ਵਿਆਹ ਦੀ ਵਰ੍ਹੇਗੰਢ ਮਨਾ ਰਹੇ ਹਰਭਜਨ ਮਾਨ ਨੇ ਪੋਸਟ ਸਾਂਝੀ ਕਰ ਲਿਖੀ ਹਮਸਫਰ ਦੀ ਅਹਿਮੀਅਤ

7/1/2020 12:46:37 PM

ਜਲੰਧਰ(ਬਿਊਰੋ)- ਮਸ਼ਹੂਰ ਪੰਜਾਬੀ ਗਾਇਕ ਹਰਭਜਨ ਮਾਨ ਅੱਜ ਆਪਣੇ ਵਿਆਹ ਦੀ ਵਰ੍ਹੇਗੰਢ ਮਨਾ ਰਹੇ ਹਨ।ਇਕ ਆਮ ਵਿਅਕਤੀ ਵਾਂਗ ਹੀ ਕਲਾਕਾਰਾਂ ਦੇ ਹਮਸਫਰ ਦੀ ਵੀ ਜ਼ਿੰਦਗੀ 'ਚ ਖਾਸ ਅਹਿਮੀਅਤ ਹੁੰਦੀ ਹੈ । ਪੰਜਾਬੀ ਕਲਾਕਾਰਾਂ ਦੀ ਗੱਲ ਕਰੀਏ ਤਾਂ ਉਹ ਆਪਣੇ ਬਿਜ਼ੀ ਸ਼ੈਡਿਊਲ ਚੋਂ ਬਹੁਤ ਘੱਟ ਸਮਾਂ ਆਪਣੇ ਪਰਿਵਾਰ ਨੂੰ ਦੇ ਪਾਉਂਦੇ ਹਨ ਪਰ ਇਕ ਪਤਨੀ ਦੀ ਜ਼ਿੰਦਗੀ 'ਚ  ਦੀ ਕੀ ਅਹਿਮੀਅਤ ਹੁੰਦੀ ਹੈ ਇਹ ਦੱਸ ਰਹੇ ਹਨ ਪੰਜਾਬੀ ਗਾਇਕ ਹਰਭਜਨ ਮਾਨ ।ਹਰਭਜਨ ਮਾਨ ਨੇ ਅੱਜ ਆਪਣੇ ਪਤਨੀ ਦੇ ਨਾਲ ਇਕ ਤਸਵੀਰ ਸਾਂਝੀ ਕਰਦਿਆਂ ਇਕ ਸੰਦੇਸ਼ ਆਪਣੇ ਹਮਸਫਰ ਹਰਮਨ ਮਾਨ ਬਾਰੇ ਲਿਖਿਆ ਹੈ । ਹਰਭਜਨ ਮਾਨ ਲਿਖਦੇ ਹਨ

