ਅਦਾਕਾਰਾ ਦੀਪਿਕਾ ਪਾਦੂਕੌਣ ਨੇ ਹਾਸਲ ਕੀਤੀ ਇਕ ਹੋਰ ਵੱਡੀ ਗਲੋਬਲ ਅਚੀਵਮੈਂਟ, ਛਾਈ ਸੁਰਖੀਆਂ ''ਚ
Friday, May 12, 2023 - 11:31 AM (IST)
ਮੁੰਬਈ (ਬਿਊਰੋ) - ਬਾਲੀਵੁੱਡ ਦੀ ਖ਼ੂਬਸੂਰਕ ਬਾਲਾ ਦੀਪਿਕਾ ਪਾਦੁਕੋਣ ਨੇ ਗਲੋਬਲ ਪੱਧਰ ’ਤੇ ਕਈ ਅਚੀਵਮੈਂਟਸ ਹਾਸਲ ਕੀਤੀਆਂ ਹਨ, ਜਿਨ੍ਹਾਂ ਦਾ ਜ਼ਿਆਦਾਤਰ ਲੋਕ ਸਿਰਫ ਸੁਫ਼ਨਾ ਹੀ ਦੇਖਦੇ ਹਨ। ਆਪਣੀਆਂ ਅੰਤਰਰਾਸ਼ਟਰੀ ਪ੍ਰਾਪਤੀਆਂ ਦੀ ਸੂਚੀ ’ਚ ਇਕ ਹੋਰ ਪ੍ਰਾਪਤੀ ਜੋੜਦੇ ਹੋਏ, ਦੀਪਿਕਾ ਪਾਦੂਕੌਣ ਹੁਣ 'ਟਾਈਮ ਮੈਗਜ਼ੀਨ' ਦੇ ਕਵਰ ’ਤੇ ਦਿਖਾਈ ਦੇ ਰਹੀ ਹੈ।
ਇਸ ਨਾਲ ਦੀਪਿਕਾ ਪਾਦੂਕੌਣ ਟਾਈਮ ਦੇ ਕਵਰ ’ਤੇ ਦਿਖਾਈ ਦੇਣ ਵਾਲੇ ਰੇਅਰ ਭਾਰਤੀ ਅਦਾਕਾਰਾਂ ਦੀ ਸੂਚੀ ’ਚ ਸ਼ਾਮਲ ਹੋ ਗਈ ਹੈ।
ਦੱਸ ਦਈਏ ਕਿ ਬਰਾਕ ਓਬਾਮਾ, ਓਪਰਾ ਵਿਨਫਰੇ ਸਣੇ ਕਈ ਹੋਰ ਪ੍ਰਭਾਵਸ਼ਾਲੀ ਸ਼ਖਸੀਅਤਾਂ ਦੇ ਨਾਲ ਗਲੋਬਲ ਮਸ਼ਹੂਰ ਹਸਤੀਆਂ ਦੇ ਕੁਲੀਨ ਕਲੱਬ ’ਚ ਵੀ ਸ਼ਾਮਲ ਹੋ ਗਈ ਹੈ, ਜਿਨ੍ਹਾਂ ਨੂੰ ਇਸ ਵੱਕਾਰੀ ਤੇ ਉੱਚ ਸਨਮਾਨਿਤ ਮੈਗਜ਼ੀਨ ’ਚ ਪ੍ਰਦਰਸ਼ਿਤ ਹੋਣ ਦਾ ਮੌਕਾ ਮਿਲਿਆ ਹੈ।
ਪਿਛਲੇ ਸਾਲ ਹੀ ਦੀਪਿਕਾ ਪਾਦੂਕੌਣ ਨੂੰ ਸਿਨੇਮਾ ’ਚ ਉਸ ਦੀਆਂ ਪ੍ਰਾਪਤੀਆਂ ਤੇ ਮੈਂਟਲ ਹੈਲਥ ਦੀ ਵਕਾਲਤ ’ਚ ਉਨ੍ਹਾਂ ਦੇ ਕੰਮ ਕਲਈ ‘ਦਿ ਟਾਈਮ 100 ਇਮਪੈਕਟ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ ਸੀ।
ਉਹ ਇਕੋ-ਇਕ ਭਾਰਤੀ ਵੀ ਸੀ ਜਿਸ ਨੂੰ ਟਾਈਮ ਦੁਆਰਾ ਦੋ ਵਾਰ ਸਨਮਾਨਿਤ ਕੀਤਾ ਗਿਆ ਸੀ।
ਯਕੀਨਨ ਦੇਸ਼ ਦੀ ਸਭ ਤੋਂ ਵੱਡੀ ਗਲੋਬਲ ਬ੍ਰਾਂਡ ਅੰਬੈਸਡਰ, ਦੀਪਿਕਾ ਨੇ ਗਲੋਬਲ ਲਗਜ਼ਰੀ ਬ੍ਰਾਂਡਾਂ ‘ਲੂਈ ਵੁਈਟਨ’ ਤੇ ‘ਕਾਰਟੀਅਰ’ ਨਾਲ ਸਭ ਤੋਂ ਵੱਡੀ ਐਡ ਡੀਲ ਕੀਤੀ ਹੈ।
ਨੋਟ– ਇਸ ਖ਼ਬਰ ’ਤੇ ਆਪਣੀ ਪ੍ਰਤੀਕਿਰਿਆ ਕੁਮੈਂਟ ਕਰਕੇ ਸਾਂਝੀ ਕਰੋ।
