ਅਮਿਤਾਭ ਨੇ ਇਸ ਖ਼ਾਸ ਅੰਦਾਜ਼ ’ਚ ਦਿੱਤੀ ਬੇਟੇ ਅਭਿਸ਼ੇਕ ਨੂੰ ਜਨਮਦਿਨ ਦੀ ਵਧਾਈ

ਮੁੰਬਈ: ਅਦਾਕਾਰ ਅਭਿਸ਼ੇਕ ਬੱਚਨ ਅੱਜ ਆਪਣਾ 45ਵਾਂ ਜਨਮਦਿਨ ਮਨ੍ਹਾ ਰਹੇ ਹਨ। ਅਭਿਸ਼ੇਕ ਦਾ ਜਨਮ 5 ਫਰਵਰੀ 1976 ਨੂੰ ਮੁੰਬਈ ’ਚ ਹੋਇਆ। ਅਦਾਕਾਰ ਨੂੰ ਸੋਸ਼ਲ ਮੀਡੀਆ ’ਤੇ ਢੇਰ ਸਾਰੀਆਂ ਵਧਾਈਆਂ ਮਿਲ ਰਹੀਆਂ ਹਨ। ਅਦਾਕਾਰ ਅਮਿਤਾਭ ਬੱਚਨ ਨੇ ਤਸਵੀਰਾਂ ਦਾ ਕਲਾਜ ਸ਼ੇਅਰ ਕਰਕੇ ਬੇਟੇ ਨੂੰ ਬਰਥਡੇ ਵਿਸ਼ ਕੀਤਾ ਹੈ। ਇਸ ਦੇ ਨਾਲ ਅਮਿਤਾਭ ਨੇ ਭਾਵੁਕ ਮੈਸੇਜ ਵੀ ਲਿਖਿਆ ਹੈ। 

ਅਮਿਤਾਭ ਨੇ ਦੋ ਤਸਵੀਰਾਂ ਦਾ ਕਲਾਜ ਸਾਂਝਾ ਕੀਤਾ ਹੈ। ਪਹਿਲੀ ਤਸਵੀਰ ’ਚ ਅਮਿਤਾਭ ਅਭਿਸ਼ੇਕ ਦਾ ਹੱਥ ਫੜ ਕੇ ਲੈ ਕੇ ਜਾ ਰਹੇ ਹਨ ਅਤੇ ਦੂਜੀ ਤਸਵੀਰ ’ਚ ਅਭਿਸ਼ੇਕ ਅਮਿਤਾਭ ਦਾ ਹੱਥ ਫੜ ਕੇ ਲੈ ਕੇ ਜਾ ਰਹੇ ਹਨ। ਇਹ ਤਸਵੀਰ ਕਿਸੇ ਐਵਾਰਡ ਸ਼ੋਅ ਦੀ ਹੈ। ਇਨ੍ਹ੍ਹਾਂ ਤਸਵੀਰਾਂ ਨੂੰ ਸ਼ੇਅਰ ਕਰਦੇ ਹੋਏ ਅਮਿਤਾਭ ਨੇ ਲਿਖਿਆ ਕਿ ਹੈਪੀ ਬਰਥਡੇ ਅਭਿਸ਼ੇਕ ਬੱਚਨ। ਕਦੇ ਮੈਂ ਉਸ ਦਾ ਹੱਥ ਫੜ ਕੇ ਰਸਤਾ ਦਿਖਾਉਂਦਾ ਸੀ ਹੁਣ ਉਹ ਮੇਰਾ ਹੱਥ ਫੜ ਕੇ ਮੈਨੂੰ ਅੱਗੇ ਲਿਜਾਂਦਾ ਹੈ। ਪ੍ਰਸ਼ੰਸਕ ਇਨ੍ਹਾਂ ਤਸਵੀਰਾਂ ਨੂੰ ਖ਼ੂਬ ਪਿਆਰ ਦੇ ਰਹੇ ਹਨ ਅਤੇ ਅਭਿਸ਼ੇਕ ਨੂੰ ਬਰਥਡੇ ਦੀਆਂ ਵਧਾਈਆਂ ਦੇ ਰਹੇ ਹਨ।

ਦੱਸ ਦੇਈਏ ਕਿ ਅਮਿਤਾਭ ਅਭਿਸ਼ੇਕ ਦੇ ਨਾਲ ਹਮੇਸ਼ਾ ਸੋਸ਼ਲ ਮੀਡੀਆ ’ਤੇ ਤਸਵੀਰਾਂ ਸ਼ੇਅਰ ਕਰਦੇ ਰਹਿੰਦੇ ਹਨ। ਤਸਵੀਰਾਂ ’ਚ ਦੋਵਾਂ ਦੀ ਬਾਂਡਿੰਗ ਦੇਖਣ ਲਾਈਕ ਹੁੰਦੀ ਹੈ। ਕੰਮ ਦੀ ਗੱਲ ਕਰੀਏ ਤਾਂ ਅਮਿਤਾਭ ਬਹੁਤ ਜਲਦ ਫ਼ਿਲਮ ‘ਬ੍ਰਹਮਸ਼ਾਸਤਰ’ ’ਚ ਨਜ਼ਰ ਆਉਣ ਵਾਲੇ ਹਨ। ਇਸ ਤੋਂ ਇਲਾਵਾ ਅਮਿਤਾਭ ਫ਼ਿਲਮ ‘ਚਿਹਰੇ’ ਅਤੇ ‘ਝੁੰਡ’ ’ਚ ਨਜ਼ਰ ਆਉਣ ਵਾਲੇ ਹਨ।