11 ਅਕਤੂਬਰ ਨੂੰ ਅਨਮੋਲ ਸਿਨੇਮਾਜ਼ ''ਤੇ ਹੋਵੇਗਾ ''ਸਿੰਘਮ ਅਗੇਨ'' ਦਾ ਪ੍ਰੀਮੀਅਰ

ਮੁੰਬਈ- ਬਾਲੀਵੁੱਡ ਸਟਾਰ ਅਜੇ ਦੇਵਗਨ ਦੀ ਫਿਲਮ 'ਸਿੰਘਮ ਅਗੇਨ' ਦਾ ਪ੍ਰੀਮੀਅਰ 11 ਅਕਤੂਬਰ ਨੂੰ ਸ਼ਾਮ 7:30 ਵਜੇ ਅਨਮੋਲ ਸਿਨੇਮਾਜ਼ 'ਤੇ ਹੋਵੇਗਾ। ਰੋਹਿਤ ਸ਼ੈੱਟੀ ਦੁਆਰਾ ਨਿਰਦੇਸ਼ਤ 'ਸਿੰਘਮ ਅਗੇਨ' ਵਿੱਚ ਅਜੇ ਦੇਵਗਨ, ਕਰੀਨਾ ਕਪੂਰ, ਅਕਸ਼ੈ ਕੁਮਾਰ, ਰਣਵੀਰ ਸਿੰਘ, ਦੀਪਿਕਾ ਪਾਦੂਕੋਣ, ਟਾਈਗਰ ਸ਼ਰਾਫ ਅਤੇ ਅਰਜੁਨ ਕਪੂਰ ਮੁੱਖ ਭੂਮਿਕਾਵਾਂ ਵਿੱਚ ਹਨ।

ਅਜੇ ਦੇਵਗਨ ਨੇ ਕਿਹਾ, "ਸਿੰਘਮ ਹਮੇਸ਼ਾ ਮੇਰੇ ਲਈ ਖਾਸ ਰਹੀ ਹੈ ਅਤੇ ਇਸ ਕਿਰਦਾਰ ਨੂੰ ਦਰਸ਼ਕਾਂ ਤੋਂ ਮਿਲਿਆ ਪਿਆਰ ਸੱਚਮੁੱਚ ਦਿਲ ਨੂੰ ਛੂਹਣ ਵਾਲਾ ਹੈ। ਇਸ ਵਾਰ ਇਹ ਹੋਰ ਵੀ ਵੱਡਾ ਹੈ। ਇਹ ਸਿਰਫ਼ ਸਿੰਘਮ ਬਾਰੇ ਨਹੀਂ ਹੈ ਸਗੋਂ ਬਹਾਦਰ ਯੋਧਿਆਂ ਦੀ ਪੂਰੀ ਫੌਜ ਦੀ ਕਹਾਣੀ ਹੈ, ਜਿਥੇ ਹਰ ਕੋਈ ਆਪਣੀ ਤਾਕਤ ਲੈ ਕੇ ਇਸ ਲੜਾਈ ਵਿੱਚ ਉਤਰ ਰਿਹਾ ਹੈ। ਹਰ ਪੰਚ, ਹਰ ਡਾਇਲਾਗ ਅਤੇ ਹਰ ਪਲ ਉਸੇ ਜਨੂੰਨ ਨਾਲ ਭਰਿਆ ਹੋਇਆ ਹੈ ਜਿਸਨੇ ਸਿੰਘਮ ਨੂੰ ਇੱਕ ਅਜਿੱਤ ਸ਼ਕਤੀ ਬਣਾਇਆ।"