ਅਦਾਕਾਰ ਪ੍ਰਤੀਕ ਕੋਰੋਨਾ ਪਾਜ਼ੇਟਿਵ, ਪਤਨੀ ਨਾਲ ਘਰ ''ਚ ਹੋਏ ਆਈਸੋਲੇਟ

ਮੁੰਬਈ (ਬਿਊਰੋ) : ਫ਼ਿਲਮ ਉਦਯੋਗ 'ਚ ਵੀ ਕੋਰੋਨਾ ਮਰੀਜ਼ਾਂ ਦੀ ਗਿਣਤੀ ਆਏ ਦਿਨ ਵਧਦੀ ਹੀ ਜਾ ਰਹੀ ਹੈ। ਅਦਾਕਾਰ ਪ੍ਰਤੀਕ ਗਾਂਧੀ, ਉਨ੍ਹਾਂ ਦੀ ਪਤਨੀ ਭਾਮਿਨੀ ਓਝਾ ਤੇ ਭਰਾ ਪੁਨੀਤ ਕੋਰੋਨਾ ਪਾਜ਼ੇਟਿਵ ਪਾਏ ਗਏ ਹਨ। ਪ੍ਰਤੀਕ ਨੇ ਇੱਕ ਟਵੀਟ ਕਰਕੇ ਦੱਸਿਆ ਕਿ ਉਹ ਅਤੇ ਉਨ੍ਹਾਂ ਦੀ ਪਤਨੀ ਘਰ 'ਚ ਕੁਆਰੰਟਾਈਨ ਹਨ, ਜਦਕਿ ਭਰਾ ਨੂੰ ਹਸਪਤਾਲ 'ਚ ਦਾਖ਼ਲ ਕਰਵਾਇਆ ਗਿਆ ਹੈ।

We as a family took "Be positive" way to seriously and didn't discriminate against even corona . Me & my wife are being treated at home and my brother is hospitalised, we are all putting up a strong fight against the virus. With Warmth , support and prayers of friends and family.

— Pratik Gandhi (@pratikg80) July 19, 2020

ਇਕ ਦੋਸਤ ਦੇ ਟਵੀਟ ਦੇ ਜਵਾਬ 'ਚ ਪ੍ਰਤੀਕ ਨੇ ਭਾਜਪਾ ਨੇਤਾ ਕਿਰੀਟ ਸੌਮਿਆ ਅਤੇ ਮਾਧਵੀ ਭੂਟਾ ਨੂੰ ਸਮੇਂ 'ਤੇ ਮਦਦ ਪਹੁੰਚਾਉਣ ਲਈ ਧੰਨਵਾਦ ਦਿੱਤਾ। ਸੌਮਿਆ ਨੇ ਕਿਹਾ ਕਿ ਉਹ ਡਾਕਟਰਾਂ ਦੇ ਸੰਪਰਕ 'ਚ ਹੈ। ਡਾਕਟਰਾਂ ਨੇ ਉਨ੍ਹਾਂ ਨੂੰ ਪੁਨੀਤ ਦੇ ਛੇਤੀ ਸਿਹਤਯਾਬ ਹੋਣ ਦਾ ਭਰੋਸਾ ਦਿੱਤਾ ਹੈ। 'ਬੇ ਯਾਰ', 'ਰਾਂਗ ਸਾਈਡ ਰਾਜੂ' ਅਤੇ 'ਲਵ ਨੀ ਭਵਾਈ' ਵਰਗੀਆਂ ਹਿੱਟ ਗੁਜਰਾਤੀ ਫਿਲਮਾਂ ਵਿਚ ਕੰਮ ਕਰ ਚੁੱਕੇ ਅਦਾਕਾਰ ਪ੍ਰਤੀਕ ਨੇ ਹਿੰਦੀ ਫਿਲਮ 'ਮਿੱਤਰੋ' ਅਤੇ ਸਲਮਾਨ ਖ਼ਾਨ ਵੱਲੋਂ ਬਣਾਈ 'ਲਵਯਾਤਰੀ' 'ਚ ਵੀ ਕੰਮ ਕੀਤਾ ਹੈ।

I can't thank you enough @MadhaviBhuta and @KiritSomaiya for your timely support and warmth during this testing time toy family. 🙏 https://t.co/qZokoDzsHB

— Pratik Gandhi (@pratikg80) July 19, 2020