ਬਾਕਸਰ ਵਿਜੇਂਦਰ ਸਿੰਘ ਹੋਏ ਫਰਹਾਨ ਅਖਤਰ ਦੀ ‘ਤੂਫ਼ਾਨ’ ਦੇ ਮੁਰੀਦ, ਟਵੀਟ ਕਰਕੇ ਆਖੀ ਇਹ ਗੱਲ

ਮੁੰਬਈ (ਬਿਊਰੋ)— ਫਰਹਾਨ ਅਖਤਰ ਦੀ ਫ਼ਿਲਮ ‘ਤੂਫਾਨ’ ਦੇ ਟੀਜ਼ਰ ਨੇ ਉਨ੍ਹਾਂ ਦੇ ਪ੍ਰਸ਼ੰਸਕਾਂ ਤੇ ਸਿਨੇਮਾ ਦੇ ਦਰਸ਼ਕਾਂ ’ਚ ਉਤਸ਼ਾਹ ਜਗਾ ਦਿੱਤਾ ਹੈ। ਇਹ ਫ਼ਿਲਮ 21 ਮਈ ਨੂੰ ਓ. ਟੀ. ਟੀ. ਪਲੇਟਫਾਰਮ ’ਤੇ ਰਿਲੀਜ਼ ਹੋਵੇਗੀ। ਫ਼ਿਲਮ ’ਚ ਫਰਹਾਨ ਇਕ ਬਾਕਸਰ ਦੀ ਭੂਮਿਕਾ ਨਿਭਾਅ ਰਹੇ ਹਨ। ਰਿੰਗ ’ਚ ਦਮਦਾਰ ਪੰਚ ਨਾਲ ਹੀ ਫ਼ਿਲਮ ਦੇ ਡਾਇਲਾਗਸ ਵੀ ਜ਼ਬਰਦਸਤ ਹਨ। ਅਜਿਹੇ ’ਚ ਬਾਕਸਰ ਵਿਜੇਂਦਰ ਸਿੰਘ ਨੇ ਵੀ ਟੀਜ਼ਰ ਦੀ ਤਾਰੀਫ ਕੀਤੀ ਹੈ। ਵਿਜੇਂਦਰ ਨੇ ‘ਤੂਫਾਨ’ ਦਾ ਟੀਜ਼ਰ ਦੇਖਣ ਤੋਂ ਬਾਅਦ ਟਵੀਟ ਕਰਕੇ ਫਰਹਾਨ ਅਖਤਰ ਦਾ ਧੰਨਵਾਦ ਕੀਤਾ ਹੈ।

ਸਾਲ 2008 ’ਚ ਬੀਜਿੰਗ ਓਲੰਪਿਕ ’ਚ ਕਾਂਸੀ ਤਮਗਾ ਜਿੱਤ ਕੇ ਦੇਸ਼ ਦਾ ਮਾਣ ਵਧਾਉਣ ਵਾਲੇ ਵਿਜੇਂਦਰ ਸਿੰਘ ਨੇ ਟਵਿਟਰ ’ਤੇ ਲਿਖਿਆ, ‘ਟੀਜ਼ਰ ਜ਼ਬਰਦਸਤ ਹੈ। ਬਾਕਸਿੰਗ ਨੂੰ ਮੈਪ ’ਤੇ ਲਿਆਉਣ ਲਈ ਧੰਨਵਾਦ। ਫਰਹਾਨ ਅਖਤਰ ਨੂੰ ਬਹੁਤ-ਬਹੁਤ ਸ਼ੁਭਕਾਮਨਾਵਾਂ।

The teaser looks awesome! Thanks for putting boxing on the map. All the best @FarOutAkhtar @ROMPPictures @FarOutAkhtar @ritesh_sid @excelmovies @RakeyshOmMehrahttps://t.co/wSuunqpmnq

— Vijender Singh (@boxervijender) March 18, 2021

ਦੱਸਣਯੋਗ ਹੈ ਕਿ ਵਿਜੇਂਦਰ ਸਿੰਘ ਨੇ ਸਾਲ 2006, 2010 ਤੇ 2014 ਦੀਆਂ ਕਾਮਨਵੈਲਥ ਖੇਡਾਂ ’ਚ ਵੀ ਦੇਸ਼ ਦੀ ਅਗਵਾਈ ਕੀਤੀ ਸੀ।

ਵਿਜੇਂਦਰ ਸਿੰਘ ਦੇ ਇਸ ਟਵੀਟ ’ਤੇ ਫਰਹਾਨ ਅਖਤਰ ਨੇ ਵੀ ਪ੍ਰਤੀਕਿਰਿਆ ਦਿੱਤੀ ਹੈ। ਫਰਹਾਨ ਨੇ ਲਿਖਿਆ, ‘ਧੰਨਵਾਦ ਵਿਜੇਂਦਰ ਸਿੰਘ ਜੀ। ਮੈਪ ’ਤੇ ਤਾਂ ਤੁਸੀਂ ਤੇ ਤੁਹਾਡੇ ਵਰਗੇ ਦੇਸ਼ ਦੀ ਅਗਵਾਈ ਕਰਨ ਵਾਲੇ ਹਰ ਇਕ ਬਾਕਸਰ ਨੇ ਇਸ ਨੂੰ ਦਰਸਾਇਆ ਹੈ। ਤੁਸੀਂ ਹੋ ਤਾਂ ਤੂਫਾਨ ਹੈ।’

Thank you @boxervijender 👊🏽❤️
Map par toh aapne aur aap jaise desh ko represent karnewale har ek boxer ne daala hai. Aap hain toh Toofaan hai. 🥊 https://t.co/ecXJXidPaW

— Farhan Akhtar (@FarOutAkhtar) March 18, 2021

ਫਰਹਾਨ ਅਖਤਰ ਦੇ ਇਸ ਰਿਪਲਾਈ ਤੇ ਤਾਰੀਫਾਂ ਲਈ ਵਿਜੇਂਦਰ ਸਿੰਘ ਨੇ ਇਕ ਹੋਰ ਟਵੀਟ ਕਰਕੇ ਉਨ੍ਹਾਂ ਦਾ ਧੰਨਵਾਦ ਕੀਤਾ ਹੈ।

ਨੋਟ— ਤੁਹਾਨੂੰ ਫਰਹਾਨ ਅਖਤਰ ਦੀ ‘ਤੂਫਾਨ’ ਫ਼ਿਲਮ ਦਾ ਟੀਜ਼ਰ ਕਿਵੇਂ ਦਾ ਲੱਗਾ? ਕੁਮੈਂਟ ਕਰਕੇ ਦੱਸੋ।