ਰਾਹੁਲ-ਦਿਸ਼ਾ ਦੀ ਰਿਸਪੈਸ਼ਨ ਪਾਰਟੀ ’ਚ ਸ਼ਵੇਤਾ ਤਿਵਾੜੀ ਦੇ ਚਰਚੇ, ਇੰਨੀ ਮਹਿੰਗੀ ਸਾੜੀ ਪਹਿਨ ਪਹੁੰਚੀ ਅਦਾਕਾਰਾ
07/28/2021 1:41:18 PM
ਮੁੰਬਈ: ਟੀ.ਵੀ. ਅਦਾਕਾਰਾ ਸ਼ਵੇਤਾ ਤਿਵਾੜੀ ਆਪਣੀ ਲੁੱਕ ਅਤੇ ਸਟਾਈਲ ਨੂੰ ਲੈ ਕੇ ਹਮੇਸ਼ਾ ਚਰਚਾ ’ਚ ਰਹਿੰਦੀ ਹੈ। ਹਾਲ ਹੀ ’ਚ ਉਹ ‘ਬਿਗ ਬੌਸ’ ਫੇਮ ਰਾਹੁਲ ਵੈਦਿਆ ਅਤੇ ਦਿਸ਼ਾ ਪਰਮਾਰ ਦੀ ਰਿਸੈਪਸ਼ਨ ਪਾਰਟੀ ’ਚ ਪਹੁੰਚੀ ਸੀ। ਇਸ ਦੌਰਾਨ ਉਹ ਬੇਹੱਦ ਖ਼ੂਬਸੂਰਤ ਸਾੜੀ ’ਚ ਜਲਵੇ ਬਿਖੇਰਦੀ ਨਜ਼ਰ ਆਈ।
ਸ਼ਵੇਤਾ ਨੇ ਇਨ੍ਹਾਂ ਤਸਵੀਰਾਂ ਨੂੰ ਆਪਣੇ ਇੰਸਟਾਗ੍ਰਾਮ ’ਤੇ ਸਾਂਝਾ ਕੀਤਾ ਹੈ ਜਿਸ ’ਤੇ ਪ੍ਰਸ਼ੰਸਕ ਆਪਣੀ ਪ੍ਰਤੀਕਿਰਿਆ ਦੇ ਰਹੇ ਹਨ ਪਰ ਕੀ ਤੁਹਾਨੂੰ ਪਤਾ ਹੈ ਕਿ ਸ਼ਵੇਤਾ ਦੀ ਸਾੜੀ ਕਿੰਨੇ ਦੀ ਹੈ? ਆਓ ਜਾਣਦੇ ਹਾਂ ਕੀਮਤ।
ਰਾਹੁਲ-ਦਿਸ਼ਾ ਦੀ ਰਿਸੈਪਸ਼ਨ ਪਾਰਟੀ ਲਈ ਸ਼ਵੇਤਾ ਨੇ ਆਪਣੇ ਲਈ ਬਲਿਊ ਰੰਗ ਦੀ ਸਾੜੀ ਨੂੰ ਚੁਣਿਆ ਸੀ। ਸਾੜੀ ਦਾ ਲਾਈਟ ਰੰਗ ਜਿੰਨਾ ਪਿਆਰਾ ਸੀ, ਓਨਾ ਹੀ ਖ਼ੂਬਸੂਰਤ ਉਸ ’ਤੇ ਵਰਕ ਵੀ ਕੀਤਾ ਹੋਇਆ ਸੀ।
ਸ਼ਵੇਤਾ ਦੀ ਇਸ ਆਊਟਫਿਟ ਨੂੰ ਫੈਸ਼ਨ ਡਿਜ਼ਾਈਨਰ ਪੂਜਾ ਪੇਸ਼ੋਰੀਆ ਦੇ ਕਲੈਕਸ਼ਨ ਤੋਂ ਲਿਆ ਸੀ ਜਿਸ ’ਚ ਕ੍ਰਿਸਟਲ ਅਤੇ ਫੈਦਰ ਵਰਕ ਨਜ਼ਰ ਆ ਰਿਹਾ ਸੀ।
ਤੁਹਾਨੂੰ ਦੱਸ ਦੇਈਏ ਕਿ ਸ਼ਵੇਤਾ ਦੀ ਇਸ ਸਾੜੀ ਦੀ ਕੀਮਤ ਲਗਭਗ 90 ਹਜ਼ਾਰ ਰੁਪਏ ਸੀ। ਇਸ ਸਾੜੀ ਨੂੰ ਆਨਲਾਈਨ ਵੀ ਖਰੀਦਿਆ ਜਾ ਸਕਦਾ ਹੈ। ਸ਼ਵੇਤਾ ਹਮੇਸ਼ਾ ਡਿਜ਼ਾਈਨਿੰਗ ਕੱਪੜਿਆਂ ’ਚ ਬਹੁਤ ਖ਼ੂਬਸੂਰਤ ਲੁੱਕ ਦਿੰਦੀ ਨਜ਼ਰ ਆਉਂਦੀ ਹੈ।
ਸ਼ਵੇਤਾ ਤਿਵਾੜੀ ਨੇ ਕੁਝ ਸਮਾਂ ਪਹਿਲਾਂ ਹੀ ਕੈਪਟਾਊਨ ’ਚ ‘ਖਤਰੋਂ ਕੇ ਖਿਲਾੜੀ’ ਦੀ ਸ਼ੂਟਿੰਗ ਖਤਮ ਕੀਤੀ ਹੈ।
ਸ਼ਵੇਤਾ ਨੇ ਹਾਲ ਹੀ ’ਚ ਇਹ ਤਸਵੀਰਾਂ ਇੰਸਟਾਗ੍ਰਾਮ ’ਤੇ ਸ਼ੇਅਰ ਕੀਤੀਆਂ ਸਨ ਜਿਸ ਨੂੰ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਵੱਲੋਂ ਖ਼ੂਬ ਪਸੰਦ ਕੀਤਾ ਜਾ ਰਿਹਾ ਹੈ।
