ਆਮਿਰ, ਸ਼ਾਹਰੁਖ, ਸਲਮਾਨ ਸਣੇ ਬਾਲੀਵੁੱਡ ਸਿਤਾਰੇ ਇੰਝ ਮਨਾ ਰਹੇ 75ਵਾਂ ਆਜ਼ਾਦੀ ਦਿਹਾੜਾ

08/15/2022 10:09:01 AM

ਮੁੰਬਈ (ਬਿਊਰੋ)– ਆਜ਼ਾਦੀ ਦੇ 75 ਸਾਲ ਪੂਰੇ ਹੋਣ ’ਤੇ ਪ੍ਰਧਾਨ ਮੰਤਰੀ ਮੋਦੀ ਨੇ ‘ਹਰ ਘਰ ਤਿਰੰਗਾ’ ਮੁਹਿੰਮ ਦੀ ਸ਼ੁਰੂਆਤ ਕੀਤੀ। ਇਸ ਮੁਹਿੰਮ ’ਚ ਕੇਂਦਰ ਸਰਕਾਰ ਨੇ 13 ਤੋਂ 15 ਅਗਸਤ ਵਿਚਾਲੇ ਹਰ ਘਰ ’ਚ ਤਿਰੰਗਾ ਲਗਾਉਣ ਦੀ ਅਪੀਲ ਕੀਤੀ। ਹੁਣ ਬਾਲੀਵੁੱਡ ਵੀ ਇਸ ਰੰਗ ’ਚ ਰੰਗਿਆ ਨਜ਼ਰ ਆ ਰਿਹਾ ਹੈ। ਵਿੱਕੀ ਕੌਸ਼ਲ ਨੇ ਇਸ ਮੁਹਿੰਮ ’ਚ ਆਪਣਾ ਯੋਗਦਾਨ ਦਿੰਦਿਆਂ ਇੰਸਟਾਗ੍ਰਾਮ ’ਤੇ ਆਪਣੀ ਡੀ. ਪੀ. ਬਦਲ ਲਈ ਹੈ। ਆਓ ਦਿਖਾਉਂਦੇ ਹਾਂ ਤੁਹਾਨੂੰ ਬਾਕੀ ਸਿਤਾਰਿਆਂ ਦੀਆਂ ਤਸਵੀਰਾਂ–

PunjabKesari

ਵਰੁਣ ਧਵਨ ਵੀ ਹਰ ਘਰ ਤਿਰੰਗਾ ਮੁਹਿੰਮ ਦਾ ਸਹਿਯੋਗ ਕਰਦਿਆਂ ਪੂਰੀ ਤਰ੍ਹਾਂ ਦੇਸ਼ ਪ੍ਰੇਮ ’ਚ ਡੁੱਬੇ ਦਿਖੇ। ਅਦਾਕਾਰ ਨੇ ਵੀ ਆਪਣੀ ਇੰਸਟਾਗ੍ਰਾਮ ’ਤੇ ਡੀ. ਪੀ. ਨੂੰ ਬਦਲ ਦਿੱਤਾ ਹੈ।

PunjabKesari

‘ਸ਼ੇਰਸ਼ਾਹ’ ਫ਼ਿਲਮ ਨਾਲ ਤੁਸੀਂ ਸਿਧਾਰਥ ਮਲਹੋਤਰਾ ਦੇ ਫੈਨ ਤਾਂ ਹੋ ਹੀ ਗਏ ਹੋਵੋਗੇ। ਫ਼ਿਲਮ ’ਚ ਜੋ ਦੇਸ਼ ਦੇ ਪ੍ਰਤੀ ਉਨ੍ਹਾਂ ਦੀ ਭਗਤੀ ਸੀ, ਉਹ ਅਸਲ ਜ਼ਿੰਦਗੀ ’ਚ ਵੀ ਦੇਖਣ ਨੂੰ ਮਿਲ ਰਹੀ ਹੈ। ਅਦਾਕਾਰ ਨੇ ਵੀ ਆਪਣੀ ਇੰਸਟਾਗ੍ਰਾਮ ਡੀ. ਪੀ. ਨੂੰ ਤਿਰੰਗੇ ’ਚ ਬਦਲ ਦਿੱਤਾ ਹੈ।

