ਫ਼ਿਲਮ ‘ਬੱਚਨ ਪਾਂਡੇ’ ਦਾ ਗੀਤ ‘ਸਾਰੇ ਬੋਲੋ ਬੇਵਫਾ’ ਹੋਇਆ ਰਿਲੀਜ਼ (ਵੀਡੀਓ)
Tuesday, Mar 08, 2022 - 10:45 AM (IST)
ਮੁੰਬਈ (ਬਿਊਰੋ)– ਸਾਜਿਦ ਨਾਡਿਆਡਵਾਲਾ ਦੀ ਫ਼ਿਲਮ ‘ਬੱਚਨ ਪਾਂਡੇ’ ਦੇ ਹੁਣ ਤੱਕ 2 ਗੀਤ ‘ਮਾਰ ਖਾਏਗਾ’ ਤੇ ‘ਮੇਰੀ ਜਾਨ’ ਆ ਚੁੱਕੇ ਹਨ। ਦੋਵਾਂ ਨੂੰ ਦਰਸ਼ਕਾਂ ਦਾ ਖ਼ੂਬ ਪਿਆਰ ਮਿਲਿਆ ਹੈ। ਹੁਣ ਤੀਜਾ ਗੀਤ ਵੀ ਨਿਰਮਾਤਾਵਾਂ ਵਲੋਂ ਰਿਲੀਜ਼ ਕੀਤਾ ਗਿਆ ਹੈ।
ਇਹ ਖ਼ਬਰ ਵੀ ਪੜ੍ਹੋ : ਪਹਿਲੀ ਵਾਰ ਗੈਰੀ ਸੰਧੂ ਨੇ ਆਪਣੇ ਪੁੱਤਰ ਅਵਤਾਰ ਸੰਧੂ ਦੀ ਵੀਡੀਓ ਕੀਤੀ ਸਾਂਝੀ
ਇਸ ਦੇ ਬੋਲ ਹਨ ‘ਸਾਰੇ ਬੋਲੋ ਬੇਵਫਾ’। ਗੀਤ ਨੂੰ ਦੇਖ ਕੇ ਅੰਦਾਜ਼ਾ ਲਗਾਇਆ ਜਾ ਸਕਦਾ ਹੈ ਕਿ ਦਰਸ਼ਕਾਂ ਦਾ ਮਨੋਰੰਜਨ ਕਿਸ ਪੱਧਰ ’ਤੇ ਹੋਵੇਗਾ। ਯਾਨੀ ਕਿ ਇਹ ਕਿਹਾ ਜਾ ਸਕਦਾ ਹੈ ਕਿ ਇਹ ਗੀਤ ਯਕੀਨਣ ਉਮੀਦਾਂ ’ਤੇ ਖਰਾ ਉਤਰੇਗਾ ਤੇ ਅਕਸ਼ੇ ਕੁਮਾਰ ਦਾ ਪਰਫੈਕਟ ਡਾਂਸ ਨੰਬਰ ਬਣ ਕੇ ਉਭਰੇਗਾ।
ਹਮੇਸ਼ਾ ਵਾਂਗ ਸੁਪਰਸਟਾਰ ਅਕਸ਼ੇ ਨੇ ਗੀਤ ’ਚ ਆਪਣੇ ਕਾਤਲਾਨਾ ਸਵੈਗ ਤੇ ਊਰਜਾਵਾਨ ਡਾਂਸ ਮੂਵਜ਼ ਨਾਲ ਦਰਸ਼ਕਾਂ ਦਾ ਮਨੋਰੰਜਨ ਕਰਨ ਦਾ ਵਾਅਦਾ ਕੀਤਾ ਹੈ। ਗੀਤ ’ਚ ਮੁੱਖ ਪਾਤਰ ਬੱਚਨ ਪਾਂਡੇ ਦੇ ਅੰਦਾਜ਼ ’ਚ ਅਕਸ਼ੇ ਕੁਮਾਰ ਦੀ ਅਦਾਕਾਰੀ ਤੇ ਸ਼ੈਲੀ ਉਸ ਦੀ ਊਰਜਾ ਦੇ ਨਾਲ-ਨਾਲ ਇਸ ਨੂੰ ਇਕ ਵੱਖਰੇ ਪੱਧਰ ’ਤੇ ਲੈ ਕੇ ਜਾਂਦੀ ਹੈ।
ਜਾਨੀ ਵਲੋਂ ਰਚਿਆ ਤੇ ਲਿਖਿਆ ਤੇ ਬੀ ਪਰਾਕ ਵਲੋਂ ਗਾਏ ਗਏ ਇਸ ਗੀਤ ਨੂੰ ਦੇਸੀ ਸੈਟਿੰਗ ਮਿਲੀ ਹੈ। ਅਕਸ਼ੇ ਤੇ ਉਸ ਦੀ ਟੋਲੀ ਨੇ ਬਾਕੀ ਗੀਤ ’ਚ ਕੋਈ ਕਸਰ ਨਹੀਂ ਛੱਡੀ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
