ਸੁਲਤਾਨਪੁਰ ਲੋਧੀ ''ਚ ਹਨ੍ਹੇਰੀ-ਮੀਂਹ ਨੇ ਤਪਦੀ ਗਰਮੀ ਤੋਂ ਦਿਵਾਈ ਰਾਹਤ

ਸੁਲਤਾਨਪੁਰ ਲੋਧੀ (ਧੀਰ)-ਸੂਬੇ ਵਿਚ ਲੰਮੇ ਸਮੇਂ ਤੋਂ ਚੱਲੀ ਆ ਰਹੀ ਭਿਆਨਕ ਗਰਮੀ ਤੇ ਵਧ ਰਹੇ ਤਾਪਮਾਨ ਤੋਂ ਬਾਅਦ ਮੌਸਮ ਵਿਚ ਆਈ ਅਸਥਾਈ ਤਬਦੀਲੀ ਕਾਰਨ ਹਨ੍ਹੇਰੀ-ਝੱਖੜ ਤੋਂ ਬਾਅਦ ਪਏ ਮੀਂਹ ਨੇ ਜਿੱਥੇ ਮੌਸਮ ਖ਼ੁਸ਼ਗੁਵਾਰ ਹੋ ਕੇ ਤਾਪਮਾਨ ਘਟਿਆ ਹੈ। ਉੱਥੇ ਬਿਜਲੀ ਦੀ ਮੰਗ ਵੀ ਘਟਣ ਕਾਰਨ ਪਾਵਰਕਾਮ ਨੂੰ ਕੁਝ ਰਾਹਤ ਮਿਲੀ ਹੈ।

ਤਪਦੀ ਗਰਮੀ ਅਤੇ 46 ਡਿਗਰੀ ਤਾਪਮਾਨ ਪੁੱਜਣ ’ਤੇ ਬਿਜਲੀ ਦੀ ਮੰਗ ਵੱਧ ਕੇ ਜਿਹੜੀ 14 ਹਜ਼ਾਰ ਮੈਗਾਵਾਟ ਸੂਬੇ ਵਿਚ ਪਹੁੰਚ ਗਏ ਸੀ, ਉਹ ਹੁਣ ਬਾਰਿਸ਼ ਕਾਰਨ 13 ਹਜ਼ਾਰ ਮੈਗਾਵਾਟ ਹੋ ਗਈ ਹੈ। ਤਪਦੀ ਗਰਮੀ ਤੇ ਚੱਲ ਰਹੀ ਲੂ ਦੀ ਤੱਤੀ ਹਵਾਵਾਂ ਤੋਂ ਬਾਰਿਸ਼ ਨੇ ਜਿੱਥੇ ਆਮ ਵਰਗ ਨੂੰ ਰਾਹਤ ਪਹੁੰਚਾਈ ਹੈ, ਉੱਥੇ ਇਹ ਬਾਰਿਸ਼ ਝੋਨੇ ਦੀ ਪਨੀਰੀ ਬੀਜਣ, ਖੇਤਾਂ ਦੀ ਸਿੰਚਾਈ ਤੋਂ ਇਲਾਵਾ ਪਸ਼ੂ ਪੰਛੀਆਂ ਤੇ ਫਲਾਂ ਸਬਜ਼ੀਆਂ ਵਾਸਤੇ ਵੀ ਫਾਇਦੇਮੰਦ ਦੱਸੀ ਜਾ ਰਹੀ ਹੈ। ਬਾਰਿਸ਼ ਪੈਣ ਕਾਰਨ ਗਰਮੀ ਤੋਂ ਪੈਦਾ ਹੋ ਰਹੀਆਂ ਬਿਮਾਰੀਆਂ ਤੋਂ ਵੀ ਰਾਹਤ ਮਿਲਣ ਦੀ ਸੰਭਾਵਨਾ ਹੈ।

ਇਹ ਵੀ ਪੜ੍ਹੋ: ਹਰਿਆਣਾ ਦੇ CM ਨਾਇਬ ਸੈਣੀ ਨੇ ਡੇਰਾ ਬਿਆਸ ਮੁਖੀ ਗੁਰਿੰਦਰ ਸਿੰਘ ਢਿੱਲੋਂ ਨਾਲ ਕੀਤੀ ਮੁਲਾਕਾਤ

ਬਿਜਲੀ ਸਪਲਾਈ ਪ੍ਰਭਾਵਿਤ
ਤੇਜ਼-ਹਨ੍ਹੇਰੀ ਝੱਖੜ ਕਾਰਨ ਸੜਕਾਂ ’ਤੇ ਡਿੱਗੇ ਦਰੱਖ਼ਤ, ਬਿਜਲੀ ਦੇ ਖੰਭੇ ਡਿੱਗਣ ਕਾਰਨ ਅਤੇ ਤਾਰਾਂ ਟੁੱਟਣ ਕਾਰਨ ਬਿਜਲੀ ਸਪਲਾਈ ਵੀ ਪ੍ਰਭਾਵਿਤ ਹੋਈ ਹੈ, ਜਿਸ ਕਾਰਨ ਪਾਵਰ ਕਾਮ ਨੂੰ ਵੱਡਾ ਨੁਕਸਾਨ ਚੱਲਣ ਤੇ ਮਜਬੂਰ ਹੋਣਾ ਪਿਆ ਹੈ। ਸ਼ਹਿਰ ਵਿਚ ਵੀ ਪਾਵਰਕਾਮ ਵੱਲੋਂ ਕਿਸੇ ਵੀ ਅਣਸੁਖਾਵੀਂ ਘਟਨਾ ਤੋਂ ਬਚਾਅ ਲਈ ਬਿਜਲੀ ਬੰਦ ਕਰ ਦਿੱਤੀ ਗਈ, ਜਿਸ ਕਾਰਨ ਲੋਕਾਂ ਨੂੰ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ।

