''ਭੂਲ ਭੁਲੱਈਆ 4'' ਦਾ ਐਲਾਨ ! ਫਿਰ ਰੂਹ ਬਾਬਾ ਬਣਨਗੇ ਕਾਰਤਿਕ ਆਰੀਅਨ

ਐਂਟਰਟੇਨਮੈਂਟ ਡੈਸਕ-ਬਾਲੀਵੁੱਡ ਅਦਾਕਾਰ ਕਾਰਤਿਕ ਆਰੀਅਨ ਇੱਕ ਵਾਰ ਫਿਰ 'ਭੂਲ ਭੁਲੱਈਆ' ਫ੍ਰੈਂਚਾਇਜ਼ੀ ਲਈ ਖ਼ਬਰਾਂ ਵਿੱਚ ਹਨ। ਹਾਲ ਹੀ ਵਿੱਚ ਕਾਰਤਿਕ ਨੇ ਕੁਝ ਅਜਿਹਾ ਪੋਸਟ ਕੀਤਾ ਹੈ ਜਿਸ ਨੇ ਲੋਕਾਂ ਵਿੱਚ ਹਲਚਲ ਮਚਾ ਦਿੱਤੀ ਹੈ। ਤਸਵੀਰ ਨੂੰ ਦੇਖ ਕੇ 'ਭੂਲ ਭੁਲੱਈਆ 4' ਬਾਰੇ ਕਿਆਸ ਲਗਾਏ ਜਾ ਰਹੇ ਹਨ।

ਕਾਰਤਿਕ ਆਰੀਅਨ ਨੇ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ਤੋਂ 'ਭੂਲ ਭੁਲੱਈਆ-2' ਦੇ ਮਸ਼ਹੂਰ ਰੂਹ ਬਾਬਾ ਅਵਤਾਰ ਦੀ ਇੱਕ ਤਸਵੀਰ ਪੋਸਟ ਕੀਤੀ ਹੈ। ਇਸ ਤਸਵੀਰ ਵਿੱਚ ਕਾਰਤਿਕ ਆਰੀਅਨ ਆਪਣੇ ਮਸ਼ਹੂਰ ਕਿਰਦਾਰ ਰੂਹ ਬਾਬਾ ਵਾਂਗ ਪੋਸ਼ਾਕ ਪਹਿਨੇ ਹੋਏ ਦਿਖ ਰਹੇ ਹਨ ਅਤੇ ਹੱਥਾਂ ਵਿੱਚ ਇੱਕ ਗੁੱਡੀ ਲੈ ਕੇ ਪੋਜ਼ ਦਿੰਦੇ ਦਿਖਾਈ ਦੇ ਰਹੇ ਹਨ। ਕਾਰਤਿਕ ਨੇ ਇਹ ਤਸਵੀਰ ਪੋਸਟ ਕੀਤੀ ਅਤੇ ਕੈਪਸ਼ਨ ਵਿੱਚ ਲਿਖਿਆ, 'ਆਈ ਲਾਬੂਬੂ ਯੂ।'

ਤੁਹਾਨੂੰ ਦੱਸ ਦੇਈਏ ਕਿ ਲਾਬੂਬੂ ਇੱਕ ਚੀਨੀ ਰਾਖਸ਼ ਗੁੱਡੀ ਹੈ ਜਿਸਨੂੰ ਕਾਰਤਿਕ ਨੇ ਆਪਣੇ ਹੱਥ ਵਿੱਚ ਫੜਿਆ ਹੋਇਆ ਹੈ। ਕਾਰਤਿਕ ਦੀ ਇਸ ਪੋਸਟ ਨੂੰ ਦੇਖ ਕੇ ਹੁਣ ਲੋਕ ਪੁੱਛਣ ਲੱਗ ਪਏ ਹਨ ਕਿ ਕੀ ਉਹ 'ਭੂਲ ਭੁਲੱਈਆ 4' ਬਾਰੇ ਕੋਈ ਸੰਕੇਤ ਦੇ ਰਿਹਾ ਹਨ?
ਕਾਰਤਿਕ ਨੇ ਇਸ ਸਮੇਂ ਕਰਨ ਜੌਹਰ ਦੀ ਫਿਲਮ 'ਤੂ ਮੇਰੀ ਮੈਂ ਤੇਰਾ ਮੈਂ ਤੇਰਾ ਤੂੰ ਮੇਰੀ' ਦੀ ਸ਼ੂਟਿੰਗ ਦਾ ਕ੍ਰੋਏਸ਼ੀਆ ਸ਼ਡਿਊਲ ਪੂਰਾ ਕਰ ਲਿਆ ਹੈ ਜਿਸ ਵਿੱਚ ਉਹ ਅਦਾਕਾਰਾ ਅਨੰਨਿਆ ਪਾਂਡੇ ਨਾਲ ਰੋਮਾਂਸ ਕਰਦੇ ਨਜ਼ਰ ਆਉਣਗੇ।