ਨੱਚ-ਨੱਚ ਪੂਰੇ ਕੀਤੇ ਗੁਰਲੇਜ ਅਖਤਰ ਨੇ ਭਰਾ ਦੇ ਵਿਆਹ ਦੇ ਚਾਅ, ਖੂਬ ਵੇਖੀ ਜਾ ਰਹੀ ਹੈ ਵੀਡੀਓ
11/09/2020 3:08:48 PM
ਜਲੰਧਰ (ਬਿਊਰੋ)– ਪੰਜਾਬੀ ਗਾਇਕਾ ਗੁਲਰੇਜ ਅਖਤਰ ਦੇ ਭਰਾ ਦੇ ਵਿਆਹ ਦੀਆਂ ਤਿਆਰੀਆਂ ਸ਼ੁਰੂ ਹੋ ਗਈਆਂ ਹਨ। ਗੁਰਲੇਜ ਅਖਤਰ ਦੇ ਦੋ ਭਰਾ ਸ਼ਹਿਨਾਜ਼ ਅਖਤਰ ਤੇ ਸਾਹਿਲ ਅਖਤਰ ਹਨ, ਜਿਨ੍ਹਾਂ ’ਚੋਂ ਸ਼ਹਿਨਾਜ਼ ਅਖਤਰ ਦਾ ਵਿਆਹ ਹੋ ਰਿਹਾ ਹੈ। ਵਿਆਹ ਦੇ ਮਹਿੰਦੀ ਸਮਾਗਮ ਤੋਂ ਗੁਰਲੇਜ ਅਖਤਰ ਦੀ ਇਕ ਵੀਡੀਓ ਸਾਹਮਣੇ ਆਈ ਹੈ, ਜਿਸ ’ਚ ਉਹ ਆਪਣੀ ਭੈਣ ਜੈਸਮੀਨ ਅਖਤਰ ਨਾਲ ਗਿੱਧਾ ਪਾਉਂਦੀ ਨਜ਼ਰ ਆ ਰਹੀ ਹੈ। ਸੋਸ਼ਲ ਮੀਡੀਆ ’ਤੇ ਗੁਰਲੇਜ ਅਖਤਰ ਦੀ ਇਹ ਵੀਡੀਓ ਖੂਬ ਦੇਖੀ ਜਾ ਰਹੀ ਹੈ ਤੇ ਉਸ ਦੇ ਫੈਨਜ਼ ਇਸ ਵੀਡੀਓ ਨੂੰ ਕਾਫੀ ਪਸੰਦ ਵੀ ਕਰ ਰਹੇ ਹਨ।
ਵੀਡੀਓ ਸਾਂਝੀ ਕਰਦਿਆਂ ਗੁਰਲੇਜ ਅਖਤਰ ਕੈਪਸ਼ਨ ’ਚ ਲਿਖਦੀ ਹੈ, ‘ਸਾਡੇ ਵੀਰ ਦਾ ਵਿਆਹ ਸਾਨੂੰ ਗੋਡੇ ਗੋਡੇ ਚਾਅ😘😘🤗🤗we love u so so so much brother es din bahot jeyada wait c sanu ssb nu😘😘😍 @shehnazakhtarofficial @jasmeenakhtarofficial @kulwinder_kally @officialsahilakhtar @shamshaadakhtar😍😍😘😘.’
