ਅਦਾਕਾਰ ਕਰਣਵੀਰ ਮਹਿਰਾ ਨੇ ਨਿਧੀ ਨਾਲ ਦਿੱਲੀ ਦੇ ਗੁਰਦੁਆਰੇ ’ਚ ਲਈਆਂ ਲਾਵਾਂ, ਵੇਖੋ ਖ਼ੂਬਸੂਰਤ ਤਸਵੀਰਾਂ
Monday, Jan 25, 2021 - 11:21 AM (IST)
ਚੰਡੀਗੜ੍ਹ (ਬਿਊਰੋ) — ਟੀ. ਵੀ. ਸੀਰੀਅਲ ‘ਪਵਿੱਤਰ ਰਿਸ਼ਤਾ’ ਫੇਮ ਅਦਾਕਾਰ ਕਰਣਵੀਰ ਮਹਿਰਾ ਨੇ ਐਤਵਾਰ ਨੂੰ ਨਿਧੀ ਸੇਠ ਨਾਲ ਦਿੱਲੀ ਦੇ ਗੁਰਦੁਆਰੇ ’ਚ ਲਾਵਾਂ ਲੈ ਕੇ ਵਿਆਹ ਕਰਵਾ ਲਿਆ ਹੈ। ਜੋੜੀ ਦੇ ਵਿਆਹ ਦੀਆਂ ਰਸਮਾਂ ਸ਼ੁੱਕਰਵਾਰ ਨੂੰ ਸ਼ੁਰੂ ਹੋਈਆਂ ਸਨ, ਜੋ ਐਤਵਾਰ ਨੂੰ ਵਿਆਹ ਨਾਲ ਪੂਰੀਆਂ ਹੋਈਆਂ। ਸੋਸ਼ਲ ਮੀਡੀਆ ’ਤੇ ਕਰਣਵੀਰ ਤੇ ਨਿਧੀ ਦੇ ਵਿਆਹ ਦੀਆਂ ਤਸਵੀਰਾਂ ਕਾਫ਼ੀ ਜ਼ਿਆਦਾ ਵਾਇਰਲ ਹੋ ਰਹੀਆਂ ਹਨ।
ਕਰਣਵੀਰ ਮਹਿਰਾ ਤੇ ਨਿਧੀ ਸੇਠ ਦੇ ਵਿਆਹ ’ਚ ਸਿਰਫ਼ ਦੋਸਤ ਤੇ ਕਰੀਬੀ ਰਿਸ਼ਤੇਦਾਰ ਹੀ ਸ਼ਾਮਲ ਹੋਏ ਸਨ। ਇਸ ਦੌਰ ਕਰਣਵੀਰ ਤੇ ਨਿਧੀ ਕਾਫ਼ੀ ਖ਼ੂਬਸੂਰਤ ਲੱਗ ਰਹੇ ਸਨ।
ਨਿਧੀ ਨੇ ਬੇਜ ਕਲਰ ਦਾ ਲਹਿੰਗਾ ਪਾਇਆ ਸੀ, ਜਿਸ ’ਚ ਉਹ ਬਹੁਤ ਸੋਹਣੀ ਲੱਗ ਰਹੀ ਸੀ।
ਦੱਸਿਆ ਜਾ ਰਿਹਾ ਹੈ ਕਰਣਵੀਰ ਤੇ ਨਿਧੀ ਦੇ ਵਿਆਹ ’ਚ ਸਿਰਫ਼ 30 ਮਹਿਮਾਨਾਂ ਨੂੰ ਬੁਲਾਇਆ ਗਿਆ ਸੀ।
ਦੋਵਾਂ ਦੇ ਵਿਆਹ ਦੀਆਂ ਰਸਮਾਂ 22 ਜਨਵਰੀ ਨੂੰ ਮਹਿੰਦੀ ਨਾਲ ਸ਼ੁਰੂ ਹੋਈਆਂ ਸਨ। ਇਸ ਦੌਰਾਨ ਨਿਧੀ ਤੇ ਕਰਣਵੀਰ ਨੇ ਪੀਲੇ ਰੰਗ ਦੀ ਆਊਟਫਿੱਟ ਪਾਈ ਸੀ।
ਨੋਟ - ਇਸ ਖ਼ਬਰ ਸਬੰਧੀ ਤੁਹਾਡੀ ਕੀ ਹੈ ਰਾਏ? ਕੁਮੈਂਟ ਬਾਕਸ ’ਚ ਜ਼ਰੂਰ ਦੱਸੋ।
