ਜਾਇਦਾਦ ਵਿਵਾਦ: ਸੰਜੇ ਕਪੂਰ ਦੀ ਮਾਂ ਨੇ ਨੂੰਹ ਪ੍ਰਿਆ, ਕਰਿਸ਼ਮਾ ਕਪੂਰ ਤੇ ਬੱਚਿਆਂ ਖਿਲਾਫ ਖੋਲ੍ਹਿਆ ਮੋਰਚਾ

ਮਨੋਰੰਜਨ ਡੈਸਕ : ਮਸ਼ਹੂਰ ਸਵਰਗਵਾਸੀ ਉਦਯੋਗਪਤੀ ਸੰਜੇ ਕਪੂਰ ਦੀ ਹਜ਼ਾਰਾਂ ਕਰੋੜਾਂ ਰੁਪਏ ਦੀ ਜਾਇਦਾਦ ਨੂੰ ਲੈ ਕੇ ਪਰਿਵਾਰਕ ਵਿਵਾਦ ਡੂੰਘਾ ਹੁੰਦਾ ਜਾ ਰਿਹਾ ਹੈ। ਦਿੱਲੀ ਹਾਈ ਕੋਰਟ ਨੇ ਸੰਜੇ ਕਪੂਰ ਦੀ ਮਾਂ ਰਾਣੀ ਕਪੂਰ ਵੱਲੋਂ ਦਾਇਰ ਪਟੀਸ਼ਨ 'ਤੇ ਸੁਣਵਾਈ ਕਰਦਿਆਂ ਉਨ੍ਹਾਂ ਦੀ ਨੂੰਹ ਪ੍ਰਿਆ ਕਪੂਰ, ਅਦਾਕਾਰਾ ਕਰਿਸ਼ਮਾ ਕਪੂਰ ਦੇ ਬੱਚਿਆਂ ਅਤੇ 20 ਹੋਰ ਲੋਕਾਂ ਨੂੰ ਨੋਟਿਸ ਜਾਰੀ ਕੀਤਾ ਹੈ। ਰਾਣੀ ਕਪੂਰ ਨੇ ਦੋਸ਼ ਲਾਇਆ ਹੈ ਕਿ ਧੋਖੇ ਨਾਲ 'ਆਰਕੇ ਫੈਮਿਲੀ ਟਰੱਸਟ' ਬਣਾ ਕੇ ਉਨ੍ਹਾਂ ਦੀ ਜਾਇਦਾਦ ਹੜੱਪਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ।

ਧੋਖਾਧੜੀ ਦੇ ਗੰਭੀਰ ਦੋਸ਼
80 ਸਾਲਾ ਰਾਣੀ ਕਪੂਰ ਨੇ ਅਦਾਲਤ ਵਿੱਚ ਦਾਅਵਾ ਕੀਤਾ ਹੈ ਕਿ ਇਹ ਟਰੱਸਟ ਉਨ੍ਹਾਂ ਦੀ ਸਹਿਮਤੀ ਤੋਂ ਬਿਨਾਂ ਗੈਰ-ਕਾਨੂੰਨੀ ਤਰੀਕੇ ਨਾਲ ਬਣਾਇਆ ਗਿਆ ਸੀ। ਉਨ੍ਹਾਂ ਦੱਸਿਆ ਕਿ 2017 ਵਿੱਚ ਸਟ੍ਰੋਕ ਆਉਣ ਤੋਂ ਬਾਅਦ ਉਨ੍ਹਾਂ ਦੀ ਸਰੀਰਕ ਹਾਲਤ ਦਾ ਫਾਇਦਾ ਉਠਾਉਂਦਿਆਂ, ਉਨ੍ਹਾਂ ਦੇ ਬੇਟੇ ਸੰਜੇ ਕਪੂਰ ਅਤੇ ਨੂੰਹ ਪ੍ਰਿਆ ਕਪੂਰ ਨੇ ਪ੍ਰਬੰਧਕੀ ਸਹੂਲਤ ਦੇ ਬਹਾਨੇ ਉਨ੍ਹਾਂ ਤੋਂ ਕਈ ਖਾਲੀ ਕਾਗਜ਼ਾਂ 'ਤੇ ਦਸਤਖਤ ਕਰਵਾ ਲਏ ਸਨ। ਉਨ੍ਹਾਂ ਅਨੁਸਾਰ, ਇਸ ਸਾਜ਼ਿਸ਼ ਦੀ ਮੁੱਖ ਮਾਸਟਰਮਾਈਂਡ ਪ੍ਰਿਆ ਕਪੂਰ ਹੈ, ਜਿਸ ਨੇ ਸੰਜੇ ਕਪੂਰ ਦੀ ਮੌਤ ਤੋਂ ਤੁਰੰਤ ਬਾਅਦ 'ਸੋਨਾ ਗਰੁੱਪ' ਦੀਆਂ ਕੰਪਨੀਆਂ 'ਤੇ ਕੰਟਰੋਲ ਕਰਨ ਲਈ ਤੇਜ਼ੀ ਦਿਖਾਈ।

