ਲਾੜਾ ਬਣ ਆਉਂਦੇ ਰਾਘਵ ਨੂੰ ਵੇਖ ਖਿੜਿਆ ਸੀ ਪਰਿਣੀਤੀ ਦਾ ਚਿਹਰਾ, ਦਿਲ ਨੂੰ ਛੂਹ ਲਵੇਗੀ ਦੋਵਾਂ ਦੀ ਪਿਆਰੀ ਕੈਮਿਸਟਰੀ
09/30/2023 11:56:00 AM
ਨਵੀਂ ਦਿੱਲੀ : 'ਆਪ' ਨੇਤਾ ਰਾਘਵ ਚੱਢਾ ਤੇ ਬਾਲੀਵੁੱਡ ਅਦਾਕਾਰਾ ਪਰਿਣੀਤੀ ਚੋਪੜਾ 24 ਸਤੰਬਰ ਨੂੰ ਹਮੇਸ਼ਾ ਲਈ ਇਕ-ਦੂਜੇ ਦੇ ਹੋ ਗਏ ਹਨ। ਇਨ੍ਹਾਂ ਦਾ ਸ਼ਾਹੀ ਵਿਆਹ ਉਦੈਪੁਰ ਦੇ ਲੀਲਾ ਪੈਲੇਸ 'ਚ ਪੂਰੇ ਰੀਤੀ-ਰਿਵਾਜਾਂ ਨਾਲ ਹੋਇਆ। ਇਨ੍ਹਾਂ ਦੇ ਵਿਆਹ ਦੀਆਂ ਕਈ ਵੀਡੀਓਜ਼ ਅਤੇ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਦੇਖਣ ਨੂੰ ਮਿਲ ਰਹੀਆਂ ਹਨ। ਇਸ ਤੋਂ ਬਾਅਦ ਜੋੜੇ ਨੇ ਖ਼ੁਦ ਹੀ ਆਪਣੇ ਵਿਆਹ ਦੀਆਂ ਕੁਝ ਤਸਵੀਰਾਂ ਸੋਸ਼ਲ ਮੀਡੀਆ 'ਤੇ ਸਾਰਿਆਂ ਨਾਲ ਸ਼ੇਅਰ ਕੀਤੀਆਂ।
ਹੁਣ ਇਕ ਹੋਰ ਵੀਡੀਓ ਪਰਿਣੀਤੀ ਚੋਪੜਾ ਨੇ ਆਪਣੇ ਸੋਸ਼ਲ ਮੀਡੀਆ ਇੰਸਟਾਗ੍ਰਾਮ ਅਕਾਊਂਟ 'ਤੇ ਸਾਂਝੀ ਕੀਤੀ ਹੈ, ਜਿਸ 'ਚ ਰਾਘਵ ਤਿਆਰ ਹੋ ਕੇ ਕਿਸ਼ਤੀ 'ਚ ਸਵਾਰ ਹੁੰਦਾ ਹੈ ਤੇ ਆਪਣੀ ਲਾੜੀ ਨੂੰ ਵਿਆਹੁਣ ਪਹੁੰਚਦਾ ਹੈ।
ਉਥੇ ਹੀ ਇਹ ਸਭ ਵੇਖ ਕੇ ਪਰਿਣੀਤੀ ਵੀ ਕਾਫੀ ਉਤਸ਼ਾਹਿਤ ਹੋ ਜਾਂਦੀ ਹੈ ਤੇ ਰਾਘਵ ਨੂੰ ਉੱਚੀ-ਉੱਚੀ ਆਵਾਜ਼ਾਂ ਮਾਰਦੀ ਹੈ। ਇਸ ਤੋਂ ਬਾਅਦ ਦੋਵੇਂ ਇਕ-ਦੂਜੇ ਨੂੰ ਜੈ ਮਾਲਾ ਪਾਉਂਦੇ ਹਨ ਤੇ ਫ਼ਿਰ ਫੇਰੇ ਲੈਂਦੇ ਹਨ। ਇਹ ਸਭ ਵੇਖ ਕੇ ਪਰਿਣੀਤੀ ਦੇ ਭਰਾ ਦੀਆਂ ਅੱਖਾਂ ਨਮ ਹੋ ਜਾਂਦੀਆਂ ਹਨ।
