ਨੱਕ ਦੀ ਸਰਜਰੀ ਦੌਰਾਨ ਪ੍ਰਿਯੰਕਾ ਚੋਪੜਾ ਨਿਕਲੀ ਸੀ ਬੁਰੇ ਦੌਰ 'ਚੋਂ, ਹੋ ਗਈ ਸੀ ਡਿਪ੍ਰੈਸ਼ਨ ਦਾ ਸ਼ਿਕਾਰ
Friday, May 05, 2023 - 03:02 PM (IST)
ਲਾਸ ਏਂਜਲਸ (ਬਿਊਰੋ) - ਅਦਾਕਾਰਾ ਪ੍ਰਿਯੰਕਾ ਚੋਪੜਾ ਜੋਨਾਸ ਨੇ ਆਪਣੀ ਨੱਕ ਦੇ ਅਸਫਲ ਆਪ੍ਰੇਸ਼ਨ ਬਾਰੇ ਇਕ ਵਾਰ ਗੱਲ ਕੀਤੀ ਹੈ ਅਤੇ ਕਿਹਾ ਹੈ ਕਿ ਆਪ੍ਰੇਸ਼ਨ ਨਾਕਾਮ ਹੋਣ ਤੋਂ ਬਾਅਦ ਉਹ ‘ਡੂੰਘੇ ਡਿਪ੍ਰੈਸ਼ਨ’ ਵਿਚ ਚਲੀ ਗਈ ਸੀ।
ਦੱਸ ਦਈਏ ਕਿ ਪ੍ਰਿਯੰਕਾ ਚੋਪੜਾ ਨੇ ਆਪਣੀ ਕਿਤਾਬ ‘ਅਣਫਿਨਿਸ਼ਡ’ 'ਚ ਨੱਕ 'ਚ ‘ਪੋਲਿਪ’ ਨੂੰ ਹਟਾਉਣ ਲਈ ਕੀਤੇ ਗਏ ਆਪ੍ਰੇਸ਼ਨ ਦੇ ਨਾਕਾਮ ਹੋਣ ਬਾਰੇ ਗੱਲ ਕੀਤੀ ਹੈ। ਉਸ ਨੇ ‘ਹਾਵਰਡ ਸਟਰੇਨ ਸ਼ੋਅ’ 'ਚ ਕਿਹਾ ਕਿ ਇਹ ਉਸ ਦੀ ਜ਼ਿੰਦਗੀ ਦਾ ਬੁਰਾ ਦੌਰ ਸੀ ਅਤੇ ਮੇਰਾ ਚਿਹਰਾ ਪੂਰੀ ਤਰ੍ਹਾਂ ਨਾਲ ਅਲੱਗ ਦਿਖਣ ਲੱਗਾ ਸੀ ਅਤੇ ਮੈਂ ਤਣਾਅ 'ਚ ਆ ਗਈ ਸੀ।
ਦੱਸਣਯੋਗ ਹੈ ਕਿ ਇਸ ਤੋਂ ਪਹਿਲਾਂ ਪ੍ਰਿਯੰਕਾ ਚੋਪੜਾ ਨੇ ਇਹ ਵੀ ਖੁਲਾਸਾ ਕੀਤਾ ਸੀ ਕਿ ਬਾਲੀਵੁੱਡ 'ਚ ਉਸ ਨੂੰ 'ਇੱਕ ਕੋਨੇ 'ਚ ਧੱਕਿਆ' ਜਾ ਰਿਹਾ ਹੈ ਅਤੇ ਕੋਈ ਵੀ ਉਸ ਨੂੰ ਕਾਸਟ ਨਹੀਂ ਕਰ ਰਿਹਾ ਹੈ। ਉਸ ਨੇ ਖ਼ੁਲਾਸਾ ਕੀਤਾ ਕਿ ਉਹ ਰਾਜਨੀਤੀ ਤੋਂ ਇੰਨੀ ਥੱਕ ਗਈ ਸੀ ਕਿ ਉਸ ਨੇ ਬਾਲੀਵੁੱਡ ਤੋਂ ਬ੍ਰੇਕ ਲੈਣ ਦਾ ਫ਼ੈਸਲਾ ਕੀਤਾ।
ਇਸ ਤੋਂ ਬਾਅਦ ਉਹ ਹਾਲੀਵੁੱਡ ਚਲੀ ਗਈ ਅਤੇ ਫਿਰ ਉਸ ਨੇ 2012 'ਚ ਆਪਣੇ ਸਿੰਗਲ 'ਇਨ ਮਾਈ ਸਿਟੀ' ਨਾਲ ਸੰਗੀਤ ਉਦਯੋਗ 'ਚ ਆਪਣੀ ਸ਼ੁਰੂਆਤ ਕੀਤੀ। ਹਾਲਾਂਕਿ ਇਸ ਤੋਂ ਬਾਅਦ ਉਹ ਕਈ ਹਾਲੀਵੁੱਡ ਫ਼ਿਲਮਾਂ ਅਤੇ ਸੀਰੀਜ਼ 'ਚ ਨਜ਼ਰ ਆਈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
