ਅੱਜ ਆਲੀਆ ਨੂੰ ਵਿਆਹੁਣ ਜਾਣਗੇ ਰਣਬੀਰ, ਢੋਲ ਨਗਾਰਿਆਂ ਨਾਲ ਕ੍ਰਿਸ਼ਨਾ ਰਾਜ ਬੰਗਲੇ ਤੋਂ ਨਿਕਲੇਗੀ ਬਾਰਾਤ

ਮੁੰਬਈ- ਬੀ-ਟਾਊਨ ਦਾ ਮਸ਼ਹੂਰ ਜੋੜਾ ਰਣਬੀਰ ਕਪੂਰ ਅਤੇ ਆਲੀਆ ਭੱਟ ਅੱਜ ਭਾਵ 14 ਅਪ੍ਰੈਲ ਨੂੰ ਵਿਆਹ ਦੇ ਬੰਧਨ 'ਚ ਬੱਝ ਜਾਵੇਗਾ। ਰਣਬੀਰ ਅੱਜ ਲਾੜਾ ਬਣ ਕੇ ਆਪਣੀ ਲਾੜੀ ਆਲੀਆ ਨੂੰ ਲੈਣ ਪਹੁੰਚਣਗੇ। 13 ਅਪ੍ਰੈਲ ਨੂੰ ਵਿਸ਼ੇਸ਼ ਪੂਜਾ ਅਤੇ ਮਹਿੰਦੀ ਸੈਰੇਮਨੀ ਦਾ ਆਯੋਜਨ ਕੀਤਾ ਗਿਆ ਜਿਸ 'ਚ ਭੱਟ ਪਰਿਵਾਰ ਅਤੇ ਕਪੂਰ ਪਰਿਵਾਰ ਦੇ ਨਾਲ ਬਾਲੀਵੁੱਡ ਦੇ ਚੁਨਿੰਦਾ ਲੋਕ ਸ਼ਾਮਲ ਹੋਏ। ਹੁਣ ਅੱਜ ਭਾਵ 14 ਅਪ੍ਰੈਲ ਨੂੰ ਹਲਦੀ, ਚੂੜਾ ਸੈਰੇਮਨੀ ਹੋਵੇਗੀ ਅਤੇ ਸ਼ਾਮ ਨੂੰ ਸ਼ੁੱਭ ਸਮੇਂ 'ਚ ਵਿਆਹ ਸਮਾਰੋਹ ਸ਼ੁਰੂ ਹੋਵੇਗਾ।

ਮੀਡੀਆ ਰਿਪੋਰਟ ਮੁਤਾਬਕ ਅੱਜ ਸਵੇਰੇ ਕਰੀਬ 9 ਵਜੇ ਤੋਂ ਹਲਦੀ ਦਾ ਪ੍ਰੋਗਰਾਮ ਸ਼ੁਰੂ ਹੋਵੇਗਾ। ਲਾੜਾ-ਲਾੜੀ ਨੂੰ ਪਰਿਵਾਰ ਦੇ ਮੈਂਬਰ ਹਲਦੀ ਲਗਾਉਣਗੇ। ਇਸ ਤੋਂ ਬਾਅਦ ਆਲੀਆ ਨੂੰ ਚੂੜਾ ਪਾਇਆ ਜਾਵੇਗਾ। ਇਨ੍ਹਾਂ ਰਸਮਾਂ ਦੇ ਪੂਰਾ ਹੋਣ ਤੋਂ ਬਾਅਦ ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ ਹੋ ਜਾਣਗੀਆਂ। 

ਢੋਲ ਨਗਾਰਿਆਂ ਦੇ ਨਾਲ ਕ੍ਰਿਸ਼ਨਾ ਰਾਜ ਬੰਗਲੇ ਤੋਂ ਨਿਕਲੇਗੀ ਬਾਰਾਤ
ਰਣਬੀਰ ਕਪੂਰ ਦੀ ਬਾਰਾਤ ਮੁੰਬਈ ਦੇ ਚੇਂਬੂਰ ਸਥਿਤ ਕ੍ਰਿਸ਼ਨਾ ਰਾਜ ਬੰਗਲੇ (ਆਰ.ਕੇ ਹਾਊਸ) ਤੋਂ ਨਿਕਲੇਗੀ। ਪੂਰਾ ਕਪੂਰ ਪਰਿਵਾਰ ਨੱਚਦੇ ਗਾਉਂਦੇ ਟੋਨੀ ਪਾਲ ਹਿਲ ਇਲਾਕੇ 'ਚ ਸਥਿਤ ਵਾਸਤੂ ਤੱਕ ਆਵੇਗਾ। ਦੋਵੇਂ ਬੰਗਲੇ ਇਕ-ਦੋ ਕਿਲੋਮੀਟਰ ਤੋਂ ਵੀ ਘੱਟ ਦੂਰੀ 'ਤੇ ਹਨ। ਇਥੇ ਵਿਆਹ ਦੀਆਂ ਸਾਰੀਆਂ ਰਸਮਾਂ ਪੂਰੀ ਹੋਣਗੀਆਂ।

17 ਅਪ੍ਰੈਲ ਨੂੰ ਹੋਵੇਗਾ ਰਿਸੈਪਸ਼ਨ
ਰਣਬੀਰ-ਆਲੀਆ ਦੇ ਵਿਆਹ 'ਚ ਬਹੁਤ ਘੱਟ ਮਹਿਮਾਨ ਸ਼ਾਮਲ ਹੋਣ ਵਾਲੇ ਹਨ। ਵਿਆਹ ਤੋਂ ਬਾਅਦ ਉਨ੍ਹਾਂ ਨੇ ਇਕ ਗ੍ਰੈਂਡ ਰਿਸੈਪਸ਼ਨ ਦਾ ਆਯੋਜਨ ਕੀਤਾ ਹੈ ਜਿਸ 'ਚ ਬਾਲੀਵੁੱਡ ਦੇ ਤਮਾਮ ਸਿਤਾਰੇ ਪਹੁੰਚਣ ਵਾਲੇ ਹਨ।