ਮੀਂਹ ਕਾਰਨ ਸੜਕਾਂ ਦਾ ਹੋਇਆ ਬੁਰਾ ਹਾਲ
ਬਾਰਿਸ਼ ਕਾਰਨ ਪਹਿਲਾਂ ਤੋਂ ਟੁੱਟੀਆਂ ਸੜਕਾਂ ਦਾ ਜ਼ਖਮ ਸਹਿਣ ਕਰ ਰਹੇ ਲੰਮੇ ਸਮੇਂ ਤੋਂ ਸ਼ਹਿਰ ਨਿਵਾਸੀਆਂ ਨੂੰ ਦੋਹਰੀ ਮਾਰ ਝੱਲਣੀ ਪਈ। ਟੁੱਟੀਆਂ ਸੜਕਾਂ ਤੇ ਡੂੰਘੇ ਟੋਇਆ ਕਾਰਨ ਵਾਹਨ ਸਵਾਰਾਂ ਨੂੰ ਬਹੁਤ ਮੁਸ਼ਕਿਲਾਂ ਪੇਸ਼ ਆਈਆਂ ਤੇ ਪੈਦਲ ਸਵਾਰ ਵੀ ਸਰਕਾਰ ਨੂੰ ਕੋਸਦੇ ਵਿਖਾਈ ਦਿੱਤੇ। ਕਦੋਂ ਛੁਟਕਾਰਾ ਮਿਲੇਗਾ ਸ਼ਹਿਰ ਨਿਵਾਸੀਆਂ ਨੂੰ ਇਸ ਦਰਦ ਭਰੀ ਸੜਕਾਂ ਤੋਂ ਨਿਜਾਤ ਦਾ ਚਿੱਕੜ ਤੇ ਦਲਦਲ ਕਾਰਨ ਸੜਕਾਂ ਤੇ ਸਥਿਤੀ ਹੋਰ ਵੀ ਬੁਰੀ ਹੋ ਗਈ।

ਕੀ ਕਹਿਣੈ ਖੇਤੀਬਾੜੀ ਮਾਹਿਰਾਂ ਦਾ
ਖੇਤੀਬਾੜੀ ਵਿਭਾਗ ਦੇ ਵਿਸਥਾਰ ਅਫਸਰ ਪਰਮਿੰਦਰ ਕੁਮਾਰ ਦਾ ਕਹਿਣਾ ਹੈ ਕਿ ਭਾਵੇਂ ਬਾਰਿਸ਼ ਬਹੁਤ ਭਰਵੀਂ ਨਹੀਂ ਹੋਈ ਫਿਰ ਵੀ ਇਹ ਬਹੁਤ ਲਾਭਦਾਇਕ ਹੈ। ਮੀਂਹ ਕਾਰਨ ਗਰਮੀ ਵਿਚ ਵੀ ਕਮੀ ਆਵੇਗੀ ਅਤੇ ਲੋਕਾਂ ਨੂੰ ਰਾਹਤ ਮਿਲੇਗੀ। ਉਨ੍ਹਾਂ ਕਿਹਾ ਕਿ ਕਿਸਾਨਾਂ ਵੱਲੋਂ ਝੋਨੇ ਦੀ ਪਨੀਰੀ ਬੀਜਣ ਦਾ ਸਮਾਂ ਚੱਲ ਰਿਹਾ ਹੈ, ਇਸ ਨਾਲ ਪਾਣੀ ਦੀ ਵੀ ਬੱਚਤ ਹੋਵੇਗੀ ਤੇ ਖੇਤ ਦੀ ਸਿੰਚਾਈ ਵੀ ਆਸਾਨ ਹੋਵੇਗੀ। ਉਨ੍ਹਾਂ ਕਿਹਾ ਕਿ ਬਾਰਿਸ਼ ਦਾ ਮੱਕੀ ਦੀ ਫਸਲ ਤੇ ਕੋਈ ਖਾਸ ਪ੍ਰਭਾਵ ਨਹੀਂ ਹੋਵੇਗਾ ਕਿਉਂਕਿ ਮੱਕੀ ਦੀ ਕਟਾਈ ਹਾਲੇ ਸ਼ੁਰੂ ਨਹੀਂ ਹੋਈ। ਪਸ਼ੂ-ਪੰਛੀਆਂ ਨੂੰ ਵੀ ਬਾਰਸ਼ ਕਾਰਨ ਕਾਫੀ ਰਾਹਤ ਮਿਲੇਗੀ ਅਤੇ ਮੌਸਮ ਠੰਡਾ ਹੋਣ ਕਾਰਨ ਤਾਪਮਾਨ ਵੀ ਘਟੇਗਾ। ਬਾਰਿਸ਼ ਕਾਰਨ ਸਮਰਸੀਬਲ ਮੋਟਰ ਚਲਾਉਣ ਤੋਂ ਕੁਝ ਵੀ ਰਾਹਤ ਮਿਲੇਗੀ।

ਇਹ ਵੀ ਪੜ੍ਹੋ: PSPCL ਦਾ ਮੁਲਾਜ਼ਮ ਗ੍ਰਿਫ਼ਤਾਰ! ਕਾਰਨਾਮਾ ਜਾਣ ਹੋਵੋਗੇ ਹੈਰਾਨ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

For Whatsapp:- https://whatsapp.com/channel/0029Va94hsaHAdNVur4L170e