PunjabKesari

ਗੱਲ ਜੇਕਰ ਦੇਸ਼ ਪ੍ਰੇਮ ਦੀ ਹੋਵੇ ਤਾਂ ਸਲਮਾਨ ਖ਼ਾਨ ਕਿਵੇਂ ਪਿੱਛੇ ਰਹਿਣ ਵਾਲੇ ਹਨ। ਸਲਮਾਨ ਖ਼ਾਨ ਨੇ ਵੀ ਹਰ ਘਰ ਤਿਰੰਗਾ ਮੁਹਿੰਮ ਦਾ ਸਾਥ ਦਿੰਦਿਆਂ ਆਪਣੇ ਘਰ ’ਤੇ ਤਾਂ ਤਿਰੰਗਾ ਲਗਾਇਆ ਹੀ, ਨਾਲ ਹੀ ਸੋਸ਼ਲ ਮੀਡੀਆ ਹੈਂਡਲਜ਼ ਦੀ ਡੀ. ਪੀ. ਵੀ ਤਿਰੰਗੇ ਵਾਲੀ ਲਗਾਈ ਹੈ।

PunjabKesari

ਨੈਸ਼ਨਲ ਐਵਾਰਡ ਜੇਤੂ ਕ੍ਰਿਤੀ ਸੈਨਨ ਦੇ ਇੰਸਟਾਗ੍ਰਾਮ ’ਤੇ 50 ਮਿਲੀਅਨ ਤੋਂ ਜ਼ਿਆਦਾ ਫਾਲੋਅਰਜ਼ ਹਨ। ਕ੍ਰਿਤੀ ਵੀ ਆਜ਼ਾਦੀ ਦੇ ਰੰਗ ’ਚ ਰੰਗੀ ਨਜ਼ਰ ਆਈ। ਉਸ ਨੇ ਵੀ ਆਪਣੀ ਡੀ. ਪੀ. ਨੂੰ ਤਿਰੰਗੇ ’ਚ ਬਦਲ ਦਿੱਤਾ ਹੈ।

PunjabKesari

ਦੇਸ਼ ਭਗਤੀ ਦੀ ਗੱਲ ਹੋਵੇ ਤੇ ਅਨੁਪਮ ਖੇਰ ਦਾ ਜ਼ਿਕਰ ਨਾ ਹੋਵੇ, ਇਹ ਤਾਂ ਹੋ ਹੀ ਨਹੀਂ ਸਕਦਾ। ਅਨੁਪਮ ਖੇਰ ਨੇ ਟਵਿਟਰ ’ਤੇ ਤਿਰੰਗੇ ਨਾਲ ਨਾ ਸਿਰਫ ਤਸਵੀਰ ਸਾਂਝੀ ਕੀਤੀ, ਸਗੋਂ ਉਸ ਨੂੰ ਆਪਣੀ ਡੀ. ਪੀ. ’ਚ ਵੀ ਲਗਾਇਆ। ਅਨੁਪਮ ਨੇ ਆਪਣੇ ਘਰ ’ਤੇ ਵੀ ਤਿਰੰਗਾ ਲਗਾਇਆ ਹੈ।

PunjabKesari

ਅਨਿਲ ਕਪੂਰ ਇਕ ਜ਼ਿੰਦਾਦਿਲ ਇਨਸਾਨ ਹਨ। ਅਨਿਲ ਕਪੂਰ ਨੇ ਵੀ ਹਰ ਘਰ ਤਿਰੰਗਾ ਮੁਹਿੰਮ ’ਚ ਸਹਿਯੋਗ ਦਿੰਦਿਆਂ ਆਪਣੇ ਘਰ ’ਤੇ ਭਾਰਤੀ ਝੰਡਾ ਲਗਾਇਆ ਤੇ ਟਵਿਟਰ ’ਤੇ ਆਪਣੀ ਡੀ. ਪੀ. ਨੂੰ ਬਦਲ ਦਿੱਤਾ।

