''ਮਹਾਭਾਰਤ'' ''ਚ ਨੰਦ ਦਾ ਰੋਲ ਨਿਭਾਉਣ ਵਾਲੇ ਅਦਾਕਾਰ ਰਸਿਕ ਦਵੇ ਦਾ ਦਿਹਾਂਤ
07/30/2022 11:46:24 AM
ਮੁੰਬਈ- 'ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ' ਅਤੇ 'ਬਾਲਿਕਾ ਵਧੂ 2' ਅਦਾਕਾਰਾ ਕੇਤਕੀ ਦਵੇ ਦੇ ਪਤੀ ਅਦਾਕਾਰ ਰਸਿਕ ਦਵੇ ਦਾ ਸ਼ੁੱਕਰਵਾਰ ਨੂੰ ਕਿਡਨੀ ਫੇਲ੍ਹ ਹੋ ਜਾਣ ਦੇ ਚੱਲਦੇ ਦਿਹਾਂਤ ਹੋ ਗਿਆ। ਰਸਿਕ ਦਵੇ ਨੂੰ ਇੰਡਸਟਰੀ 'ਚ ਲੋਕ ਪਿਆਰ ਨਾਲ ਰਸਿਕ ਭਾਈ ਕਹਿ ਕੇ ਬੁਲਾਉਂਦੇ ਸਨ। ਉਹ ਪਿਛਲੇ 2 ਸਾਲਾਂ ਤੋਂ ਡਾਇਲਸਿਸ 'ਤੇ ਸਨ ਪਰ ਪਿਛਲਾ ਇਕ ਮਹੀਨੇ ਉਨ੍ਹਾਂ ਲਈ ਬਹੁਤ ਜ਼ਿਆਦਾ ਦਰਦਨਾਕ ਰਿਹਾ। 65 ਸਾਲਾਂ ਰਸਿਕ ਨੇ ਮੁੰਬਈ 'ਚ ਸ਼ਾਮ 8 ਵਜੇ ਆਖਰੀ ਸਾਹ ਲਿਆ।
ਕਈ ਟੀ.ਵੀ. ਸ਼ੋਅਜ਼ ਦਾ ਹਿੱਸਾ ਰਿਹਾ ਸੀ ਜੋੜਾ
ਰਸਿਕ ਆਪਣੇ ਪਿੱਛੇ ਪਤਨੀ ਕੇਤਕੀ, ਇਕ ਪੁੱਤਰ ਅਤੇ ਇਕ ਧੀ ਨੂੰ ਛੱਡ ਗਏ ਹਨ। ਕੇਤਕੀ ਦੀ ਮਾਂ ਸਰਿਤਾ ਜੋਸ਼ੀ ਅਤੇ ਸਵ. ਪਿਤਾ ਪ੍ਰਵੀਨ ਜੋਸ਼ੀ ਥਿਏਟਰ ਡਾਇਰੈਕਟਰ ਸਨ। ਕੇਤਕੀ ਦੀ ਛੋਟੀ ਭੈਣ ਪੂਰਵੀ ਜੋਸ਼ੀ ਵੀ ਅਦਾਕਾਰਾ ਹੈ। ਰਸਿਕ ਅਤੇ ਕੇਤਕੀ ਦਵੇ ਮਿਲ ਕੇ ਇਕ ਗੁਜਰਾਤੀ ਥਿਏਟਰ ਕੰਪਨੀ ਚਲਾ ਰਹੇ ਸਨ।
ਰਸਿਕ ਨੇ ਆਪਣਾ ਕਰੀਅਰ ਸਾਲ 1982 'ਚ ਇਕ ਗੁਜਰਾਤੀ ਫਿਲਮ ਨਾਲ ਸ਼ੁਰੂ ਕੀਤਾ ਸੀ। ਫਿਲਮ ਦਾ ਨਾਂ 'ਪੁੱਤਰਾ ਵਧੂ' ਸੀ। ਇਸ ਤੋਂ ਬਾਅਦ ਰਸਿਕ ਨੇ ਤਮਾਮ ਹਿੰਦੀ ਅਤੇ ਗੁਜਰਾਤੀ ਫਿਲਮਾਂ 'ਚ ਕੰਮ ਕੀਤਾ। ਸਾਲ 2006 'ਚ ਕੇਤਕੀ ਤੇ ਰਸਿਕ ਇਕੱਠੇ ਰਿਐਲਿਟੀ ਸ਼ੋਅ 'ਨੱਚ ਬਲੀਏ' 'ਚ ਨਜ਼ਰ ਆਏ ਸਨ।
ਜੇਕਰ ਕੇਤਕੀ ਦੀ ਗੱਲ ਕਰੀਏ ਤਾਂ ਉਹ ਟੀ.ਵੀ. ਸ਼ੋਅ 'ਕਿਉਂਕਿ ਸਾਸ ਭੀ ਕਭੀ ਬਹੂ ਥੀ' 'ਚ ਦਕਸ਼ਾ ਦਾ ਕਿਰਦਾਰ ਨਿਭਾ ਕੇ ਮਸ਼ਹੂਰ ਹੋ ਗਈ ਸੀ। ਉਹ 'ਬਾਲਿਕਾ ਵਧੂ ਸੀਜ਼ਨ 2 ਦਾ ਹਿੱਸਾ ਵੀ ਰਹਿ ਚੁੱਕੀ ਹੈ।