ਦੱਸ ਦਈਏ ਕਿ ਰਾਘਵ ਚੱਢਾ ਤੇ ਪਰਿਣੀਤੀ ਚੋਪੜਾ ਦੇ ਹਲਦੀ ਫੰਕਸ਼ਨ ਦੀ ਇੱਕ ਤਸਵੀਰ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋ ਰਹੀ ਹੈ। ਇਸ ਤਸਵੀਰ 'ਚ ਇਹ ਜੋੜਾ ਇਕੱਠੇ ਬੈਠ ਕੇ ਆਪਣੇ ਵਿਆਹ ਦੇ ਫੰਕਸ਼ਨ ਦਾ ਆਨੰਦ ਲੈਂਦੇ ਨਜ਼ਰ ਆ ਰਹੇ ਹਨ। ਪਰਿਣੀਤੀ ਨੇ ਆਪਣੇ ਹਲਦੀ ਫੰਕਸ਼ਨ 'ਤੇ ਲਾਲ ਰੰਗ ਦਾ ਐਥਨਿਕ ਆਊਟਫਿੱਟ ਪਾਇਆ ਸੀ, ਜਿਸ 'ਚ ਉਹ ਬੇਹੱਦ ਖ਼ੂਬਸੂਰਤ ਲੱਗ ਰਹੀ ਸੀ।
ਇਸ ਪਹਿਰਾਵੇ ਨਾਲ ਉਸ ਨੇ ਇੱਕ ਮੈਚਿੰਗ ਐਥਨਿਕ ਜੈਕੇਟ ਵੀ ਪਾਈ ਹੋਈ ਸੀ। ਇਸ ਨਾਲ ਹੀ ਅਦਾਕਾਰ ਨੇ ਸ਼ੀਸ਼ ਪੱਟੀ ਤੇ ਵੱਡੀਆਂ ਝੁਮਕਿਆਂ ਨਾਲ ਆਪਣਾ ਲੁੱਕ ਪੂਰਾ ਕੀਤਾ। ਤਸਵੀਰ 'ਚ ਰਾਘਵ ਵੀ ਪਰਿਣੀਤੀ ਨਾਲ ਬੈਠੇ ਨਜ਼ਰ ਆ ਰਹੇ ਹਨ। ਇਸ ਦੌਰਾਨ ਉਹ ਕੁੜਤਾ-ਪਜਾਮਾ ਤੇ ਚਸ਼ਮਾ ਦਿਖਾਈ ਦਿੱਤੇ। ਦੋਹਾਂ ਨੇ ਆਪਣੇ ਚਿਹਰੇ 'ਤੇ ਹਲਦੀ ਲਗਾਈ ਹੋਈ ਸੀ ਤੇ ਉਨ੍ਹਾਂ ਦੀ ਖੁਸ਼ੀ ਦੇਖਣ ਯੋਗ ਹੈ।
ਦੱਸਣਯੋਗ ਹੈ ਕਿ ਪਰਿਣੀਤੀ ਤੇ ਰਾਘਵ ਇਸ ਸਮੇਂ ਆਪਣੀ ਹੈਪੀ ਮੈਰਿਡ ਲਾਈਫ ਦਾ ਆਨੰਦ ਮਾਣ ਰਹੇ ਹਨ। ਦੱਸਿਆ ਜਾ ਰਿਹਾ ਹੈ ਕਿ ਦੋਵਾਂ ਨੇ ਆਪਣੇ ਹਨੀਮੂਨ ਦਾ ਪਲਾਨ ਪੋਸਟਪੋਨ ਕਰ ਦਿੱਤਾ ਹੈ।
ਅਦਾਕਾਰਾ ਫਿਲਹਾਲ ਆਪਣੇ ਨਵੇਂ ਪਰਿਵਾਰ ਨਾਲ ਸਮਾਂ ਬਿਤਾਉਣਾ ਚਾਹੁੰਦੀ ਹੈ ਤੇ ਇਸ ਤੋਂ ਬਾਅਦ ਉਹ ਜਲਦੀ ਹੀ ਕੰਮ 'ਤੇ ਵਾਪਸ ਆ ਜਾਵੇਗੀ। ਇਸ ਦੇ ਨਾਲ ਹੀ ਰਾਘਵ ਵੀ ਆਪਣੇ ਕੰਮ 'ਚ ਕਾਫ਼ੀ ਰੁੱਝੇ ਹੋਏ ਹਨ ਕਿਉਂਕਿ ਸੰਸਦ ਦਾ ਸਰਦ ਰੁੱਤ ਸੈਸ਼ਨ ਨਵੰਬਰ ਤੇ ਦਸੰਬਰ ਤੋਂ ਸ਼ੁਰੂ ਹੋਣ ਜਾ ਰਿਹਾ ਹੈ।
