ਰਾਖੀ ਸਾਵੰਤ ਨਾਲ ਆਪਣੇ ਵਿਆਹ ’ਤੇ ਬੁਆਏਫਰੈਂਡ ਆਦਿਲ ਨੇ ਤੋੜੀ ਚੁੱਪੀ, ਲਿਖਿਆ– ‘ਮੈਂ ਕਦੇ ਨਹੀਂ ਕਿਹਾ...’

ਮੁੰਬਈ (ਬਿਊਰੋ)– ਅਦਾਕਾਰਾ ਰਾਖੀ ਸਾਵੰਤ ਨੇ ਆਪਣੇ ਬੁਆਏਫਰੈਂਡ ਆਦਿਲ ਦੁਰਾਨੀ ਨਾਲ ਵਿਆਹ ਕਰਵਾ ਲਿਆ ਹੈ। ਪਿਛਲੇ ਦਿਨੀਂ ਉਸ ਨੇ ਆਦਿਲ ਨਾਲ ਕੋਰਟ ਮੈਰਿਜ ਦੀਆਂ ਤਸਵੀਰਾਂ ਸੋਸ਼ਲ ਮੀਡੀਆ ’ਤੇ ਸਾਂਝੀਆਂ ਕੀਤੀਆਂ ਸਨ। ਹਾਲਾਂਕਿ ਇਸ ਤੋਂ ਬਾਅਦ ਅਜਿਹੀਆਂ ਖ਼ਬਰਾਂ ਆਈਆਂ ਸਨ ਕਿ ਆਦਿਲ ਰਾਖੀ ਸਾਵੰਤ ਨਾਲ ਵਿਆਹ ਨੂੰ ਕਬੂਲ ਨਹੀਂ ਕਰ ਰਹੇ ਹਨ।

ਰਾਖੀ ਸਾਵੰਤ ਨੇ ਖ਼ੁਦ ਪੈਪਰਾਜ਼ੀ ਦੇ ਸਾਹਮਣੇ ਕਬੂਲ ਕੀਤਾ ਸੀ ਕਿ ਆਦਿਲ ਉਸ ਦੇ ਵਿਆਹ ਨੂੰ ਕਬੂਲ ਨਹੀਂ ਕਰ ਰਿਹਾ ਹੈ ਪਰ ਹੁਣ ਅਦਾਕਾਰਾ ਦੇ ਬੁਆਏਫਰੈਂਡ ਨੇ ਉਸ ਦਾ ਵਿਆਹ ਕਬੂਲ ਕਰ ਲਿਆ ਹੈ। ਆਦਿਲ ਨੇ ਖ਼ੁਦ ਰਾਖੀ ਸਾਵੰਤ ਨਾਲ ਆਪਣੇ ਵਿਆਹ ਦੀ ਤਸਵੀਰ ਸੋਸ਼ਲ ਮੀਡੀਆ ’ਤੇ ਸਾਂਝੀ ਕਰਕੇ ਇਸ ਦੀ ਜਾਣਕਾਰੀ ਦਿੱਤੀ ਹੈ।

ਇਹ ਖ਼ਬਰ ਵੀ ਪੜ੍ਹੋ : ਦਿੱਲੀ ਹਾਈਕੋਰਟ ਨੇ ਸ਼ਾਹਰੁਖ ਖ਼ਾਨ ਦੀ ‘ਪਠਾਨ’ ਫ਼ਿਲਮ ਦੀ ਓ. ਟੀ. ਟੀ. ਰਿਲੀਜ਼ ਨੂੰ ਲੈ ਕੇ ਦਿੱਤੇ ਨਵੇਂ ਹੁਕਮ

ਆਦਿਲ ਨੇ ਰਾਖੀ ਸਾਵੰਤ ਨਾਲ ਵਿਆਹ ਦੀ ਤਸਵੀਰ ਆਪਣੇ ਇੰਸਟਾਗ੍ਰਾਮ ਅਕਾਊਂਟ ’ਤੇ ਸਾਂਝੀ ਕੀਤੀ ਹੈ। ਤਸਵੀਰ ’ਚ ਰਾਖੀ ਸਾੜ੍ਹੀ ’ਚ ਨਜ਼ਰ ਆ ਰਹੀ ਹੈ, ਜਦਕਿ ਆਦਿਲ ਨੇ ਕਾਲੀ ਕਮੀਜ਼ ਤੇ ਜੀਨਸ ਪਹਿਨੀ ਹੈ। ਦੋਵਾਂ ਦੇ ਗਲਾਂ ’ਚ ਹਾਰ ਹਨ। ਇਸ ਤਸਵੀਰ ਨੂੰ ਸਾਂਝਾ ਕਰਦਿਆਂ ਵਿਆਹ ਦੇ ਐਲਾਨ ਦੇ ਨਾਲ ਹੀ ਆਦਿਲ ਨੇ ਇਹ ਵੀ ਦੱਸਿਆ ਹੈ ਕਿ ਉਹ ਇੰਨੇ ਦਿਨਾਂ ਤੱਕ ਰਾਖੀ ਸਾਵੰਤ ਨਾਲ ਆਪਣੇ ਵਿਆਹ ਬਾਰੇ ਚੁੱਪ ਕਿਉਂ ਸੀ।

ਆਦਿਲ ਨੇ ਤਸਵੀਰ ਦੀ ਕੈਪਸ਼ਨ ’ਚ ਲਿਖਿਆ, ‘‘ਸੋ ਆਖਿਰਕਾਰ ਇਕ ਅਨਾਊਂਸਮੈਂਟ ਹੈ, ਰਾਖੀ ਮੈਂ ਕਦੇ ਨਹੀਂ ਕਿਹਾ ਕਿ ਮੈਂ ਤੁਹਾਡੇ ਨਾਲ ਵਿਆਹ ਨਹੀਂ ਕੀਤਾ ਹੈ। ਬਸ ਕੁਝ ਸੰਭਾਲਣਾ ਸੀ, ਇਸ ਲਈ ਚੁੱਪ ਰਹਿਣਾ ਪਿਆ, ਸਾਡੇ ਲਈ ਹੈਪੀ ਵਿਆਹੁਤਾ ਜੀਵਨ ਰਾਖੀ।’’

ਆਦਿਲ ਦੀ ਇਹ ਪੋਸਟ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਰਹੀ ਹੈ। ਰਾਖੀ ਸਾਵੰਤ ਦੇ ਪ੍ਰਸ਼ੰਸਕਾਂ ਸਮੇਤ ਸਾਰੇ ਸੋਸ਼ਲ ਮੀਡੀਆ ਯੂਜ਼ਰਸ ਪੋਸਟ ’ਤੇ ਕੁਮੈਂਟ ਕਰਕੇ ਉਸ ਨੂੰ ਵਿਆਹ ਦੀ ਵਧਾਈ ਦੇ ਰਹੇ ਹਨ। ਦੱਸ ਦੇਈਏ ਕਿ ਰਾਖੀ ਸਾਵੰਤ ਤੇ ਆਦਿਲ ਲੰਮੇ ਸਮੇਂ ਤੋਂ ਇਕ-ਦੂਜੇ ਨੂੰ ਡੇਟ ਕਰ ਰਹੇ ਸਨ।

ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।