49 ਸਾਲ ਦੀ ਉਮਰ 'ਚ ਲਾੜੀ ਬਣੇਗੀ ਇਹ ਅਦਾਕਾਰਾ! ਜੁੜਿਆ ਸੀ ਤਿੰਨ ਵਿਆਹੇ ਸਿਤਾਰਿਆਂ ਨਾਲ ਨਾਂ

ਮੁੰਬਈ-ਬਾਲੀਵੁੱਡ ਸਿਤਾਰਿਆਂ ਦੇ ਵਿਆਹ ਨਾਲ ਜੁੜੀਆਂ ਖ਼ਬਰਾਂ 'ਤੇ ਹਰ ਕਿਸੇ ਦੀਆਂ ਨਜ਼ਰਾਂ ਰਹਿੰਦੀਆਂ ਹਨ। ਕਿਸ ਦਾ ਕਿਸ ਨਾਲ ਅਫੇਅਰ ਹੈ ਅਤੇ ਕਿਸ ਦਾ ਬ੍ਰੇਕਅੱਪ ਹੋਇਆ ਹੈ, ਇਸ 'ਤੇ ਵੀ ਪ੍ਰਸ਼ੰਸਕ ਨਜ਼ਰਾਂ ਟਿਕਾ ਕੇ ਰੱਖਦੇ ਹਨ। ਕੌਣ ਕਦੋਂ ਵਿਆਹ ਕਰਵਾ ਰਿਹਾ ਹੈ? ਅਜਿਹੇ ਕਈ ਸਵਾਲ ਲੋਕਾਂ ਦੇ ਮਨਾਂ ਵਿੱਚ ਰਹਿੰਦੇ ਹਨ ਅਤੇ ਲੋਕ ਬੜੇ ਚਾਅ ਨਾਲ ਖ਼ਬਰਾਂ ਪੜ੍ਹਦੇ ਹਨ।
ਇਸ ਵੇਲੇ ਦੀ ਇਕ ਵੱਡੀ ਖ਼ਬਰ ਸਾਹਮਣੇ ਨਿਕਲ ਕੇ ਆ ਰਹੀ ਹੈ ਕਿ ਬਾਲੀਵੁੱਡ ਨਾਲ ਦੱਖਣ ‘ਚ ਹਲਚਲ ਮਚਾਉਣ ਵਾਲੀ 49 ਸਾਲਾ ਸੁੰਦਰੀ ਹੁਣ ਵਿਆਹ ਕਰਵਾਉਣ ਜਾ ਰਹੀ ਹੈ। ਕਿਸੇ ਸਮੇਂ ਉਸ ਹਸੀਨਾ ਨੂੰ 3 ਵਿਆਹੇ ਪੁਰਸ਼ਾਂ ਨਾਲ ਪਿਆਰ ਹੋ ਗਿਆ ਸੀ। ਪਰ ਵਿਆਹ ਨਹੀਂ ਹੋ ਸਕਿਆ। 

‘ਬਾਗੀ’, ‘ਸੁਹਾਗ’ ਵਰਗੀਆਂ ਫਿਲਮਾਂ ‘ਚ ਕਰ ਚੁੱਕੀ ਹੈ ਕੰਮ  
ਇਸ ਸਟਾਰ ਅਦਾਕਾਰਾ ਨੇ 90 ਦੇ ਦਹਾਕੇ ਵਿੱਚ ਹਲਚਲ ਮਚਾ ਦਿੱਤੀ ਸੀ। ਬਾਲੀਵੁੱਡ ਵਿੱਚ, ਉਸਨੇ ਸਲਮਾਨ, ਸ਼ਾਹਰੁਖ ਖਾਨ ਤੋਂ ਲੈ ਕੇ ਸੰਜੇ ਦੱਤ ਤੱਕ ਕਈ ਸੁਪਰਸਟਾਰਾਂ ਨਾਲ ਕੰਮ ਕੀਤਾ ਅਤੇ ਆਪਣੀ ਦਮਦਾਰ ਅਦਾਕਾਰੀ ਦਾ ਹੁਨਰ ਵੀ ਸਾਬਤ ਕੀਤਾ। ਮੈਗਾਸਟਾਰ ਚਿਰੰਜੀਵੀ ਦੀ ਫਿਲਮ ਵਿੱਚ ਉਹ ਹੌਟ ਬਿਊਟੀ ਬਣ ਗਈ ਅਤੇ ਦੱਖਣ ਵਿੱਚ ਮਸ਼ਹੂਰ ਹੋ ਗਈ। ਇਹ ਅਭਿਨੇਤਰੀ ਕੋਈ ਹੋਰ ਨਹੀਂ ਬਲਕਿ ਨਗਮਾ ਹੈ ਜਿਸ ਨੇ ‘ਯਲਗਾਰ’, ‘ਬਾਗੀ’, ‘ਸੁਹਾਗ’ ਵਰਗੀਆਂ ਬਾਲੀਵੁੱਡ ਫਿਲਮਾਂ ‘ਚ ਕੰਮ ਕੀਤਾ ਹੈ।

