ਵਿਆਹ ਤੋਂ ਪਹਿਲਾਂ ਸੋਨਾਕਸ਼ੀ ਸਿਨਹਾ ਨੇ ਸੈਲੀਬ੍ਰੇਟ ਕੀਤੀ ਬੈਚਲਰ ਪਾਰਟੀ, ਦੇਖੋ ਤਸਵੀਰਾਂ

ਮੁੰਬਈ- ਸੋਨਾਕਸ਼ੀ ਸਿਨਹਾ ਆਖ਼ਰਕਾਰ ਆਪਣੇ ਬੁਆਏਫ੍ਰੈਂਡ ਜ਼ਹੀਰ ਇਕਬਾਲ ਨਾਲ ਆਪਣੇ ਰਿਸ਼ਤੇ ਨੂੰ ਅਗਲੇ ਪੱਧਰ 'ਤੇ ਲੈ ਜਾ ਰਹੀ ਹੈ। ਜਦੋਂ ਤੋਂ ਅਦਾਕਾਰਾ ਦੇ ਵਿਆਹ ਦੀਆਂ ਖ਼ਬਰਾਂ ਸਾਹਮਣੇ ਆਈਆਂ ਹਨ, ਦੋਵੇਂ ਸੁਰਖੀਆਂ 'ਚ ਹਨ। ਹੁਣ ਦੋਵੇਂ ਵਿਆਹ ਤੋਂ ਪਹਿਲਾਂ ਆਪਣੇ ਦੋਸਤਾਂ ਨਾਲ ਪਾਰਟੀ ਕਰਦੇ ਨਜ਼ਰ ਆਏ।

ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਪਿਛਲੇ 7 ਸਾਲਾਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਹਨ, ਪਰ ਉਨ੍ਹਾਂ ਨੇ ਕਦੇ ਵੀ ਆਪਣੇ ਰਿਸ਼ਤੇ ਬਾਰੇ ਖੁੱਲ੍ਹ ਕੇ ਗੱਲ ਨਹੀਂ ਕੀਤੀ। ਪਰ ਹਾਂ, ਉਨ੍ਹਾਂ ਦੇ ਇੰਸਟਾਗ੍ਰਾਮ ਫੀਡ 'ਤੇ ਰੋਮਾਂਟਿਕ ਫੋਟੋਆਂ ਅਤੇ ਪਿਆਰ ਨਾਲ ਭਰੇ ਕੈਪਸ਼ਨਾਂ ਨੂੰ ਦੇਖ ਕੇ ਹਰ ਕੋਈ ਮੰਨ ਗਿਆ ਕਿ ਉਹ ਡੇਟਿੰਗ ਕਰ ਰਹੇ ਹਨ। ਹੁਣ ਉਨ੍ਹਾਂ ਦਾ ਰਿਸ਼ਤਾ ਵੀ ਪੱਕਾ ਹੋ ਗਿਆ ਹੈ ਅਤੇ ਦੋਵੇਂ ਜਲਦੀ ਹੀ ਪਤੀ-ਪਤਨੀ ਬਣਨ ਵਾਲੇ ਹਨ।

ਅਦਾਕਾਰਾ ਨੇ ਕੀਤੀ ਬੈਚਲੋਰੇਟ ਪਾਰਟੀ
ਵਿਆਹ ਤੋਂ ਪਹਿਲਾਂ ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ ਨੇ ਆਪਣੇ ਦੋਸਤਾਂ ਨਾਲ ਇਸ ਪਲ ਦਾ ਪੂਰਾ ਆਨੰਦ ਲਿਆ। ਦੁਲਹਨ ਨੇ ਆਪਣੇ ਦੋਸਤਾਂ ਨਾਲ ਬੈਚਲੋਰੇਟ ਪਾਰਟੀ ਦਾ ਆਨੰਦ ਮਾਣਿਆ। ਇਸ ਪਾਰਟੀ 'ਚ ਜ਼ਹੀਰ ਦੀ ਭੈਣ ਸਨਮ ਰਤਨਸੀ ਅਤੇ ਹੁਮਾ ਕੁਰੈਸ਼ੀ ਵੀ ਮੌਜੂਦ ਸਨ। ਪਾਰਟੀ ਦੀ ਥੀਮ ਬਲੈਕ ਸੀ ਅਤੇ ਅਦਾਕਾਰਾ ਕਾਲੇ ਚਮਕਦਾਰ ਪਹਿਰਾਵੇ 'ਚ ਤਬਾਹੀ ਮਚਾ ਰਹੀ ਹੈ। ਸੋਨਾਕਸ਼ੀ ਸਿਨਹਾ ਨੇ ਇੰਸਟਾਗ੍ਰਾਮ ਸਟੋਰੀ 'ਤੇ ਪਾਰਟੀ ਦੀਆਂ ਕਈ ਤਸਵੀਰਾਂ ਸ਼ੇਅਰ ਕੀਤੀਆਂ ਹਨ। ਇੱਕ ਫੋਟੋ 'ਚ ਅਦਾਕਾਰਾ ਸੈਲਫੀ ਲੈਂਦੇ ਹੋਏ ਪੋਜ਼ ਦੇ ਰਹੀ ਹੈ। ਦੂਜੀ ਫੋਟੋ 'ਚ ਸੋਨਾਕਸ਼ੀ ਨੇ ਹੁਮਾ ਅਤੇ ਦੋ ਹੋਰ ਦੋਸਤਾਂ ਨਾਲ ਸੈਲਫੀ ਲਈ। ਇਕ ਫੋਟੋ 'ਚ ਉਸ ਨੂੰ ਆਪਣੇ ਸਾਰੇ ਦੋਸਤਾਂ ਨਾਲ ਫੋਟੋ ਕਲਿੱਕ ਕਰਵਾਉਂਦੇ ਦੇਖਿਆ ਜਾ ਸਕਦਾ ਹੈ।

