ। ਇਸ ਵਾਰ ਸੀਜ਼ਨ ਭਵਿੱਖ ਅਤੇ ਸਮੇਂ 'ਤੇ ਆਧਾਰਿਤ ਸੀ। ਬਿੱਗ ਬੌਸ 18 ਦਾ ਪ੍ਰੋਮੋ ਬਹੁਤ ਖਾਸ ਅਤੇ ਦਿਲਚਸਪ ਲੱਗ ਰਿਹਾ ਹੈ। ਇਸ ਦੇ ਨਾਲ ਹੀ ਸਲਮਾਨ ਖ਼ਾਨ ਇਸ ਸ਼ੋਅ ਨੂੰ ਹੋਸਟ ਕਰਨਗੇ ਜਾਂ ਨਹੀਂ ਇਸ ਦੀਆਂ ਅੰਦਾਜ਼ੇ ਵੀ ਖਤਮ ਹੋ ਗਏ ਹਨ। ਪ੍ਰਸ਼ੰਸਕਾਂ ਨੂੰ ਪ੍ਰੋਮੋ ਵੀਡੀਓ ਤੋਂ ਜਵਾਬ ਮਿਲ ਗਿਆ ਹੈ ਕਿ ਹਮੇਸ਼ਾ ਦੀ ਤਰ੍ਹਾਂ ਇਸ ਸੀਜ਼ਨ ਨੂੰ ਸਲਮਾਨ ਹੀ ਹੋਸਟ ਕਰਨਗੇ। ਅੱਜ ਬਿੱਗ ਬੌਸ 18 ਦੇ ਪ੍ਰੋਮੋ ਵੀਡੀਓ ਦੇ ਬੈਕਗਰਾਉਂਡ 'ਚ ਸਲਮਾਨ ਖ਼ਾਨ ਦੀ ਆਵਾਜ਼ ਹੈ। ਇਸ ਵੀਡੀਓ 'ਚ ਉਨ੍ਹਾਂ ਨੇ ਆਵਾਜ਼ ਦਿੱਤੀ ਹੈ।'ਬਿੱਗ ਬੌਸ 18' ਦੇ ਪਹਿਲੇ ਪ੍ਰੋਮੋ ਵੀਡੀਓ ਤੋਂ ਬਹੁਤ ਵੱਖਰੀਆਂ ਅਤੇ ਖਾਸ ਗੱਲਾਂ ਸਾਹਮਣੇ ਆਈਆਂ ਹਨ। ਸਲਮਾਨ ਖ਼ਾਨ ਵਾਇਸ ਓਵਰ 'ਚ ਕਹਿੰਦੇ ਹਨ, “ਬਿੱਗ ਬੌਸ ਘਰ ਵਾਲਿਆਂ ਦਾ ਭਵਿੱਖ ਦੇਖੇਗਾ, ਹੁਣ ਸਮੇਂ ਦੀ ਦੌੜ ਹੋਵੇਗੀ।” ਪ੍ਰੋਮੋ ਦੇ ਕੈਪਸ਼ਨ 'ਚ ਲਿਖਿਆ ਹੈ, “ਐਂਟਰਟੇਨਮੈਂਟ ਦੀ ਇੱਛਾ ਪੂਰੀ ਹੋਵੇਗੀ ਜਦੋਂ ਬਿੱਗ ਬੌਸ 'ਚ ਸਮੇਂ ਦਾ ਸੰਤੁਲਨ ਨਵਾਂ ਮੋੜ ਲੈ ਕੇ ਆਵੇਗਾ। ਕੀ ਤੁਸੀਂ ਸੀਜ਼ਨ 18 ਲਈ ਤਿਆਰ ਹੋ ।”
'ਬਿੱਗ ਬੌਸ 18' ਦੇ ਪ੍ਰੋਮੋ 'ਚ ਤੁਸੀਂ ਦੇਖ ਸਕਦੇ ਹੋ ਕਿ ਘੜੀ ਦੇ ਨੰਬਰ ਘੁੰਮ ਰਹੇ ਹਨ। ਇਸ ਦੌਰਾਨ ਬਿੱਗ ਬੌਸ ਦੀ ਅੱਖ ਨਜ਼ਰ ਆ ਰਹੀ ਹੈ, ਜੋ ਅਸਲੀ ਲੱਗ ਰਹੀ ਹੈ ਅਤੇ ਇਧਰ-ਉਧਰ ਦੇਖ ਰਹੀ ਹੈ। ਉਹ ਵੀ ਝਪਕ ਰਹੀ ਹੈ। ਘੜੀ ਨੂੰ ਸੰਘਣੇ ਕਾਲੇ ਬੱਦਲਾਂ ਅਤੇ ਗਰਜਦੀ ਬਿਜਲੀ ਦੇ ਵਿਚਕਾਰ ਦੇਖਿਆ ਜਾ ਸਕਦਾ ਹੈ। ਕੁੱਲ ਮਿਲਾ ਕੇ ਪ੍ਰੋਮੋ ਕਾਫ਼ੀ ਦਿਲਚਸਪ ਅਤੇ ਆਕਰਸ਼ਕ ਲੱਗ ਰਿਹਾ ਹੈ।'ਬਿੱਗ ਬੌਸ 18' ਦੇ ਪ੍ਰੋਮੋ ਦੇਖਣ ਅਤੇ ਸਲਮਾਨ ਖ਼ਾਨ ਦੀ ਆਵਾਜ਼ ਸੁਣ ਕੇ ਪ੍ਰਸ਼ੰਸਕ ਕਾਫੀ ਉਤਸ਼ਾਹਿਤ ਹਨ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