PunjabKesari

ਅਕਸ਼ੇ ਕੁਮਾਰ ਕਿੰਨੇ ਦੇਸ਼ ਭਗਤ ਹਨ, ਇਸ ਗੱਲ ਤੋਂ ਸਾਰੇ ਜਾਣੂ ਹਨ। ਅਕਸ਼ੇ ਮਿਲਟਰੀ ਬੈਕਗਰਾਊਂਡ ਨਾਲ ਸਬੰਧ ਰੱਖਦੇ ਹਨ। ਅਕਸ਼ੇ ਨੇ ਵੀ ਆਪਣੇ ਘਰ ’ਤੇ ਤਿਰੰਗਾ ਲਗਾਇਆ ਤੇ ਟਵਿਟਰ ਦੀ ਡੀ. ਪੀ. ਵੀ ਅਪਡੇਟ ਕੀਤੀ।

PunjabKesari

ਅਜੇ ਦੇਵਗਨ ਨਾ ਸਿਰਫ ਦੇਸ਼ਭਗਤੀ ਵਾਲੀਆਂ ਫ਼ਿਲਮਾਂ ਕਰਦੇ ਹਨ, ਸਗੋਂ ਦੇਸ਼ ਲਈ ਉਨਾ ਹੀ ਪ੍ਰੇਮ ਵੀ ਰੱਖਦੇ ਹਨ। ਅਜੇ ਦੇਵਗਨ ਨੇ ਵੀ ਹਰ ਘਰ ਤਿਰੰਗਾ ਮੁਹਿੰਮ ’ਚ ਸਹਿਯੋਗ ਦਿੰਦਿਆਂ ਆਪਣੀ ਡੀ. ਪੀ. ’ਚ ਤਿਰੰਗੇ ਨੂੰ ਲਗਾਇਆ ਹੈ।

PunjabKesari

ਬਾਲੀਵੁੱਡ ਦੇ ਕਿੰਗ ਸ਼ਾਹਰੁਖ ਖ਼ਾਨ ਨੇ ਦੇਸ਼ ਲਈ ਪ੍ਰੇਮ ਜਤਾਉਣ ’ਚ ਕੋਈ ਕਸਰ ਨਹੀਂ ਛੱਡੀ। ਉਨ੍ਹਾਂ ਨੇ ਆਪਣੇ ਘਰ ’ਤੇ ਭਾਰਤੀ ਝੰਡਾ ਲਗਾਇਆ। ਸ਼ਾਹਰੁਖ ਦੇ ਪੂਰੇ ਪਰਿਵਾਰ ਨੇ ਦੇਸ਼ ਨੂੰ ਆਜ਼ਾਦੀ ਦੇ ਦਿਨ ਦੀ ਵਧਾਈ ਦਿੱਤੀ ਹੈ।

PunjabKesari

ਕਾਰਤਿਕ ਆਰੀਅਨ ਨੇ ਭਾਰਤੀ ਜਵਾਨਾਂ ਨਾਲ ਦਿਨ ਬਤੀਤ ਕੀਤਾ ਤੇ ਉਨ੍ਹਾਂ ਨਾਲ ਤਿਰੰਗਾ ਵੀ ਲਹਿਰਾਇਆ। ਕਾਰਤਿਕ ਨੇ ਸਾਰਿਆਂ ਨਾਲ ਤਸਵੀਰ ਨੂੰ ਇੰਸਟਾਗ੍ਰਾਮ ’ਤੇ ਸਾਂਝਾ ਕੀਤਾ ਹੈ। ਇਹੀ ਨਹੀਂ ਕਾਰਤਿਕ ਨੇ ਆਪਣੇ ਘਰ ’ਤੇ ਵੀ ਤਿਰੰਗਾ ਲਹਿਰਾਇਆ ਹੈ।

PunjabKesari

ਲਿਸਟ ’ਚ ਆਮਿਰ ਖ਼ਾਨ ਦਾ ਵੀ ਨਾਂ ਆਉਂਦਾ ਹੈ। ਆਮਿਰ ਨੇ ਆਪਣੇ ਘਰ ਦੀ ਬਾਲਕਨੀ ’ਚ ਤਿਰੰਗਾ ਲਗਾਇਆ ਹੈ। ਹਰ ਘਰ ਤਿਰੰਗਾ ਮੁਹਿੰਮ ’ਚ ਆਮਿਰ ਨੇ ਵੀ ਪੂਰਾ ਸਹਿਯੋਗ ਦਿੱਤਾ ਹੈ।

PunjabKesari

ਨੋਟ- ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।


Rahul Singh

Content Editor

Related News