ਮੂਸੇਵਾਲਾ ਜਾਂ ਦਿਲਜੀਤ? ਆਖ਼ਰ ਕਿਸ ਗਾਇਕ ਨੂੰ ਬਿਹਤਰ ਮੰਨਦੇ ਨੇ ਗਾਇਕ ਜਾਨੀ

ਜਲੰਧਰ (ਬਿਊਰੋ) : ਪੰਜਾਬੀ ਸੰਗੀਤ ਜਗਤ ਨੂੰ ਸਦਾ ਬਹਾਰ ਗੀਤ ਦੇ ਚੁੱਕੇ ਗੀਤਕਾਰ ਅਤੇ ਗਾਇਕ ਜਾਨੀ ਇਸ ਸਮੇਂ ਆਪਣੇ ਤਾਜ਼ਾ ਪੋਡਕਾਸਟ ਕਾਰਨ ਚਰਚਾ ਦਾ ਵਿਸ਼ਾ ਬਣੇ ਹੋਏ ਹਨ। ਦਰਅਸਲ, ਹਾਲ ਹੀ 'ਚ ਗਾਇਕ ਜਾਨੀ ਨੇ ਇੱਕ ਪੋਡਕਾਸਟ ਦੌਰਾਨ ਆਪਣੇ ਬਾਰੇ ਕਾਫੀ ਗੱਲਾਂ ਸਾਂਝੀਆਂ ਕੀਤੀਆਂ। ਇਸ ਦੌਰਾਨ ਜਦੋਂ ਉਨ੍ਹਾਂ ਤੋਂ ਮਰੂਹਮ ਗਾਇਕ ਸਿੱਧੂ ਮੂਸੇਵਾਲਾ ਅਤੇ ਦਿਲਜੀਤ ਦੁਸਾਂਝ ਬਾਰੇ ਪੁੱਛਿਆ ਗਿਆ ਤਾਂ ਉਨ੍ਹਾਂ ਨੇ ਇੰਨ੍ਹਾਂ ਦੋਵਾਂ ਗਾਇਕਾਂ ਬਾਰੇ ਕਾਫੀ ਸ਼ਾਨਦਾਰ ਗੱਲਾਂ ਸਾਂਝੀਆਂ ਕੀਤੀਆਂ।

ਇਹ ਵੀ ਪੜ੍ਹੋ- ਤਲਾਕ ਦੇ ਐਲਾਨ ਤੋਂ ਬਾਅਦ ਹੋ ਸਕਦੀ ਹੈ AR Rahman- ਸ਼ਾਇਰਾ ਬਾਨੋ 'ਚ ਸੁਲ੍ਹਾ!

