ਨਾਮੀ ਅਦਾਕਾਰ ਕਮਲ ਹਾਸਨ ਜਾਣਗੇ ਕਰੂਰ

ਚੇਨਈ- ਮੱਕਲ ਨੀਧੀ ਮਾਇਅਮ (ਐਮ.ਐਨ.ਐਮ.) ਦੇ ਮੁਖੀ ਕਮਲ ਹਾਸਨ ਜਲਦੀ ਹੀ ਕਰੂਰ ਜਾਣਗੇ ਅਤੇ ਤਾਮਿਲ ਵੇਤਰੀ ਕਸ਼ਗਮ (ਟੀ.ਵੀ.ਕੇ.) ਦੀ ਰੈਲੀ ਵਿੱਚ ਭਗਦੜ ਵਿੱਚ ਮਾਰੇ ਗਏ ਲੋਕਾਂ ਦੇ ਪਰਿਵਾਰਾਂ ਨੂੰ ਮਿਲਣਗੇ। 27 ਸਤੰਬਰ ਨੂੰ ਕਰੂਰ ਵਿੱਚ ਟੀਵੀ.ਕੇ. ਦੇ ਮੁਖੀ ਅਤੇ ਅਦਾਕਾਰ ਵਿਜੇ ਦੀ ਰੈਲੀ ਵਿੱਚ ਭਗਦੜ ਵਿੱਚ 41 ਲੋਕ ਮਾਰੇ ਗਏ ਸਨ ਅਤੇ 50 ਤੋਂ ਵੱਧ ਜ਼ਖਮੀ ਹੋ ਗਏ ਸਨ। ਐਮ.ਐਨ.ਐਮ. ਸੂਤਰਾਂ ਅਨੁਸਾਰ ਰਾਜ ਸਭਾ ਮੈਂਬਰ ਵੇਲੂਸਾਮੀਪੁਰਮ ਵਿੱਚ ਭਗਦੜ ਵਾਲੀ ਥਾਂ ਦਾ ਦੌਰਾ ਕਰਨਗੇ, ਸਥਾਨਕ ਲੋਕਾਂ ਨਾਲ ਗੱਲਬਾਤ ਕਰਨਗੇ ਅਤੇ ਘਟਨਾ ਵਿੱਚ ਮਾਰੇ ਗਏ ਲੋਕਾਂ ਦੇ ਪਰਿਵਾਰਾਂ ਨੂੰ ਮਿਲਣਗੇ।