ਨਗਮਾ ਨੇ ਟਾਲੀਵੁੱਡ, ਬਾਲੀਵੁੱਡ ਅਤੇ ਕੋਲੀਵੁੱਡ ਵਿੱਚ ਕੰਮ ਕੀਤਾ ਹੈ ਅਤੇ ਹਰ ਜਗ੍ਹਾ ਆਪਣੀ ਪਛਾਣ ਬਣਾਈ ਹੈ। ਨਗਮਾ ਦਾ ਅਸਲੀ ਨਾਂ ਨੰਦਿਤਾ ਅਰਵਿੰਦ ਮੋਰਾਰਜੀ ਹੈ। ਉਸ ਦੀ ਮਾਂ ਸੀਮਾ ਨੇ ਆਪਣੇ ਪਹਿਲੇ ਪਤੀ ਨੂੰ ਤਲਾਕ ਦੇ ਕੇ ਫਿਲਮ ਨਿਰਮਾਤਾ ਚੰਦਰ ਸਾਧਨਾ ਨਾਲ ਵਿਆਹ ਕਰਵਾ ਲਿਆ ਸੀ। ਨਗਮਾ ਦੀਆਂ ਦੋ ਭੈਣਾਂ ਹਨ, ਜਯੋਤਿਕਾ ਅਤੇ ਰੋਹਿਣੀ, ਜੋ ਵੀ ਫਿਲਮ ਇੰਡਸਟਰੀ ਵਿੱਚ ਹਨ। 
ਨਗਮਾ ਨੇ ਆਪਣੇ ਪਿਤਾ ਦੀ ਫਿਲਮਾਂ ‘ਚ ਐਂਟਰੀ ਕੀਤੀ ਅਤੇ ਸਲਮਾਨ ਖਾਨ ਦੇ ਨਾਲ ਫਿਲਮ ‘ਬਾਗੀ’ ਨਾਲ ਆਪਣੇ ਕਰੀਅਰ ਦੀ ਸ਼ੁਰੂਆਤ ਕੀਤੀ। ਇਸ ਤੋਂ ਬਾਅਦ ਉਸ ਨੇ ਸੁਮਨ ਨਾਲ ਤੇਲਗੂ ਫਿਲਮ ‘ਪੇਡਿਨਤੀ ਅਲੁਦੂ’ ‘ਚ ਕੰਮ ਕੀਤਾ, ਜੋ ਬਲਾਕਬਸਟਰ ਸਾਬਤ ਹੋਈ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਨਾਗਾਰਜੁਨ ਨਾਲ ਫਿਲਮ ‘ਕਿਲਰ’ ‘ਚ ਕੰਮ ਕੀਤਾ ਅਤੇ ਪ੍ਰਸਿੱਧੀ ਹਾਸਲ ਕੀਤੀ।
ਨਗਮਾ ਨੇ ਚਿਰੰਜੀਵੀ ਨਾਲ ਫਿਲਮ ‘ਘਰਾਨਾ ਮੋਗੁਡੂ’ ‘ਚ ਵੀ ਕੰਮ ਕੀਤਾ, ਜੋ ਉਸ ਦੇ ਕਰੀਅਰ ‘ਚ ਮੀਲ ਦਾ ਪੱਥਰ ਸਾਬਤ ਹੋਈ। ਇਸ ਤੋਂ ਬਾਅਦ ਉਸਨੇ ਕਈ ਹਿੱਟ ਫਿਲਮਾਂ ਵਿੱਚ ਕੰਮ ਕੀਤਾ ਅਤੇ ਟਾਲੀਵੁੱਡ ਦੀ ਚੋਟੀ ਦੀ ਅਦਾਕਾਰਾ ਬਣ ਗਈ। ਭਾਵੇਂ ਨਗਮਾ ਦਾ ਪੇਸ਼ੇਵਰ ਕਰੀਅਰ ਸਫਲ ਰਿਹਾ, ਪਰ ਉਸ ਦੀ ਨਿੱਜੀ ਜ਼ਿੰਦਗੀ ਵਿੱਚ ਕਈ ਉਤਰਾਅ-ਚੜ੍ਹਾਅ ਆਏ। ਨਗਮਾ ਦਾ ਨਾਂ ਕਈ ਅਦਾਕਾਰਾਂ ਅਤੇ ਕ੍ਰਿਕਟਰ ਨਾਲ ਜੁੜਿਆ ਹੋਇਆ ਸੀ।

ਇਹ ਵੀ ਪੜ੍ਹੋ- ਸੈੱਟ 'ਤੇ ਦੇਰੀ ਨਾਲ ਪਹੁੰਚਣ 'ਤੇ 'ਬਿਗ ਬੀ' ਦੀ ਲੱਗੀ ਕਲਾਸ, ਸੁਣਾਇਆ ਦਿਲਚਸਪ ਕਿੱਸਾ