ਦੁਲਹਨ ਸੋਨਾਕਸ਼ੀ ਸਿਨਹਾ ਦੇ ਬੈਚਲੋਰੇਟ ਲੁੱਕ ਦੀ ਗੱਲ ਕਰੀਏ ਤਾਂ ਉਹ ਕਾਲੇ ਰੰਗ ਦੀ ਸ਼ਾਰਟ ਸ਼ਿਮਰੀ ਡਰੈੱਸ 'ਚ ਸ਼ਾਨਦਾਰ ਲੱਗ ਰਹੀ ਸੀ। ਉਹ ਵਿੰਗ ਆਈਲਾਈਨਰ, ਖੁੱਲ੍ਹੇ ਵਾਲਾਂ ਅਤੇ ਨਿਊਡ ਮੇਕਅੱਪ 'ਚ ਕਿਲਰ ਵਾਈਬਸ ਦੇ ਰਹੀ ਸੀ।

ਜ਼ਹੀਰ ਇਕਬਾਲ ਨੇ ਵੀ ਰੱਖੀ ਪਾਰਟੀ 
ਸੋਨਾਕਸ਼ੀ ਸਿਨਹਾ ਨੇ ਜਿੱਥੇ ਆਪਣੇ ਦੋਸਤਾਂ ਨਾਲ ਪਾਰਟੀ ਕੀਤੀ, ਉੱਥੇ ਹੀ ਦੂਜੇ ਪਾਸੇ ਜ਼ਹੀਰ ਇਕਬਾਲ ਵੀ ਬੈਚਲਰ ਪਾਰਟੀ ਦਾ ਆਨੰਦ ਲੈਂਦੇ ਨਜ਼ਰ ਆਏ। ਜ਼ਹੀਰ ਨੇ ਇੰਸਟਾਗ੍ਰਾਮ ਸਟੋਰੀ 'ਤੇ ਤਸਵੀਰਾਂ ਵੀ ਸ਼ੇਅਰ ਕੀਤੀਆਂ ਹਨ, ਜਿਸ 'ਚ ਦੁਲਹੇ ਰਾਜਾ ਆਪਣੇ ਦੋਸਤਾਂ ਨਾਲ ਪਾਰਟੀ ਦਾ ਆਨੰਦ ਲੈ ਰਿਹਾ ਹੈ। ਇਕ ਤਸਵੀਰ 'ਚ ਉਹ ਬਲੈਕ ਟੀ-ਸ਼ਰਟ 'ਚ ਨਜ਼ਰ ਆ ਰਿਹਾ ਹੈ, ਜਦਕਿ ਦੂਜੀ ਤਸਵੀਰ 'ਚ ਉਸ ਨੇ ਚਿੱਟੇ ਰੰਗ ਦੀ ਟੀ-ਸ਼ਰਟ ਪਾਈ ਹੋਈ ਹੈ।

ਸੋਨਾਕਸ਼ੀ ਸਿਨਹਾ ਅਤੇ ਜ਼ਹੀਰ ਇਕਬਾਲ 23 ਜੂਨ ਨੂੰ ਵਿਆਹ ਕਰਨਗੇ। ਦਿਨ 'ਚ ਵਿਆਹ ਤੋਂ ਬਾਅਦ ਸ਼ਾਮ ਨੂੰ ਵਿਆਹ ਦਾ ਜਸ਼ਨ ਹੋਵੇਗਾ, ਜਿਸ ਦਾ ਆਯੋਜਨ ਮੁੰਬਈ ਸਥਿਤ ਰੈਸਟੋਰੈਂਟ ਬੈਸਟੀਅਨ 'ਚ ਕੀਤਾ ਗਿਆ ਹੈ। ਇਸ ਵਿਆਹ 'ਚ ਬੀ-ਟਾਊਨ ਨਾਲ ਜੁੜੇ ਕਈ ਸੈਲੇਬਸ ਸ਼ਾਮਲ ਹੋਣ ਜਾ ਰਹੇ ਹਨ।