ਸਾਰਾ ਅਲੀ ਖ਼ਾਨ ਨੂੰ ਇਸ ਨਾਂ ਨਾਲ ਬੁਲਾਉਂਦੇ ਹਨ ਤੈਮੂਰ, ਸੁਣ ਤੁਹਾਨੂੰ ਵੀ ਆ ਜਾਵੇਗਾ ਹਾਸਾ

ਮੁੰਬਈ- ਅਦਾਕਾਰਾ ਸਾਰਾ ਅਲੀ ਖ਼ਾਨ ਨੇ ਹਾਲ ਹੀ ਵਿੱਚ ਇੱਕ ਮਜ਼ੇਦਾਰ ਖੁਲਾਸਾ ਕੀਤਾ ਹੈ ਪਰ ਇਸ ਤੋਂ ਪਹਿਲਾਂ ਤੁਹਾਨੂੰ ਦੱਸ ਦਿੰਦੇ ਹਾਂ ਕਿ ਸਾਰਾ ਅਲੀ ਖ਼ਾਨ ਸੈਫ ਅਲੀ ਖ਼ਾਨ ਦੀ ਧੀ ਹੈ। ਸਾਰਾ ਅਤੇ ਇਬਰਾਹਿਮ ਸੈਫ ਦੀ ਪਹਿਲੀ ਪਤਨੀ ਅੰਮ੍ਰਿਤਾ ਸਿੰਘ ਦੇ ਬੱਚੇ ਹਨ। ਸੈਫ ਅਤੇ ਅੰਮ੍ਰਿਤਾ ਦਾ ਤਲਾਕ ਹੋ ਚੁੱਕਿਆ ਹੈ ਪਰ ਜਿਹੜਾ ਅੱਜ ਅਸੀਂ ਖੁਲਾਸਾ ਕਰਨ ਜਾ ਰਹੇ ਹਾਂ ਉਹ ਸੈਫ ਕਰੀਨਾ ਦੇ ਵੱਡੇ ਪੁੱਤਰ ਤੈਮੂਰ ਨੂੰ ਲੈ ਕੇ ਹੈ।

ਕੁਝ ਸਮਾਂ ਪਹਿਲਾਂ ਸਾਰਾ ਨੇ ਇੱਕ ਇੰਟਰਵਿਊ ਵਿੱਚ ਖੁਲਾਸਾ ਕੀਤਾ ਸੀ ਕਿ ਉਸ ਦਾ ਭਰਾ ਤੈਮੂਰ ਉਸ ਨੂੰ ‘ਗੋਲ’ ਕਹਿ ਕੇ ਬਲਾਉਂਦਾ ਸੀ। ਸਾਰਾ ਨੇ ਦੱਸਿਆ ਕਿ ਤੈਮੂਰ ਉਹਨਾਂ ਦੀ ਬਾਡੀ ਸ਼ੇਮਿੰਗ ਨਹੀਂ ਕਰ ਰਿਹਾ ਬਲਕਿ ਉਸ ਤਰ੍ਹਾਂ ਹੀ ਉਸ ਨੂੰ ਗੋਲ ਕਹਿੰਦਾ ਸੀ।

ਸਾਰਾ ਨੇ ਕਿਹਾ ਕਿ ਤੈਮੂਰ ਦੇ ਮੂੰਹ ਵਿਚੋਂ ਇਹ ਸ਼ਬਦ ਸੁਣਕੇ ਉਸ ਨੂੰ ਬਹੁਤ ਮਜ਼ਾ ਆਉਂਦਾ ਸੀ। ਤੁਹਾਨੂੰ ਦੱਸ ਦਿੰਦੇ ਹਾ ਕਿ ਸਾਰਾ ਨੇ ਬਾਲੀਵੁੱਡ ਵਿੱਚ ਫ਼ਿਲਮ 'ਕੇਦਾਰਨਾਥ' ਨਾਲ ਡੈਬਿਊ ਕੀਤਾ ਸੀ। ਇਸ ਫ਼ਿਲਮ ਵਿੱਚ ਸਾਰਾ ਦੇ ਨਾਲ ਸੁਸ਼ਾਂਤ ਸਿੰਘ ਰਾਜਪੂਤ ਨਜ਼ਰ ਆਏ ਸਨ। ਇਸ ਫ਼ਿਲਮ ਨੇ ਬਾਕਸ ਆਫ਼ਿਸ ਤੇ ਚੰਗਾ ਪੈਸਾ ਕਮਾਇਆ ਸੀ।