ਸ਼ਿਲਪਾ ਨੂੰ ਕਰਨਵੀਰ ਨੇ ਕੀਤਾ ਕਿੱਸ! ਹਰਕਤ ਦੇਖ ਚੜ੍ਹ ਗਿਆ ਚੁਮ ਦਾ ਪਾਰਾ (ਵੀਡੀਓ)
Friday, Jan 31, 2025 - 05:41 PM (IST)
ਵੈੱਬ ਡੈਸਕ : ਟੀਵੀ ਦਾ ਵਿਵਾਦਿਤ ਰਿਐਲਿਟੀ ਸ਼ੋਅ ਬਿੱਗ ਬਾਸ 18 ਦਾ ਸਫਰ ਖਤਮ ਹੋ ਚੁੱਕਿਆ ਹੈ। ਪਰ ਇਸ ਦੇ ਕੰਟੈਸਟੈਂਟ ਅਜੇ ਵੀ ਲਗਾਤਾਰ ਚਰਚਾ ਵਿਚ ਬਣੇ ਹੋਏ ਹਨ। ਸ਼ੋਅ ਦੇ ਵਿਨਰ ਕਰਨਵੀਰ ਮਹਿਰਾ ਬਣੇ ਹਨ। ਕਰਨ ਦੇ ਵਿਨਰ ਬਣਨ ਤੋਂ ਬਾਅਦ ਉਨ੍ਹਾਂ ਦੇ ਕਈ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਸਾਹਮਣੇ ਆ ਰਹੇ ਹਨ। ਇਸੇ ਵਿਚਾਲੇ ਹੁਣ ਕਰਨ ਦਾ ਇਕ ਵੀਡੀਓ ਸਾਹਮਣੇ ਆਇਆ ਹੈ, ਜੋ ਕਾਫੀ ਚਰਚਾ ਵਿਚ ਬਣਿਆ ਹੋਇਆ ਹੈ। ਇਸ ਵੀਡੀਓ ਵਿਚ ਕਰਨ ਨੇ ਜੋ ਕੀਤਾ ਉਹ ਦੇਖ ਕੇ ਚੁਮ ਕਾਫੀ ਗੁੱਸਾ ਹੋ ਗਈ।
ਬਿੱਗ ਬਾਸ 18 ਦੇ ਵਿਨਰ ਬਣਨ ਤੋਂ ਬਾਅਦ ਕਰਨਵੀਰ ਮਹਿਰਾ ਲਗਾਤਾਰ ਪਾਰਟੀ ਕਰਦੇ ਹੋਏ ਨਜ਼ਰ ਆ ਰਹੇ ਹਨ। ਹਾਲ ਹੀ ਵਿਚ ਕਰਨ ਨੇ ਸ਼ਿਲਪਾ ਸ਼ਿਰੋਡਕਰ, ਚੁਮ ਦਰਾਂਗ ਤੇ ਦਿਗਵਿਜੈ ਸਿੰਘ ਰਾਠੀ ਦੇ ਨਾਲ ਰੀਯੂਨੀਅਨ ਕੀਤੀ। ਇਸ ਦੌਰਾਨ ਦਾ ਇਕ ਵੀਡੀਓ ਸੋਸ਼ਲ ਮੀਡੀਆ ਉੱਤੇ ਸ਼ੇਅਰ ਕੀਤਾ ਗਿਆ ਹੈ। ਇਸ ਵੀਡੀਓ ਵਿਚ ਕਰਨ ਦੀ ਹਰਕਤ ਉੱਤੇ ਚੁਮ ਦਾ ਪਾਰਾ ਚੜ੍ਹਦਾ ਨਜ਼ਰ ਆ ਰਿਹਾ ਹੈ। ਵੀਡੀਓ ਵਿਚ ਤੁਸੀਂ ਦੇਖ ਸਕਦੇ ਹੋ ਕਿ ਸ਼ਿਲਪਾ ਆਉਂਦੇ ਹੀ ਕਰਨ ਨੂੰ ਮਿਲਦੀ ਹੈ। ਅਜਿਹੇ ਵਿਚ ਕਰਨ ਐਕਸਾਈਟਮੈਂਟ ਵਿਚ ਸ਼ਿਲਪਾ ਦੀ ਗੱਲ੍ਹ ਉੱਤੇ ਕਿੱਸ ਕਰ ਲੈਂਦਾ ਹੈ। ਇਹ ਦੇਖ ਦੇ ਚੁਮ ਗੁੱਸੇ ਵਿਚ ਨਜ਼ਰ ਆਉਂਦੀ ਹੈ।
ਇਸ ਤੋਂ ਬਾਅਦ ਕਰਨਵੀਰ ਚੁਮ ਨੂੰ ਮਨਾਉਂਦੇ ਹੋਏ ਨਜ਼ਰ ਆ ਰਹੇ ਹਨ। ਚੁਮ ਤੇ ਕਰਨ ਦੀ ਗੱਲ ਸੁਣ ਕੇ ਦਿਗਵਿਜੈ ਹੱਸਦੇ ਦਿਖ ਰਹੇ ਹਨ। ਹਾਲਾਂਕਿ ਵੀਡੀਓ ਵਿਚ ਉਸ ਦੀ ਆਵਾਜ਼ ਸੁਣਾਈ ਨਹੀਂ ਦੇ ਰਹੀ। ਪਰ ਉਸ ਦੇ ਚਿਹਰੇ ਤੋਂ ਲੱਗ ਰਿਹਾ ਹੈ ਜਿਵੇਂ ਉਹ ਬਹੁਤ ਗੁੱਸੇ ਹੋਵੇ। ਇਹ ਵੀਡੀਓ ਸੋਸ਼ਲ ਮੀਡਆ ਉੱਤੇ ਬਹੁਤ ਵਾਇਰਲ ਹੋ ਰਿਹਾ ਹੈ। ਇਸ ਉੱਤੇ ਕੁਮੈਂਟ ਕਰ ਕੇ ਜ਼ਿਆਦਾਤਰ ਲੋਕ ਇਹੀ ਬੋਲ ਰਹੇ ਹਨ ਕਿ ਚੁਮ, ਸ਼ਿਲਪਾ ਤੋਂ ਸੜ ਰਹੀ ਹੈ। ਇਕ ਯੂਜ਼ਰ ਨੇ ਲਿਖਿਆ ਕਿ ਪਰਫੈਕਟ ਰਿਐਕਸ਼ਨ। ਦੂਜਾ ਲਿਖਦਾ ਹੈ ਕਿ ਕਰਨ ਦੀ ਗਲਤੀ ਹੈ ਇਸ ਲਈ ਦੋਸਤ ਨੇ ਅਜਿਹਾ ਰਿਐਕਟ ਕੀਤਾ। ਇਕ ਨੇ ਲਿਖਿਆ ਕਿ ਕੀ ਉਨ੍ਹਾਂ ਨੂੰ ਜਲਨ ਹੋਈ ਜਾਂ ਕੁਝ ਹੋਰ? ਅਜਿਹੇ ਕਈ ਹੋਰ ਕੁਮੈਂਟ ਇਸ ਵੀਡੀਓ ਉੱਤੇ ਆ ਰਹੇ ਹਨ।