ਇਨ੍ਹਾਂ ਸਿਤਾਰਿਆਂ ਨਾਲ ਜੁੜ ਚੁਕੈ ਨਾਂ 
ਅਫਵਾਹਾਂ ਹਨ ਕਿ ਨਗਮਾ ਦਾ ਕ੍ਰਿਕਟਰ ਸੌਰਵ ਗਾਂਗੁਲੀ ਨਾਲ ਅਫੇਅਰ ਸੀ ਅਤੇ ਦੋਵੇਂ ਕੁਝ ਸਮੇਂ ਤੋਂ ਲਿਵ-ਇਨ ਰਿਲੇਸ਼ਨਸ਼ਿਪ ਵਿੱਚ ਸਨ। ਪਰ ਜਦੋਂ ਗਾਂਗੁਲੀ ਦੀ ਪਤਨੀ ਨੂੰ ਇਸ ਗੱਲ ਦਾ ਪਤਾ ਲੱਗਾ ਤਾਂ ਇਹ ਰਿਸ਼ਤਾ ਟੁੱਟ ਗਿਆ। ਇਸ ਤੋਂ ਬਾਅਦ ਨਗਮਾ ਦਾ ਨਾਂ ਤਾਮਿਲ ਅਦਾਕਾਰ ਸ਼ਰਤ ਕੁਮਾਰ ਨਾਲ ਜੁੜ ਗਿਆ। ਪਰ ਇਹ ਰਿਸ਼ਤਾ ਵੀ ਜ਼ਿਆਦਾ ਦੇਰ ਨਹੀਂ ਚੱਲ ਸਕਿਆ। ਇਸ ਤੋਂ ਬਾਅਦ ਨਗਮਾ ਦਾ ਨਾਂ ਭੋਜਪੁਰੀ ਸਟਾਰ ਰਵੀ ਕਿਸ਼ਨ ਨਾਲ ਵੀ ਜੁੜਿਆ ਪਰ ਉਨ੍ਹਾਂ ਦੇ ਵਿਆਹੁਤਾ ਜੀਵਨ ‘ਚ ਮੁਸ਼ਕਲਾਂ ਆਉਣ ਕਾਰਨ ਇਹ ਰਿਸ਼ਤਾ ਵੀ ਟੁੱਟ ਗਿਆ

ਇਹ ਵੀ ਪੜ੍ਹੋ- Kangana Ranaut ਦੇ ਘਰ ਛਾਇਆ ਮਾਤਮ, ਇਸ ਖ਼ਾਸ ਕਰੀਬੀ ਦਾ ਹੋਇਆ ਦਿਹਾਂਤ

ਇਹ ਵੀ ਪੜ੍ਹੋ-ਮੁੰਬਈ ਦੇ ਰੈਸਟੋਰੈਂਟ 'ਚ ਅਨੁਸ਼ਕਾ-ਵਿਰਾਟ ਨੇ ਡੋਸਾ ਡੇਟ ਦਾ ਮਾਣਿਆ ਆਨੰਦ

ਮਸ਼ਹੂਰ ਅਦਾਕਾਰ ਨੂੰ ਕਰ ਰਹੀ ਡੇਟ
ਇਸ ਤੋਂ ਬਾਅਦ ਨਗਮਾ ਨੇ ਫਿਲਮਾਂ ਤੋਂ ਦੂਰੀ ਬਣਾ ਲਈ ਅਤੇ ਰਾਜਨੀਤੀ ‘ਚ ਆ ਗਈ। ਇਸ ਸਮੇਂ ਉਹ ਕਾਂਗਰਸ ਪਾਰਟੀ ਦੀ ਜਨਰਲ ਸਕੱਤਰ ਹੈ। ਮੀਡੀਆ ਰਿਪੋਰਟਸ ਮੁਤਾਬਕ ਨਗਮਾ ਜਲਦ ਹੀ ਵਿਆਹ ਕਰਨ ਜਾ ਰਹੀ ਹੈ। ਕਿਹਾ ਜਾ ਰਿਹਾ ਹੈ ਕਿ ਉਹ ਬਾਲੀਵੁੱਡ ਦੇ ਮਸ਼ਹੂਰ ਅਦਾਕਾਰ ਨੂੰ ਡੇਟ ਕਰ ਰਹੀ ਹੈ ਅਤੇ ਦੋਵੇਂ ਜਲਦ ਹੀ ਵਿਆਹ ਕਰਨ ਜਾ ਰਹੇ ਹਨ। ਹਾਲਾਂਕਿ, ਉਨ੍ਹਾਂ ਦੇ ਪੱਖ ਤੋਂ ਅਜੇ ਤੱਕ ਕੋਈ ਅਧਿਕਾਰਤ ਜਾਣਕਾਰੀ ਨਹੀਂ ਹੈ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