ਮਸ਼ਹੂਰ YouTuber ਅਰਮਾਨ ਮਲਿਕ ਨੇ ਆਪਣੀਆਂ ਦੋਵੇਂ ਪਤਨੀਆਂ ਨਾਲ ਹਸੀਨ ਵਾਦੀਆਂ ''ਚ ਕੀਤਾ ਰੋਮਾਂਸ, ਵੀਡੀਓ ਵਾਇਰਲ
Tuesday, Jan 27, 2026 - 10:22 AM (IST)
ਮਨੋਰੰਜਨ ਡੈਸਕ - ਯੂਟਿਊਬਰ ਅਰਮਾਨ ਮਲਿਕ ਆਪਣੀਆਂ ਦੋ ਪਤਨੀਆਂ ਪਾਇਲ ਅਤੇ ਕ੍ਰਿਤਿਕਾ ਕਾਰਨ ਅਕਸਰ ਚਰਚਾ ਵਿਚ ਰਹਿੰਦੇ ਹਨ ਅਤੇ ਇਹ ਤਿੰਨੋਂ ਇਕੱਠੇ ਹੀ ਰਹਿੰਦੇ ਹਨ। ਹਾਲ ਹੀ ਵਿਚ ਅਰਮਾਨ ਮਲਿਕ ਦਾ ਆਪਣੀਆਂ ਦੋਵਾਂ ਪਤਨੀਆਂ ਨਾਲ ਇਕ ਰੋਮਾਂਟਿਕ ਵੀਡੀਓ ਸਾਹਮਣੇ ਆਇਆ ਹੈ, ਜੋ ਸੋਸ਼ਲ ਮੀਡੀਆ 'ਤੇ ਕਾਫ਼ੀ ਵਾਇਰਲ ਹੋ ਰਿਹਾ ਹੈ।
ਹਸੀਨ ਵਾਦੀਆਂ ਵਿਚ ਰੋਮਾਂਟਿਕ ਅੰਦਾਜ਼
ਪਾਇਲ ਮਲਿਕ ਦੁਆਰਾ ਸਾਂਝੀ ਕੀਤੀ ਗਈ ਇਸ ਵੀਡੀਓ ਵਿਚ ਅਰਮਾਨ ਮਲਿਕ ਹਸੀਨ ਵਾਦੀਆਂ ਦੇ ਵਿਚਕਾਰ ਆਪਣੀਆਂ ਦੋਵਾਂ ਪਤਨੀਆਂ ਨਾਲ ਰੋਮਾਂਸ ਕਰਦੇ ਨਜ਼ਰ ਆ ਰਹੇ ਹਨ। ਵੀਡੀਓ ਵਿਚ ਦੇਖਿਆ ਜਾ ਸਕਦਾ ਹੈ ਕਿ ਅਰਮਾਨ ਆਪਣੀ ਪਤਨੀ ਪਾਇਲ ਨੂੰ ਗੋਦੀ ਵਿਚ ਚੁੱਕ ਕੇ ਝੂਮ ਰਹੇ ਹਨ। ਇਸ ਦੇ ਨਾਲ ਹੀ ਉਹ ਆਪਣੀ ਦੂਜੀ ਪਤਨੀ ਕ੍ਰਿਤਿਕਾ ਨੂੰ ਵੀ ਬਾਹਾਂ ਵਿਚ ਲੈ ਕੇ ਰੋਮਾਂਟਿਕ ਪਲ ਬਿਤਾਉਂਦੇ ਦਿਖਾਈ ਦਿੱਤੇ। ਪ੍ਰਸ਼ੰਸਕਾਂ ਵੱਲੋਂ ਅਰਮਾਨ ਦੀ ਆਪਣੀਆਂ ਦੋਵਾਂ ਪਤਨੀਆਂ ਨਾਲ ਕੈਮਿਸਟਰੀ ਨੂੰ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ।
ਜਲਦ ਆਉਣ ਵਾਲਾ ਹੈ ਨਵਾਂ ਮਹਿਮਾਨ
ਅਰਮਾਨ ਮਲਿਕ ਲਈ ਇਹ ਸਮਾਂ ਬਹੁਤ ਖੁਸ਼ੀਆਂ ਭਰਿਆ ਹੈ ਕਿਉਂਕਿ ਉਹ ਜਲਦ ਹੀ 5ਵੇਂ ਬੱਚੇ ਦੇ ਪਿਤਾ ਬਣਨ ਵਾਲੇ ਹਨ। ਜਾਣਕਾਰੀ ਅਨੁਸਾਰ ਉਨ੍ਹਾਂ ਦੀ ਪਤਨੀ ਪਾਇਲ ਗਰਭਵਤੀ ਹੈ ਅਤੇ ਜਲਦ ਹੀ ਬੱਚੇ ਨੂੰ ਜਨਮ ਦੇਣ ਵਾਲੀ ਹੈ। ਜ਼ਿਕਰਯੋਗ ਹੈ ਕਿ ਅਰਮਾਨ ਦਾ ਕ੍ਰਿਤਿਕਾ ਤੋਂ ਪਹਿਲਾਂ ਹੀ ਇੱਕ ਬੇਟਾ ਹੈ। ਅਰਮਾਨ ਆਪਣੇ 5ਵੇਂ ਬੱਚੇ ਦੇ ਸਵਾਗਤ ਲਈ ਕਾਫ਼ੀ ਉਤਸ਼ਾਹਿਤ ਨਜ਼ਰ ਆ ਰਹੇ ਹਨ।