ਕਿਸਦੇ ਹਿੱਸੇ ਆਈ ਕਿੰਨੀ ਜਾਇਦਾਦ? 
ਸੁਣਵਾਈ ਦੌਰਾਨ ਰਾਣੀ ਕਪੂਰ ਦੇ ਵਕੀਲ ਵੈਭਵ ਗੱਗਰ ਨੇ ਦੱਸਿਆ ਕਿ ਸੰਜੇ ਕਪੂਰ ਦੀ ਮੌਤ ਤੋਂ ਬਾਅਦ ਪ੍ਰਿਆ ਕਪੂਰ ਪਰਿਵਾਰ ਦੇ ਲਗਭਗ 60% ਸੰਪਤੀ ਦੀ ਲਾਭਪਾਤਰੀ ਬਣ ਗਈ, ਜਦੋਂ ਕਿ 40% ਹਿੱਸਾ ਬੱਚਿਆਂ ਕੋਲ ਚਲਾ ਗਿਆ, ਜਿਸ ਨਾਲ ਰਾਣੀ ਕਪੂਰ ਕੋਲ ਕੁਝ ਵੀ ਨਹੀਂ ਬਚਿਆ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਫੈਮਿਲੀ ਟਰੱਸਟ ਦੀ ਕੀਮਤ ਕਈ ਹਜ਼ਾਰ ਕਰੋੜ ਰੁਪਏ ਹੈ, ਜਿਸ ਦੀ ਸੋਨਾ ਕੌਮਸਟਾਰ ਵਰਗੀਆਂ ਵੱਡੀਆਂ ਕੰਪਨੀਆਂ ਵਿੱਚ ਹਿੱਸੇਦਾਰੀ ਹੈ।

ਅਦਾਲਤ ਦੀ ਸਖ਼ਤੀ
ਜਸਟਿਸ ਮਿੰਨੀ ਪੁਸ਼ਕਰਨਾ ਨੇ ਮਾਮਲੇ ਦੀ ਗੰਭੀਰਤਾ ਨੂੰ ਦੇਖਦੇ ਹੋਏ ਪ੍ਰਿਆ ਕਪੂਰ ਦੇ ਵਕੀਲ ਨੂੰ ਨਿਰਦੇਸ਼ ਦਿੱਤੇ ਹਨ ਕਿ ਅਦਾਲਤ ਤੋਂ ਕੋਈ ਵੀ ਜਾਣਕਾਰੀ ਨਾ ਛੁਪਾਈ ਜਾਵੇ ਅਤੇ ਮੀਟਿੰਗਾਂ ਦੇ ਮਿੰਟਸ ਤੇ ਖਾਤਿਆਂ ਦੀ ਪੂਰੀ ਜਾਣਕਾਰੀ ਪੇਸ਼ ਕੀਤੀ ਜਾਵੇ। ਹਾਲਾਂਕਿ, ਅਦਾਲਤ ਨੇ ਫਿਲਹਾਲ ਕੋਈ ਅੰਤਰਿਮ ਸਟੇਅ ਆਰਡਰ ਜਾਰੀ ਨਹੀਂ ਕੀਤਾ ਹੈ ਅਤੇ ਅਗਲੀ ਸੁਣਵਾਈ 23 ਮਾਰਚ ਲਈ ਤੈਅ ਕੀਤੀ ਹੈ। ਦੂਜੇ ਪਾਸੇ, ਪ੍ਰਿਆ ਕਪੂਰ ਦੇ ਵਕੀਲ ਅਖਿਲ ਸਿੱਬਲ ਨੇ ਇਨ੍ਹਾਂ ਦੋਸ਼ਾਂ ਨੂੰ ਨਕਾਰਦਿਆਂ ਕਿਹਾ ਕਿ ਉਹ ਇਸ ਕੇਸ ਨੂੰ ਖਾਰਜ ਕਰਨ ਲਈ ਅਰਜ਼ੀ ਦਾਇਰ ਕਰਨਗੇ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e