PunjabKesari
‘ਸਟਾਰ’ ਬਣਨਾ ਸ਼ਾਇਦ ਸੌਖਾ ਹੋਵੇ ਪਰ ਕਿਸੇ ਸਟਾਰ ਦਾ ਹਮਸਫ਼ਰ ਬਣਨਾ ਸੌਖਾ ਨਹੀਂ ਹੁੰਦਾ! ਤੇ ਜੋ ਇਹ ਸਭ ਕੁਝ ਜਾਣਦਾ ਹੋਇਆ ਵੀ ਤੁਹਾਡਾ ਹਮਸਫ਼ਰ ਬਣਨ ਦਾ ਹੌਸਲਾ ਰੱਖਦਾ ਹੋਵੇ ਅਤੇ ਇਸ ਤੋਂ ਕਿਧਰੇ ਵੱਧ ਆਪਣੇ ਸੁਪਨੇ ਵਿਸਾਰ ਕੇ ਤੁਹਾਡੇ ਸੁਪਨਿਆਂ ਵਿੱਚ ਰੰਗ ਭਰਨ ਬੈਠ ਜਾਵੇ ਤਾਂ ਉਸ ਹਮਸਫ਼ਰ ਦੀ ਇਹ ਕੁਰਬਾਨੀ ਕਦੀ ਵੀ ਜ਼ਾਇਆ ਨਹੀਂ ਜਾਂਦੀ! ਅੱਜ ਦਾ ਦਿਨ ਮੇਰੇ ਲਈ ਬੇਹੱਦ ਖ਼ਾਸ ਹੈ ਕਿਉਂਕਿ ਅੱਜ ਦੇ ਦਿਨ ਮੈਂ ਅਤੇ ਹਰਮਨ ਮਾਨ ਨੇ ਵਿਆਹੁਤਾ ਜ਼ਿੰਦਗੀ ਦੀ ਸ਼ੁਰੂਆਤ ਕੀਤੀ ਸੀ। ਤੇ ਇਹੀ ਉਹ ਦਿਨ ਸੀ, ਜਦੋਂ ਮੇਰੀ ਕਾਮਯਾਬੀ ਦੇ ਦਿਨਾਂ ਦੀ ਵੀ ਸ਼ੁਰੂਆਤ ਹੋ ਗਈ।ਮੈਂ ਕਿਵੇਂ ਵਿਸਾਰ ਸਕਦਾ ਹਾਂ ਉਹ ਦਿਨ, ਜਦੋਂ ਸਾਲ 1992 ਵਿੱਚ ‘ਚਿੱਠੀਏ ਨੀ ਚਿੱਠੀਏ’ ਦੇ ਮਕ਼ਬੂਲ ਹੋ ਜਾਣ ਤੋਂ ਬਾਅਦ, ਜਿਸ ਵਕ਼ਤ ਸਾਡੇ ਦੋਹਾਂ ਪਰਿਵਾਰਾਂ ਦੇ ਮੈਂਬਰ ਕੈਨੇਡਾ ਸਨ ਤਾਂ ਹਰਮਨ ਨੇ ਆਪਣੇ ਸੁਪਨੇ ਵਿਸਾਰ ਕੇ ਮੇਰੇ ਸੁਪਨਿਆਂ ਵਾਸਤੇ, ਮੇਰਾ ਸਾਥ ਦੇਣ ਲਈ ਮੇਰੇ ਨਾਲ ਇੰਡੀਆ ਜਾਣ ਲਈ ਅੱਖ ਝਪਕਣ ਤੋਂ ਪਹਿਲਾਂ ਹੀ ਤਿਆਰ ਹੋ ਗਈ। ਇਹ ਹਰਮਨ ਦੀ ਜ਼ਿੰਦਗੀ ਦਾ ਸਭ ਤੋਂ ਵੱਡਾ ਫੈਸਲਾ ਸੀ, ਜਿਸ ਨੇ ਮੇਰਾ ਨਾਮ ਦੁਨੀਆਂ ਭਰ ਵਿੱਚ ਲਿਸ਼ਕਾ ਦਿੱਤਾ। ਹਰਮਨ ਮੇਰੇ ਲਈ ਹਮੇਸ਼ਾ ਪ੍ਰੇਰਨਾਸਰੋਤ ਹੈ ਕਿਉਂਕਿ ਉਸ ਨੇ ਜ਼ਿੰਦਗੀ ਦੇ ਹਰ ਹਾਲਾਤ ਨੂੰ ਜਿੱਤਿਆ ਹੈ ਅਤੇ ਉਹ ਸੰਘਰਸ਼ ਕੀਤਾ ਹੈ, ਜੋ ਅਦਿੱਖ ਹੈ। ਉਹ ਖ਼ੁਦ ‘ਸਟਾਰ’ਨਹੀਂ ਬਣੀ ਪਰ ਉਸ ਨੇ ‘ਸਟਾਰਜ਼’ ਸਿਰਜੇ ਹਨ।ਅੱਜ ਆਪਣੇ ਵਿਆਹ ਦੀ ਵਰ੍ਹੇਗੰਢ ’ਤੇ ਮੈਂ ਉਸ ਮਾਲਕ ਦਾ ਸ਼ੁਕਰੀਆ ਕਰਦਾ ਹਾਂ ਕਿ ਮੈਨੂੰ ਹਰਮਨ ਵਰਗਾ ਅਜਿਹਾ ਜੀਵਨ ਸਾਥੀ ਮਿਲਿਆ, ਜਿਸ ਦੇ ਸਾਥ ਨੇ ਮੈਨੂੰ ਹਰ ਮਨ ਵਿੱਚ ਵਸਾ ਦਿੱਤਾ।