ਪੋਡਕਾਸਟ ਦੌਰਾਨ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਕਈ ਲੋਕ ਕਹਿੰਦੇ ਹਨ ਕਿ ਜੇਕਰ ਸਿੱਧੂ ਮੂਸੇਵਾਲਾ ਜ਼ਿੰਦਾ ਹੁੰਦੇ ਤਾਂ ਉਹ ਗਲੋਬਲੀ ਬਹੁਤ ਅੱਗੇ ਹੁੰਦੇ, ਜੋ ਸੁਫ਼ਨਾ ਅੱਜ ਦਿਲਜੀਤ ਜਿਉਂ ਰਹੇ ਹਨ ਉਹ ਸਿੱਧੂ ਮੂਸੇਵਾਲਾ ਜਿਉਂ ਰਹੇ ਹੁੰਦੇ? ਇਸ ਗੱਲ ਦਾ ਜਵਾਬ ਦਿੰਦੇ ਹੋਏ ਗੀਤਕਾਰ ਜਾਨੀ ਨੇ ਕਿਹਾ, ''ਹਾਂ ਜੀ ਜੇਕਰ ਅੱਜ ਸਿੱਧੂ ਮੂਸੇਵਾਲਾ ਬਾਈ ਜ਼ਿੰਦਾ ਹੁੰਦੇ ਤਾਂ ਉਹ ਬਹੁਤ ਵੱਡੇ ਲੈਵਲ 'ਤੇ ਚੱਲੇ ਜਾਂਦੇ, ਹੁਣ ਤੱਕ ਉਨ੍ਹਾਂ ਦਾ ਡਰੇਕ ਨਾਲ ਕਲੋਬਰੇਸ਼ਨ ਆ ਜਾਂਦਾ ਪਰ ਉਸ ਨਾਲ ਦਿਲਜੀਤ ਭਾਜੀ ਪ੍ਰਭਾਵਿਤ ਨਹੀਂ ਹੁੰਦੇ। ਹਰ ਬੰਦਾ ਭਾਜੀ ਇੱਥੇ ਆਪਣੀ ਕਿਸਮਤ ਲੈ ਕੇ ਆਉਂਦਾ ਹੈ, ਹਰ ਬੰਦਾ ਆਪਣੀ ਰੋਟੀ ਖਾਂਦਾ ਹੈ ਇੱਥੇ, ਹੋ ਸਕਦਾ ਹੈ ਕਿ ਉਹ ਦੋਵੇਂ ਬਰਾਬਰ ਦੇ ਕਲਾਕਾਰ ਹੁੰਦੇ, ਹੋ ਸਕਦਾ ਹੈ ਕਿ ਸਿੱਧੂ ਮੂਸੇਵਾਲਾ ਇੱਕ ਪੁਆਇੰਟ ਜ਼ਿਆਦਾ ਅੱਗੇ ਹੁੰਦੇ ਪਰ ਦਿਲਜੀਤ ਭਾਜੀ ਦੀ ਕਿਸਮਤ ਦਿਲਜੀਤ ਭਾਜੀ ਦੇ ਨਾਲ ਹੈ। ਕੋਈ ਕਲਾਕਾਰ ਦਿਲਜੀਤ ਅਤੇ ਸਿੱਧੂ ਮੂਸੇਵਾਲਾ ਦੀ ਕਿਸਮਤ ਨਹੀਂ ਖਾ ਸਕਦੇ।''

ਇਹ ਵੀ ਪੜ੍ਹੋੋ- ਮਸ਼ਹੂਰ Influencer ਦਾ ਪ੍ਰਾਈ. ਵੇਟ ਵੀਡੀਓ ਲੀਕ, ਅਜਿਹੀ ਹਾਲਤ 'ਚ ਵੇਖ ਉਡੇ ਲੋਕਾਂ ਦੇ ਹੋਸ਼

ਇਸ ਦੌਰਾਨ ਗਾਇਕ ਜਾਨੀ ਬਾਰੇ ਗੱਲ ਕਰੀਏ ਜਾਨੀ ਦੇ ਗੀਤ ਨੌਜਵਾਨਾਂ 'ਚ ਬਹੁਤ ਮਸ਼ਹੂਰ ਹਨ। ਇਹੀ ਕਾਰਨ ਹੈ ਕਿ ਗੀਤਕਾਰ ਆਪਣੀ ਸ਼ਾਨਦਾਰ ਲੇਖਣੀ ਸਦਕਾ ਹਰ ਵਰਗ ਦੇ ਲੋਕਾਂ ਨੂੰ ਜੋੜਨ 'ਚ ਕਾਮਯਾਬ ਹੈ। ਜਾਨੀ ਅਤੇ ਬੀ ਪਾਰਕ ਦੀ ਜੋੜੀ ਨੂੰ ਲੋਕ ਖਾਸ ਤੌਰ 'ਤੇ ਪਸੰਦ ਕਰਦੇ ਹਨ। ਪਿਛਲੇ ਕੁਝ ਸਾਲਾਂ ਤੋਂ ਇਹ ਜੋੜੀ ਇੱਕ ਤੋਂ ਬਾਅਦ ਇੱਕ ਸੁਪਰਹਿੱਟ ਗੀਤ ਦੇ ਰਹੀ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ।

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ।