ਦਿੱਗਜ ਅਦਾਕਾਰ ਓਮ ਪੁਰੀ ਦਾ ਨੌਕਰਾਣੀ ਨਾਲ ਸੀ ਰਿਸ਼ਤਾ, ਪਤਨੀ ਸੀਮਾ ਨੇ ਤੋੜੀ ਚੁੱਪੀ

ਐਂਟਰਟੇਨਮੈਂਟ ਡੈਸਕ- ਬਾਲੀਵੁੱਡ ਦੇ ਦਿੱਗਜ ਅਦਾਕਾਰ ਓਮ ਪੁਰੀ ਦੀ ਪਹਿਲੀ ਪਤਨੀ ਸੀਮਾ ਕਪੂਰ ਨੇ ਹਾਲ ਹੀ ਵਿੱਚ ਇੱਕ ਇੰਟਰਵਿਊ ਵਿੱਚ ਉਨ੍ਹਾਂ ਦੀ ਨਿੱਜੀ ਜ਼ਿੰਦਗੀ ਬਾਰੇ ਕਈ ਹੈਰਾਨ ਕਰਨ ਵਾਲੇ ਖੁਲਾਸੇ ਕੀਤੇ ਹਨ। ਉਨ੍ਹਾਂ ਦੱਸਿਆ ਕਿ ਕਿਵੇਂ ਓਮ ਪੁਰੀ ਨੇ ਵਿਆਹ ਤੋਂ ਇੱਕ ਦਿਨ ਪਹਿਲਾਂ ਉਨ੍ਹਾਂ ਨੂੰ ਆਪਣੇ ਅਫੇਅਰ ਬਾਰੇ ਦੱਸਿਆ ਸੀ।

ਇਹ ਵੀ ਪੜ੍ਹੋ: ਸਸਤੇ ਹੋ ਜਾਣਗੇ ਸਮਾਰਟਫੋਨ, ਫਰਿੱਜ ਅਤੇ TV, ਜਾਣੋਂ ਕਿਵੇਂ ਅਮਰੀਕਾ-ਚੀਨ ਟੈਰਿਫ ਵਾਰ ਦਾ ਭਾਰਤ ਨੂੰ ਹੋਵੇਗਾ ਫਾਇਦਾ

ਮੰਗਣੀ ਤੋਂ ਬਾਅਦ ਜਲਦਬਾਜ਼ੀ ਵਿੱਚ ਹੋਇਆ ਵਿਆਹ

ਸੀਮਾ ਕਪੂਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਅਤੇ ਓਮ ਪੁਰੀ ਦੀ ਮੰਗਣੀ ਸਾਲ 1989 ਵਿੱਚ ਹੋਈ ਸੀ। ਦੋਵੇਂ ਇੱਕ-ਦੂਜੇ ਨੂੰ ਪਹਿਲਾਂ ਤੋਂ ਜਾਣਦੇ ਸਨ, ਪਰ ਅਚਾਨਕ ਦੋਵਾਂ ਪਰਿਵਾਰਾਂ ਨੇ ਜਲਦਬਾਜ਼ੀ ਵਿੱਚ ਉਨ੍ਹਾਂ ਦਾ ਵਿਆਹ ਕਰਨ ਦਾ ਫੈਸਲਾ ਕੀਤਾ। ਉਸ ਸਮੇਂ ਫ਼ੋਨ ਜਾਂ ਮੋਬਾਈਲ ਵਰਗੀਆਂ ਸਹੂਲਤਾਂ ਨਹੀਂ ਸਨ, ਇਸ ਲਈ ਬਹੁਤੇ ਰਿਸ਼ਤੇਦਾਰਾਂ ਨੂੰ ਸਮੇਂ ਸਿਰ ਖ਼ਬਰ ਨਹੀਂ ਮਿਲ ਸਕੀ। ਸੀਮਾ ਨੇ ਕਿਹਾ ਕਿ ਉਨ੍ਹਾਂ ਦਾ ਭਰਾ ਅੰਨੂ ਕਪੂਰ ਵੀ ਸ਼ੂਟਿੰਗ ਵਿੱਚ ਰੁੱਝਿਆ ਹੋਇਆ ਸੀ ਅਤੇ ਉਨ੍ਹਾਂ ਨੂੰ ਆਪਣੀ ਭੈਣ ਦੀ ਮੰਗਣੀ ਬਾਰੇ ਕਿਸੇ ਹੋਰ ਤੋਂ ਪਤਾ ਲੱਗਾ, ਜਿਸ ਕਾਰਨ ਉਹ ਬਹੁਤ ਦੁਖੀ ਹੋਇਆ ਸੀ।

ਇਹ ਵੀ ਪੜ੍ਹੋ: ਮੁੜ ਮੁਸੀਬਤ 'ਚ ਫਸਿਆ ਇਹ ਮਸ਼ਹੂਰ ਫਿਲਮ ਡਾਇਰੈਕਟਰ, FIR ਦਰਜ

ਅਫੇਅਰ ਦਾ ਕਬੂਲਨਾਮਾ

ਵਿਆਹ ਤੋਂ ਸਿਰਫ਼ ਇੱਕ ਦਿਨ ਪਹਿਲਾਂ, ਓਮ ਪੁਰੀ ਨੇ ਸੀਮਾ ਨੂੰ ਨਦੀ ਦੇ ਕੰਢੇ ਲਿਜਾ ਕੇ ਉਸਨੂੰ ਇੱਕ ਡੂੰਘਾ ਰਾਜ਼ ਦੱਸਿਆ। ਉਨ੍ਹਾਂ ਖੁਦ ਮੰਨਿਆ ਕਿ ਉਨ੍ਹਾਂ ਦਾ ਇੱਕ ਘਰੇਲੂ ਨੌਕਰਾਣੀ ਨਾਲ ਅਫੇਅਰ ਹੈ। ਸੀਮਾ ਇਹ ਸੁਣ ਕੇ ਪੂਰੀ ਤਰ੍ਹਾਂ ਹੈਰਾਨ ਰਹਿ ਗਈ। ਉਨ੍ਹਾਂ ਦੱਸਿਆ ਕਿ ਵਿਆਹ ਦੇ ਕਾਰਡ ਛਪ ਚੁੱਕੇ ਹਨ, ਮਹਿਮਾਨਾਂ ਨੂੰ ਸੱਦਾ ਪੱਤਰ ਭੇਜੇ ਜਾ ਚੁੱਕੇ ਹਨ ਅਤੇ ਸਵਾਗਤ ਦੀਆਂ ਤਿਆਰੀਆਂ ਵੀ ਹੋ ਚੁੱਕੀਆਂ ਹਨ। ਅਜਿਹੀ ਸਥਿਤੀ ਵਿੱਚ, ਵਿਆਹ ਨੂੰ ਰੋਕਣ ਦੀ ਹਿੰਮਤ ਉਨ੍ਹਾਂ ਵਿਚ ਨਹੀਂ ਸੀ।

'ਅੱਜ ਦੀਆਂ ਕੁੜੀਆਂ ਹਿੰਮਤ ਵਾਲੀਆਂ ਹਨ, ਮੈਂ ਉਸ ਸਮੇਂ ਅਜਿਹੀ ਨਹੀਂ ਸੀ'

ਸੀਮਾ ਨੇ ਕਿਹਾ, 'ਅੱਜ ਦੀਆਂ ਕੁੜੀਆਂ ਬਹੁਤ ਦਲੇਰ ਹਨ। ਕਈ ਵਾਰ ਕੁੜੀਆਂ ਵਿਆਹ ਦੀਆਂ ਰਸਮਾਂ ਦੇ ਵਿਚਕਾਰ ਆਪਣਾ ਫੈਸਲਾ ਬਦਲ ਲੈਂਦੀਆਂ ਹਨ। ਪਰ ਉਸ ਸਮੇਂ ਮੈਂ ਸਮਾਜਿਕ ਦਬਾਅ ਹੇਠ ਸੀ। ਮੇਰੇ ਮਾਤਾ-ਪਿਤਾ ਦਾ ਝਾਲਾਵਾੜ ਦੇ ਇੱਕ ਛੋਟੇ ਜਿਹੇ ਕਸਬੇ ਵਿੱਚ ਬਹੁਤ ਸਤਿਕਾਰ ਕੀਤਾ ਜਾਂਦਾ ਸੀ। ਮੈਂ ਚਾਹੁੰਦੀ ਹੋਈ ਵੀ ਵਿਆਹ ਨੂੰ ਨਹੀਂ ਰੋਕ ਸਕੀ।'

ਇਹ ਵੀ ਪੜ੍ਹੋ: Gold ਨੇ ਤੋੜੇ ਸਾਰੇ ਰਿਕਾਰਡ, ਜਾਣੋ 10 ਗ੍ਰਾਮ ਸੋਨੇ ਦਾ ਨਵਾਂ ਭਾਅ

ਨੰਦਿਤਾ ਨਾਲ ਰਿਸ਼ਤਾ ਅਤੇ ਵੱਖ ਹੋਣ ਦਾ ਕਾਰਨ

ਇੰਟਰਵਿਊ ਵਿੱਚ ਸੀਮਾ ਕਪੂਰ ਨੇ ਇਹ ਵੀ ਦੱਸਿਆ ਕਿ ਇੱਕ ਹਾਲੀਵੁੱਡ ਫਿਲਮ ਦੌਰਾਨ ਓਮ ਪੁਰੀ ਨਾ ਇੱਕ ਪੱਤਰਕਾਰ ਨੰਦਿਤਾ ਨਾਲ ਰਿਸ਼ਤਾ ਸ਼ੁਰੂ ਹੋ ਗਿਆ ਸੀ। ਇਹ ਮਾਮਲਾ ਵਿਆਹ ਤੋਂ ਕੁਝ ਮਹੀਨਿਆਂ ਬਾਅਦ ਹੀ ਸਾਹਮਣੇ ਆਇਆ ਅਤੇ ਇਸ ਤੋਂ ਬਾਅਦ ਸੀਮਾ ਨੇ ਉਨ੍ਹਾਂ ਤੋਂ ਦੂਰੀ ਬਣਾ ਲਈ। ਹਾਲਾਂਕਿ ਉਨ੍ਹਾਂ ਦਾ ਵਿਆਹ ਪਹਿਲਾਂ ਹੀ ਬਹੁਤ ਵਧੀਆ ਨਹੀਂ ਚੱਲ ਰਿਹਾ ਸੀ।

ਇਹ ਵੀ ਪੜ੍ਹੋ: 90 ਦੇ ਦਹਾਕੇ ਦੀ ਇਸ ਮਸ਼ਹੂਰ ਅਦਾਕਾਰਾ ਨੇ ਮੁੰਡਵਾਇਆ ਸਿਰ, ਕਿਹਾ- ਅੱਜ ਮੈਂ ਪੂਰੀ ਤਰ੍ਹਾਂ....

'ਕੀ ਇਹ ਦਿਮਾਗੀ ਖੇਡ ਸੀ?'

ਸੀਮਾ ਨੇ ਇਹ ਵੀ ਸਵਾਲ ਉਠਾਇਆ ਕਿ ਓਮ ਪੁਰੀ ਨੇ ਵਿਆਹ ਤੋਂ ਠੀਕ ਪਹਿਲਾਂ ਆਪਣੇ ਅਫੇਅਰ ਦਾ ਖੁਲਾਸਾ ਕਿਉਂ ਕੀਤਾ? ਉਨ੍ਹਾਂ ਕਿਹਾ, "ਸ਼ਾਇਦ ਇਹ ਇੱਕ ਚਲਾਕ ਦਿਮਾਗ ਦੀ ਚਾਲ ਸੀ। ਜੋ ਲੋਕ ਅਜਿਹਾ ਕਰਦੇ ਹਨ, ਉਹ ਤੁਹਾਨੂੰ ਇਹ ਸੋਚਣ ਲਈ ਮਜਬੂਰ ਕਰਦੇ ਹਨ ਕਿ ਉਹ ਇਮਾਨਦਾਰ ਹਨ ਅਤੇ ਤੁਹਾਨੂੰ ਫੈਸਲੇ ਲੈਣ ਦਾ ਅਧਿਕਾਰ ਦੇ ਰਹੇ ਹਨ। ਪਰ ਮੈਨੂੰ ਨਹੀਂ ਲੱਗਦਾ ਕਿ ਉਹ ਇੰਨੇ ਚਲਾਕ ਸਨ।" 

ਇਹ ਵੀ ਪੜ੍ਹੋ: ਨੁਸਰਤ ਭਰੂਚਾ ਨੇ PM ਮੋਦੀ ਨਾਲ ਕੀਤੀ ਮੁਲਾਕਾਤ, ਇਜ਼ਰਾਈਲ ਤੋਂ ਆਪਣੀ ਸੁਰੱਖਿਅਤ ਵਾਪਸੀ ਲਈ ਕੀਤਾ ਧੰਨਵਾਦ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8