22 ਸਾਲ ਦੀ ਹੋਈ ਅਸ਼ਨੂਰ ਕੌਰ, ਸੈਲੀਬ੍ਰੇਸ਼ਨ ਪਾਰਟੀ ਪੁੱਜੇ ਕਈ ਸਾਥੀ ਕਲਾਕਾਰ

ਮੁੰਬਈ- ਛੋਟੇ ਪਰਦੇ ਦੀ ਪ੍ਰਸਿੱਧ ਅਦਾਕਾਰਾ ਅਤੇ ਬਾਲ ਕਲਾਕਾਰ ਦੇ ਤੌਰ ’ਤੇ ਕਰੀਅਰ ਸ਼ੁਰੂ ਕਰਨ ਵਾਲੀ ਅਸ਼ਨੂਰ ਕੌਰ ਨੇ ਮੁੰਬਈ ’ਚ ਆਪਣਾ 22ਵਾਂ ਬਰਥ-ਡੇਅ ਸੈਲੀਬ੍ਰੇਟ ਕੀਤਾ। ਇਸ ਦੌਰਾਨ ਮੀਡੀਆ ਸਾਹਮਣੇ ਪਾਰਟੀ ’ਚ ਕੇਕ ਕੱਟਦੇ ਹੋਏ ਨਜ਼ਰ ਆਈ। ਉੱਥੇ ਹੀ, ਇਸ ਖਾਸ ਮੌਕੇ ’ਤੇ ਅਸ਼ਨੂਰ ਨੇ ਫੈਮਿਲੀ ਮੈਂਬਰਸ, ਦੋਸਤਾਂ ਅਤੇ ਕਰੀਬੀ ਸਿਤਾਰਿਆਂ ਲਈ ਸ਼ਾਨਦਾਰ ਪਾਰਟੀ ਦਾ ਆਯੋਜਨ ਕੀਤਾ, ਜਿਸ ’ਚ ਟੀ.ਵੀ., ਵੈੱਬ ਸੀਰੀਜ਼ ਅਤੇ ਸੋਸ਼ਲ ਮੀਡੀਆ ਜਗਤ ਦੀਆਂ ਕਈ ਚਰਚਿਤ ਹਸਤੀਆਂ ਸ਼ਾਮਲ ਹੋਈਆਂ। 

ਪਾਰਟੀ ’ਚ ਬਿੱਗ ਬੌਸ ਫੇਮ ਨਗਮਾ ਮਿਰਾਜਕਰ, ਅਦਾਕਾਰਾ ਅਤੇ ਟੈਲੀਵਿਜ਼ਨ ਹੋਸਟ ਸਾਰਾ ਅਰਫੀਨ ਖਾਨ, ਟੀ.ਵੀ. ਸ਼ੋਅ ‘ਯੇਹ ਉਨ ਦਿਨੋਂ ਕੀ ਬਾਤ ਹੈ’ ਅਤੇ ‘ਬਦਲੇਗੀ ਦੁਨੀਆ ਕੀ ਰੀਤ’ ਫੇਮ ਆਸ਼ੀ ਸਿੰਘ, ਰਿਐਲਿਟੀ ਸ਼ੋਅ ਸਟਾਰ ਬਸ਼ੀਰ ਅਲੀ, ਸ਼ੋਅ ‘ਪਿੰਜਰਾ ਖੂਬਸੂਰਤੀ ਕਾ’, ‘ਧਰੁਵ ਤਾਰਾ-ਸਮੇਂ ਸਦੀ ਸੇ ਪਰੇ’ ਅਤੇ ‘ਝਨਕ’ ਫੇਮ ਰੀਆ ਸ਼ਰਮਾ, ਅਦਾਕਾਰ ਅਜੇ ਦੇਵਗਨ ਅਤੇ ਮ੍ਰਿਣਾਲ ਠਾਕੁਰ ਨਾਲ ਫ਼ਿਲਮ ‘ਸਨ ਆਫ ਸਰਦਾਰ-2’ ’ਚ ਨਜ਼ਰ ਆ ਚੁੱਕੀ ਅਦਾਕਾਰਾ ਰੋਸ਼ਨੀ ਵਾਲੀਆ, ਟੀ.ਵੀ. ਸ਼ੋਅ ‘ਸ਼ਹਿਰ ਹੋਨੇ ਕੋ ਹੈ’ ਫੇਮ ਰਿਸ਼ਿਤਾ ਕੋਠਾਰੀ, ਛੋਟੇ ਪਰਦੇ ਦੀ ਸੀਨੀਅਰ ਅਦਾਕਾਰਾ ਕੁਨਿਕਾ ਸਦਾਨੰਦ ਅਤੇ ਅਸ਼ਨੂਰ ਨਾਲ ਟੀ.ਵੀ. ਸ਼ੋਅਜ਼ ’ਚ ਨਜ਼ਰ ਆ ਚੁੱਕੀ ਅਦਾਕਾਰਾ ਸੁਰਭੀ ਚੰਦਨਾ ਪਤੀ ਕਰਨ ਸ਼ਰਮਾ ਨਾਲ ਪੁੱਜੀ।