 

 
 
 
 
 
 
 
 
 
 
 
 
 
 

ਮੈਂ ਆਪਣੀ ਨਿੱਜੀ ਅਤੇ ਪ੍ਰੋਫ਼ੈਸ਼ਨਲ ਜ਼ਿੰਦਗੀ ਵਿੱਚ ਬਹੁਤ ਉਤਰਾਅ-ਚੜ੍ਹਾਅ ਦੇਖੇ ਹਨ। ਮੁਸ਼ਕਿਲ ਤੋਂ ਮੁਸ਼ਕਿਲ ਘੜੀ 'ਚ ਜੇਕਰ ਮੇਰੇ ਨਾਲ ਕੋਈ ਚਟਾਨ ਵਾਂਗ ਖੜ੍ਹਾ ਹੈ ਤਾਂ ਉਹ ਹੈ ਮੇਰੀ ਜੀਵਨ ਸਾਥਣ ਹਰਮਨ ਮਾਨ। ਸਾਡੇ ਤਿੰਨਾਂ ਬੱਚਿਆਂ ਦੀ ਪਰਵਰਿਸ਼ ਦੇ ਨਾਲ-ਨਾਲ ਪਰਿਵਾਰਕ ਜ਼ਿੰਮੇਵਾਰੀਆਂ ਤੋਂ ਇਲਾਵਾ ਉਸ ਵੱਲੋਂ ਪਿਛਲੇ ਕੁਝ ਸਾਲਾਂ ਤੋਂ ਆਪਣੀਆਂ ਯੋਗ ਕਲਾਸਜ਼ ਰਾਹੀਂ ਇੱਕ ਸ਼ਲਾਘਾਯੋਗ ਜ਼ਿੰਮੇਵਾਰੀ ਨਿਭਾਈ ਜਾ ਰਹੀ ਹੈ। ਇਸਦੇ ਨਾਲ-ਨਾਲ ਉਹ ਵੱਖ-ਵੱਖ ਕਿਸਮਾਂ ਦੇ ਡੀਜ਼ਾਈਨ ਬਾਰੇ ਵੀ ਬਹੁਤ ਕਰੀਏਟਿਵ ਨਜ਼ਰ ਰੱਖਦੀ ਹੈ। ਜ਼ਿਆਦਾਤਰ ਮੇਰੀਆਂ ਫਿਲਮਾਂ ਤੇ ਵੀਡਿਉਜ਼ ਸਮੇਤ ਅਵਕਾਸ਼ ਦੀਆਂ ਵੀਡਿਉਜ਼ ਵਿੱਚ ਕਾਸਟਿਊਮ ਡਜ਼ਾਈਨਰ ਅਤੇ ਸਾਡੇ ਘਰਾਂ ਦੀ ਸਜਾਵਟ ਵੀ ਬਾਖੂਬੀ ਕੀਤੀ ਹੈ। ਹਰਮਨ ਨੂੰ ਸਾਡੇ ਚਾਰਾਂ ਪਰਿਵਾਰਕ ਜੀਆਂ ਤੋਂ ਇਲਾਵਾ ਉਸ ਨੂੰ ਚੰਗੀ ਤਰ੍ਹਾਂ ਜਾਣਨ ਵਾਲੇ, ਸਮਝਣ ਵਾਲੇ ਹੋਰ ਸਭ ਸੱਜਣ-ਪਿਆਰਿਆਂ ਵੱਲੋਂ ਇੱਕ ਅਜਿਹਾ ਪਲੇਟਫ਼ਾਰਮ ਤਿਆਰ ਕਰਨ ਲਈ ਪ੍ਰੇਰਿਆ ਗਿਆ, ਜਿੱਥੇ ਉਹ ਆਪਣਾ ਹੁਨਰ ਸਭ ਦੀਆਂ ਨਜ਼ਰਾਂ ਅੱਗੇ ਪੇਸ਼ ਕਰ ਸਕੇ। ਸਰੀਰ ਅਤੇ ਆਤਮਾ ਨੂੰ ਨਿਰੋਗ ਰੱਖਣ ਸਬੰਧੀ ਯੋਗ ਦੇ ਸਿਲਸਿਲੇਵਾਰ ਵੱਖ-ਵੱਖ ਅਭਿਆਸ, ਪ੍ਰਾਣਾਯਾਮ (ਸਾਹ ਲੈਣ ਦੀਆਂ ਵੱਖ-ਵੱਖ ਕਿਰਿਆਵਾਂ), ਧਿਆਨ ਲਗਾਉਣ ਦੇ ਢੰਗ, ਘਰ ਦੀ ਸਜਾਵਟ, ਫ਼ੈਸ਼ਨ ਦੇ ਵੱਖ-ਵੱਖ ਨੁਕਤੇ, ਪਾਲਣ-ਪੋਸਣ ਦੇ ਗੁਰ, ਸੌਖਾ ਅਤੇ ਸਿਹਤਮੰਦ ਖਾਣਾ ਬਣਾਉਣ ਦੇ ਵੱਖ-ਵੱਖ ਢੰਗ-ਤਰੀਕਿਆਂ ਨੂੰ ਸਿੱਖਣ ਅਤੇ ਜਾਣਨ ਲਈ ਤੁਹਾਡੇ ਸਭ ਨਾਲ ਇਹ ਸਾਂਝਾ ਕਰਦੇ ਹੋਏ ਮੈਨੂੰ ਬੇਹੱਦ ਖ਼ੁਸ਼ੀ ਹੋ ਰਹੀ ਹੈ ਕਿ ਹੁਣ ਤੁਸੀਂ ਵੀ ਸਾਰੇ ਇੱਕ ਪਰਿਵਾਰਕ ਮੈਂਬਰਾਨ ਵਾਂਗ ਹਰਮਨ ਮਾਨ ਦੇ ਇਸ ਇਨਸਟੲਗ੍ਰਾਮ ਪੇਜ @holisticallyharman ਨਾਲ ਜੁੜ ਸਕਦੇ ਹੋ। 🙏🏻🙏🏻

