ਆਲੋਚਨਾਵਾਂ ਨੇ ਮੈਨੂੰ ਹੋਰ ਜ਼ਿਆਦਾ ਪ੍ਰੇਰਿਤ ਕੀਤਾ : ਭੂਮੀ ਪੇਡਨੇਕਰ

ਸਿੰਗਾਪੁਰ- ਬਾਲੀਵੁੱਡ ਅਦਾਕਾਰਾ ਭੂਮੀ ਪੇਡਨੇਕਰ ਦਾ ਕਹਿਣਾ ਹੈ ਕਿ ਆਲੋਚਨਾਵਾਂ ਨੇ ਉਸਨੂੰ ਹੋਰ ਜ਼ਿਆਦਾ ਪ੍ਰੇਰਿਤ ਕੀਤਾ ਹੈ। ਮਿਲਕਨ ਇੰਸਟੀਚਿਊਟ ਦੇ 12ਵੇਂ ਏਸ਼ੀਆ ਸੰਮੇਲਨ ਵਿੱਚ ਵਿਸ਼ਵ ਨੇਤਾਵਾਂ ਵਿੱਚ, ਬਾਲੀਵੁੱਡ ਅਦਾਕਾਰਾ ਭੂਮੀ ਪੇਡਨੇਕਰ ਨੇ ਆਪਣੀ ਨਿੱਜੀ ਕਹਾਣੀ, ਹਿੰਮਤ ਅਤੇ ਜ਼ਿੰਮੇਵਾਰੀ ਦੀ ਭਾਵਨਾ ਨਾਲ ਸਾਰਿਆਂ ਨੂੰ ਪ੍ਰਭਾਵਿਤ ਕੀਤਾ। 
ਭੂਮੀ ਪੇਡਨੇਕਰ ਨੇ ਖੁਲਾਸਾ ਕੀਤਾ ਕਿ ਜਦੋਂ ਉਹ ਇੱਕ ਅਭਿਨੇਤਰੀ ਬਣਨ ਦਾ ਸੁਪਨਾ ਦੇਖਦੀ ਸੀ ਤਾਂ ਉਨ੍ਹਾਂ ਨੇ ਪਰਦੇ 'ਤੇ ਆਪਣੇ ਵਰਗੀਆਂ ਔਰਤਾਂ ਨਹੀਂ ਦੇਖੀਆਂ। ਉਨ੍ਹਾਂ ਨੇ ਕਿਹਾ, "ਮੈਨੂੰ ਹਮੇਸ਼ਾ ਪਤਾ ਸੀ ਕਿ ਮੈਂ ਇੱਕ ਕਲਾਕਾਰ ਬਣਨਾ ਚਾਹੁੰਦੀ ਹਾਂ, ਪਰ ਵੱਡੀ ਹੋ ਕੇ ਮੈਂ ਪਰਦੇ 'ਤੇ ਆਪਣੇ ਵਰਗੀਆਂ ਕੁੜੀਆਂ ਨਹੀਂ ਦੇਖੀਆਂ। ਜਦੋਂ ਵੀ ਮੈਂ ਲੋਕਾਂ ਨੂੰ ਆਪਣੇ ਸੁਪਨੇ ਬਾਰੇ ਦੱਸਿਆ ਉਹ ਮੇਰੇ 'ਤੇ ਹੱਸਦੇ ਸਨ। ਉਨ੍ਹਾਂ ਆਲੋਚਨਾਵਾਂ ਨੇ ਮੈਨੂੰ ਹੋਰ ਵੀ ਪ੍ਰੇਰਿਤ ਕੀਤਾ ਅਤੇ ਮੈਂ ਸੋਚਿਆ, ਮੈਂ ਉਨ੍ਹਾਂ ਨੂੰ ਦਿਖਾਵਾਂਗੀ।" ਭੂਮੀ ਨੇ ਕਿਹਾ ਕਿ ਉਸਦੀ ਪਹਿਲੀ ਫਿਲਮ "ਦਮ ਲਗਾ ਕੇ ਹਈਸ਼ਾ" ਨੇ ਉਨ੍ਹਾਂ ਨੂੰ ਸਿਨੇਮਾ ਦੀ ਅਸਲ ਸ਼ਕਤੀ ਦਿਖਾਈ।