ਤਾਪਸੀ ਪੰਨੂ ਨੇ ਵਿਆਹ ''ਤੇ ਡਿਜ਼ਾਈਨਰ ਲਹਿੰਗੇ ਛੱਡ ਪਾਇਆ ''ਲਾਲ ਸੂਟ'', ਸਾਹਮਣੇ ਆਈਆਂ ਖ਼ੂਬਸੂਰਤ ਤਸਵੀਰਾਂ

ਮੁੰਬਈ (ਬਿਊਰੋ) : ਬਾਲੀਵੁੱਡ ਅਦਾਕਾਰਾ ਤਾਪਸੀ ਪੰਨੂ ਨੇ ਆਪਣੇ ਵਿਦੇਸ਼ੀ ਪ੍ਰੇਮੀ ਮੈਥਿਆਸ ਬੋਏ ਨਾਲ ਗੁਪਤ ਵਿਆਹ ਕਰਵਾ ਲਿਆ ਹੈ। ਅਭਿਨੇਤਰੀ ਨੇ ਆਪਣੇ ਪਰਿਵਾਰ, ਨਜ਼ਦੀਕੀ ਰਿਸ਼ਤੇਦਾਰਾਂ ਅਤੇ ਨਜ਼ਦੀਕੀ ਦੋਸਤਾਂ ਵਿਚਾਲੇ ਵਿਆਹ ਕਰਵਾਇਆ। ਵਿਆਹ ਤੋਂ ਬਾਅਦ ਤਾਪਸੀ ਜਾਂ ਮੈਥਿਆਸ ਨੇ ਅਜੇ ਤੱਕ ਆਪਣੇ ਵਿਆਹ ਦੀਆਂ ਤਸਵੀਰਾਂ ਸ਼ੇਅਰ ਨਹੀਂ ਕੀਤੀਆਂ ਹਨ। ਹਾਲਾਂਕਿ ਹੁਣ ਅਭਿਨੇਤਰੀ ਦੇ ਵਿਆਹ ਦੀਆਂ ਵੀਡੀਓਜ਼ ਅਤੇ ਤਸਵੀਰਾਂ ਸਾਹਮਣੇ ਆ ਰਹੀਆਂ ਹਨ, ਜਿਸ 'ਚ ਅਦਾਕਾਰਾ ਦਾ ਬ੍ਰਾਈਡਲ ਲੁੱਕ ਵੀ ਸਾਹਮਣੇ ਆਇਆ ਹੈ।

ਤਾਪਸੀ ਪੰਨੂ ਅਤੇ ਮੈਥਿਆਸ ਬੋਏ ਦੇ ਵਿਆਹ ਦਾ ਇੱਕ ਵੀਡੀਓ ਸਾਹਮਣੇ ਆਇਆ ਹੈ। ਇਸ ਵੀਡੀਓ 'ਚ ਤਾਪਸੀ ਪੰਨੂ ਦਾ ਬ੍ਰਾਈਡਲ ਲੁੱਕ ਅਤੇ ਐਂਟਰੀ ਨਜ਼ਰ ਆ ਰਹੀ ਹੈ।

ਵੀਡੀਓ 'ਚ ਜੋੜੇ ਦੀ ਮਾਲਾ ਦੇ ਪਲ ਨੂੰ ਵੀ ਦੇਖਿਆ ਜਾ ਸਕਦਾ ਹੈ। ਤਾਪਸੀ ਪੰਨੂ ਨੇ ਆਪਣੇ ਡੀ-ਡੇ ਲਈ ਇੱਕ ਬਹੁਤ ਹੀ ਰਵਾਇਤੀ ਲੁੱਕ ਚੁਣਿਆ ਸੀ। ਇਸ ਦੇ ਨਾਲ ਹੀ ਮੈਥਿਆਸ ਬੋਏ ਵੀ ਪੰਜਾਬੀ ਲਾੜੇ ਦੇ ਤੌਰ 'ਤੇ ਬਹੁਤ ਵਧੀਆ ਲੱਗ ਰਹੇ ਸਨ।

ਤਾਪਸੀ ਪੰਨੂ ਦੇ ਬ੍ਰਾਈਡਲ ਲੁੱਕ ਦੀ ਗੱਲ ਕਰੀਏ ਤਾਂ ਉਸ ਨੇ ਲਾਲ ਰੰਗ ਦਾ ਸੂਟ ਪਾਇਆ ਹੋਇਆ ਸੀ, ਨਾਲ ਹੀ ਉਸ ਨੇ ਮਾਥਾ ਪੱਟੀ ਨਾਲ ਮੈਚਿੰਗ ਭਾਰੀ ਗਹਿਣੇ, ਲਾਲ ਚੂੜੀਆਂ ਵੀ ਪਹਿਨੀਆਂ ਸਨ।

ਅਦਾਕਾਰਾ ਨੇ ਆਪਣੇ ਵਿਆਹ 'ਚ ਪੰਜਾਬੀ ਲੁੱਕ ਨਾਲ ਬਹੁਤ ਹੀ ਸ਼ਾਨਦਾਰ ਐਂਟਰੀ ਕੀਤੀ। ਅਦਾਕਾਰਾ ਆਪਣੇ ਦੋਸਤਾਂ ਨਾਲ ਕਾਲੇ ਚਸ਼ਮੇ ਪਾ ਕੇ ਪੰਜਾਬੀ ਗੀਤ 'ਤੇ ਡਾਂਸ ਕਰਦੀ ਹੋਈ ਵਿਆਹ ਵਾਲੀ ਥਾਂ 'ਤੇ ਪਹੁੰਚੀ ਅਤੇ ਸਟੇਜ 'ਤੇ ਪਹੁੰਚਦੇ ਹੀ ਆਪਣੇ ਲਾੜੇ ਨੂੰ ਜੱਫੀ ਪਾ ਲਈ।