ਉਥੇ ਗੁਰਲੇਜ ਅਖਤਰ ਦੀ ਭੈਣ ਜੈਸਮੀਨ ਨੇ ਮਹਿੰਦੀ ਸਮਾਗਮ ਦੀਆਂ ਕੁਝ ਤਸਵੀਰਾਂ ਸਾਂਝੀਆਂ ਕੀਤੀਆਂ ਹਨ, ਜਿਨ੍ਹਾਂ ਨਾਲ ਉਹ ਲਿਖਦੀ ਹੈ, ‘ਅੱਜ ਬਹੁਤ ਹੀ ਖੁਸ਼ੀ ਵਾਲਾ ਦਿਨ ਹੈ ਤੇ ਮੇਰਾ ਦਿਲ ਕੀਤਾ ਮੈਂ ਆਪਣੇ ਕੁਝ ਜਜ਼ਬਾਤ ਸਾਂਝੇ ਕਰਾਂ। ਸਭ ਤੋਂ ਪਹਿਲਾਂ ਉਸ ਪ੍ਰਮਾਤਮਾ ਦਾ ਬਹੁਤ-ਬਹੁਤ ਸ਼ੁਕਰੀਆ, ਜਿੰਨੇ ਇਹ ਭਾਗਾਂ ਵਾਲਾ ਦਿਨ ਸਾਡੇ ਹਿੱਸੇ ਪਾਇਆ। ਮਤਲਬ ਅੱਜ ਸਾਡੇ ਵੀਰ ਦੀ ਮਹਿੰਦੀ ਸੈਰੇਮਨੀ ਹੈ ਤੇ ਭਰਾਵਾਂ ਦੇ ਵਿਆਹ ਦਾ ਚਾਅ ਭੈਣਾਂ ਨੂੰ ਸਭ ਤੋਂ ਵੱਧ ਹੁੰਦਾ ਹੈ। ਭਾਬੀ ਦੇ ਆਉਣ ਦਾ ਸਭ ਤੋਂ ਵੱਧ ਚਾਅ ਹੁੰਦਾ ਹੈ। ਭੈਣਾਂ ਤੇ ਭਰਾਵਾਂ ਦਾ ਰਿਸ਼ਤਾ ਦੁਨੀਆ ਦਾ ਸਭ ਤੋਂ ਪਿਆਰਾ ਰਿਸ਼ਤਾ ਹੈ। ਇਥੇ ਲੜਾਈ ਵੀ ਹੁੰਦੀ ਹੈ ਪਰ ਪਿਆਰ ਉਸ ਤੋਂ ਵੀ ਕਿਤੇ ਵੱਧ ਹੁੰਦਾ ਹੈ। ਬੇਸ਼ੱਕ ਜਤਾਉਂਦੇ ਵੀ ਨਹੀਂ ਕਦੇ ਪਰ ਭਰਾਵਾਂ ਦੀ ਖੁਸ਼ੀ ’ਚ ਭੈਣਾਂ ਦੀ ਖੁਸ਼ੀ ਹੁੰਦੀ ਹੈ ਤੇ ਅੱਜ ਅਸੀਂ ਬਹੁਤ ਖੁਸ਼ ਹਾਂ ਸਾਡਾ ਵੀਰ ਇਕ ਤੋਂ ਦੋ ਹੋਣ ਜਾ ਰਿਹਾ। ਜ਼ਿੰਦਗੀ ਦੀ ਨਵੀਂ ਸ਼ੁਰੂਆਤ ਕਰਨ ਜਾ ਰਿਹਾ। ਜ਼ਿੰਦਗੀ ਦੇ ਨਵੇਂ ਸਫਰ ਲਈ ਢੇਰ ਸਾਰੀਆਂ ਮੁਬਾਰਕਾਂ ਵੀਰੇ ਤੁਹਾਨੂੰ ਪ੍ਰਮਾਤਮਾ ਜ਼ਿੰਦਗੀ ਦੀ ਹਰ ਖੁਸ਼ੀ ਤੁਹਾਡੀ ਝੋਲੀ ਪਾਵੇ। ਹਮੇਸ਼ਾ ਖੁਸ਼ੀਆਂ ਬਣੀਆਂ ਰਹਿਣ। ਲਿਖਣਾ ਬਹੁਤ ਕੁਝ ਚਾਹੁੰਦੀ ਹਾਂ ਪਰ ਕਈ ਗੱਲਾਂ ਬਿਆਨ ਨਹੀਂ ਕੀਤੀਆਂ ਜਾਂਦੀਆਂ ਪਰ ਅੱਜ ਖੁਸ਼ੀ ਦੇ ਨਾਲ-ਨਾਲ ਡੈਡੀ ਦੀ ਘਾਟ ਵੀ ਬਹੁਤ ਮਹਿਸੂਸ ਹੋ ਰਹੀ ਹੈ। ਕਾਸ਼ ਉਹ ਅੱਜ ਹੁੰਦੇ ਤਾਂ ਕਿੰਨੇ ਖੁਸ਼ ਹੁੰਦੇ। ਉਨ੍ਹਾਂ ਦੀ ਖੁਸ਼ੀ ਨਹੀਂ ਸੰਭਾਲੀ ਜਾਣੀ ਸੀ। ਖੈਰ ਉਹ ਜਿਥੇ ਵੀ ਨੇ ਅੱਜ ਬਹੁਤ ਖੁਸ਼ ਹੋਣਗੇ। ਉਨ੍ਹਾਂ ਦੀਆਂ ਦੁਆਵਾਂ ਹਮੇਸ਼ਾ ਆਪਣੇ ਨਾਲ ਨੇ, ਤੁਸੀਂ ਵੀ ਸਾਰੇ ਜਾਣੇ ਆਪਣੀਆਂ ਦੁਆਵਾਂ ਦਿਓ।’