A post shared by Harbhajan Mann (@harbhajanmannofficial) on May 5, 2020 at 6:07am PDT

ਦੱਸ ਦਈਏ ਕੀ ਹਰਭਜਨ ਮਾਨ ਪੰਜਾਬ ਦੇ ਮਸ਼ਹੂਰ ਗਾਇਕਾਂ ਚੋਂ ਇਕ ਹਨ। ਪੰਜਾਬੀ ਸੰਗੀਤ ਜਗਤ ਨੂੰ ਕਈ ਹਿੱਟ ਗੀਤ ਦੇਣ ਵਾਲੇ ਹਰਭਜਨ ਮਾਨ ਦੇ ਵੱਡੇ ਪੁੱਤਰ ਅਵਿਕਾਸ਼ ਮਾਨ ਵੀ ਗਾਇਕ ਵਜੋਂ ਸੰਗੀਤ ਜਗਤ 'ਚ ਆਪਣੀ ਖਾਸ ਪਹਿਚਾਣ ਬਣਾ ਰਹੇ ਹਨ



ਆਪਣੇ ਭਾਈਚਾਰੇ ਚੋ ਆਪਣੇ ਜੀਵਨਸਾਥੀ ਦੀ ਚੋਣ ਕਰੋ - ਮੁਫ਼ਤ ਰਿਜਿਸਟ੍ਰੇਸ਼ਨ ਕਰੇ

Lakhan

Content Editor Lakhan