ਸਲਮਾਨ ਖ਼ਾਨ ਦੀ ਫ਼ਿਲਮ ''ਟਾਈਗਰ 3'' ਲਈ ਫਿਰ ਤੋਂ ਹੋਵੇਗਾ ਵੱਡੀ ਰਕਮ ਦਾ ਨੁਕਸਾਨ

ਮੁੰਬਈ-ਸੁਪਰਸਟਾਰ ਸਲਮਾਨ ਖ਼ਾਨ ਅਤੇ ਕੈਟਰੀਨਾ ਕੈਫ ਦੀ ਆਉਣ ਵਾਲੀ ਫ਼ਿਲਮ 'ਟਾਈਗਰ 3' ਨੂੰ ਲੈ ਕੇ ਫੈਨਜ਼ ਵਿਚ ਕਾਫ਼ੀ ਵੱਡਾ ਕ੍ਰੇਜ਼ ਹੈ। ਇਸ ਫ਼ਿਲਮ ਦੀ ਅਨਾਊਸਮੈਂਟ ਤੋਂ ਬਾਅਦ ਫੈਨਜ਼ ਦਾ ਕਹਿਣਾ ਹੈ ਕਿ ਇਹ ਫਿਲਮ ਵੱਡਾ ਧਮਾਕਾ ਕਰੇਗੀ ਪਰ ਜਿਵੇਂ ਹੀ ਇਸ ਫ਼ਿਲਮ ਦੀ ਸ਼ੂਟਿੰਗ ਸ਼ੁਰੂ ਹੋਈ ਤਾਂ ਕੁਝ ਅਜਿਹਾ ਹੋਇਆ ਜੋ ਮੇਕਰਸ ਲਈ ਬਿਲਕੁਲ ਠੀਕ ਨਹੀਂ ਸੀ। ਮੁੰਬਈ ਵਿਚ ਆਏ ਤੌਕਤੇ ਤੂਫ਼ਾਨ ਨੇ 'ਟਾਈਗਰ 3' ਦੇ ਸੈੱਟ ਨੂੰ ਉੜਾ ਦਿੱਤਾ ਸੀ। ਹੁਣ ਜਦ ਦੁਬਾਰਾ ਇਸ ਫ਼ਿਲਮ ਦਾ ਸੈੱਟ ਬਣਨਾ ਤਿਆਰ ਹੋਇਆ ਹੈ ਤਾਂ ਇਸ ਉਪਰ ਮੁੜ ਲਾਗਤ 9 ਕਰੋੜ ਦੀ ਆਉਣ ਵਾਲੀ ਹੈ। 
ਦਰਅਸਲ ਜਦ ਹੁਣ ਇਹ ਸੈੱਟ ਦੁਬਾਰਾ ਬਣ ਰਿਹਾ ਹੈ ਤਾਂ ਇਸ ਵਿਚ ਤਕਰੀਬਨ 100 ਤੋਂ 150 ਮਜ਼ਦੂਰ ਕੰਮ ਕਰਨ ਜਾ ਰਹੇ ਹਨ। ਇਹ ਸੈੱਟ ਮਾਰਚ ਵਿੱਚ 250 ਤੋਂ 300 ਕਰਮਚਾਰੀਆਂ ਦੁਆਰਾ ਬਣਾਇਆ ਗਿਆ ਸੀ, ਜੋ ਤੂਫਾਨ ਵਿਚ ਪੂਰੀ ਤਰਾਂ ਬਰਬਾਦ ਹੋ ਗਿਆ ਸੀ। ਫ਼ਿਲਮ ਦਾ ਸੈੱਟ ਇਨ੍ਹਾਂ ਕੁ ਗ੍ਰੈਂਡ ਤੇ ਵੱਧ ਲਾਗਤ ਵਾਲਾ ਹੈ ਜਿਸ ਨੂੰ ਮੁੜ ਖੜਾ ਕਰਨ 'ਚ ਕਰੋੜਾਂ ਵਿਚ ਰਕਮ ਅਦਾ ਕਰਨੀ ਪੈ ਰਹੀ ਹੈ। 
'ਟਾਈਗਰ 3' ਦੀ ਸ਼ੂਟਿੰਗ ਮੁੰਬਈ ਵਿੱਚ ਮਾਰਚ 2021 ਵਿੱਚ ਸ਼ੁਰੂ ਹੋਈ ਸੀ ਪਰ ਫਿਰ ਕੁਝ ਦਿਨਾਂ ਬਾਅਦ ਕੈਟਰੀਨਾ ਕੈਫ ਕੋਰੋਨਾ ਪਾਜ਼ੇਟਿਵ ਪਾਈ ਗਈ ਅਤੇ ਫ਼ਿਲਮ ਦੀ ਸ਼ੂਟਿੰਗ ਰੋਕ ਦਿੱਤੀ ਗਈ। ਇਸ ਵਾਰ ਫ਼ਿਲਮ ਨੂੰ ਹੋਰ ਸ਼ਾਨਦਾਰ ਅਤੇ ਮਜ਼ਬੂਤ ਬਣਾਉਣ ਲਈ 350 ਕਰੋੜ ਦਾ ਬਜਟ ਤੈਅ ਕੀਤਾ ਗਿਆ ਹੈ। ਇਸ ਵਾਰ ਅਦਾਕਾਰ ਇਮਰਾਨ ਹਾਸ਼ਮੀ ਸਲਮਾਨ ਖ਼ਾਨ ਨਾਲ ਟੱਕਰ ਲੈਂਦੇ ਨਜ਼ਰ ਆਉਣਗੇ। ਇਮਰਾਨ ਹਾਸ਼ਮੀ ਵਿਲੇਨ ਦੇ ਕਿਰਦਾਰ ਲਈ ਇਕ ਜ਼ਬਰਦਸਤ ਟ੍ਰਾਂਸਫੋਰਮੇਸ਼ਨ ਕਰ ਸਕਦੇ ਹਨ।