ਜਲੰਧਰ ਨਿਗਮ ’ਚ ਕੱਚੇ ਜੇ. ਈਜ਼ ਦਾ ਸੈਂਕਸ਼ਨ ਘਪਲਾ ਫਿਰ ਚਰਚਾ ’ਚ, ਮਨਚਾਹੇ ਠੇਕੇਦਾਰਾਂ ਨੂੰ ਕਰੋੜਾਂ ਦੇ ਕੰਮ ਦੇਣ ਦਾ ਦੋਸ਼

ਜਲੰਧਰ (ਖੁਰਾਣਾ)–ਜਲੰਧਰ ਨਗਰ ਨਿਗਮ ਵਿਚ ਕੱਚੇ ਆਧਾਰ ’ਤੇ ਰੱਖੇ ਗਏ ਜੂਨੀਅਰ ਇੰਜੀਨੀਅਰਾਂ ਅਤੇ ਐੱਸ. ਡੀ. ਓ. ਵੱਲੋਂ ਕਰਵਾਏ ਗਏ ਕਰੋੜਾਂ ਰੁਪਏ ਦੇ ਸੈਂਕਸ਼ਨ ਨਾਲ ਸਬੰਧਤ ਕੰਮਾਂ ਨੂੰ ਲੈ ਕੇ ਨਵਾਂ ਵਿਵਾਦ ਖੜ੍ਹਾ ਹੋ ਗਿਆ ਹੈ। ਨਿਗਮ ਵਿਚ ਪਿਛਲੇ ਕਈ ਸਾਲਾਂ ਤੋਂ ਇਹ ਕੱਚੇ ਕਰਮਚਾਰੀ ਨਾ ਸਿਰਫ ਫਾਈਨਾਂਸ਼ੀਅਲ ਪਾਵਰ ਦੀ ਵਰਤੋਂ ਕਰ ਰਹੇ ਹਨ, ਸਗੋਂ ਮਨਚਾਹੇ ਠੇਕੇਦਾਰਾਂ ਨੂੰ ਫਰਜ਼ੀ ਕੋਟੇਸ਼ਨ ਦੇ ਸਹਾਰੇ ਕੰਮ ਸੌਂਪਣ ਦੇ ਗੰਭੀਰ ਦੋਸ਼ਾਂ ਦਾ ਵੀ ਸਾਹਮਣਾ ਕਰ ਰਹੇ ਹਨ। ਤਾਜ਼ਾ ਜਾਣਕਾਰੀ ਅਨੁਸਾਰ ਇਨ੍ਹਾਂ ਗੜਬੜੀਆਂ ਨਾਲ ਜੁੜੀ ਨਵੀਂ ਸ਼ਿਕਾਇਤ ਹੁਣ ਚੰਡੀਗੜ੍ਹ ਪਹੁੰਚ ਚੁੱਕੀ ਹੈ, ਜਿਸ ਨਾਲ ਸਟੇਟ ਵਿਜੀਲੈਂਸ ਦੀ ਜਾਂਚ ਦੁਬਾਰਾ ਸ਼ੁਰੂ ਹੋਣ ਦੀ ਉਮੀਦ ਹੈ।

ਇਹ ਵੀ ਪੜ੍ਹੋ: ਪੰਜਾਬ 'ਚ 3 ਦਿਨ ਅਹਿਮ! Yellow Alert ਜਾਰੀ, ਮੌਸਮ ਵਿਭਾਗ ਨੇ 4 ਦਸੰਬਰ ਤੱਕ ਕਰ 'ਤੀ ਵੱਡੀ ਭਵਿੱਖਬਾਣੀ

ਸਰਕਾਰ ਬਦਲੀ ਪਰ ਸਿਸਟਮ ’ਤੇ ਹਾਵੀ ਹੁੰਦੇ ਗਏ ਕੱਚੇ ਕਰਮਚਾਰੀ
ਜਦੋਂ ਪੰਜਾਬ ਵਿਚ ਕਾਂਗਰਸ ਦੀ ਸਰਕਾਰ ਸੀ, ਉਦੋਂ ਜਲੰਧਰ ਨਿਗਮ ਵਿਚ ਕਰਮਚਾਰੀਆਂ ਦੀ ਭਾਰੀ ਕਮੀ ਨੂੰ ਦੇਖਦੇ ਹੋਏ ਜੇ. ਈ., ਐੱਸ. ਡੀ.ਓ. ਸਮੇਤ ਤਕਨੀਕੀ ਸਟਾਫ ਨੂੰ ਆਊਟਸੋਰਸ ਭਾਵ ਕੱਚੇ ਆਧਾਰ ’ਤੇ ਤਾਇਨਾਤ ਕੀਤਾ ਗਿਆ ਸੀ। ਨਿਯਮਾਂ ਦੇ ਅਨੁਸਾਰ ਅਜਿਹੇ ਕਰਮਚਾਰੀਆਂ ਨੂੰ ਕੋਈ ਵੀ ਵਿੱਤੀ ਪਾਵਰ ਨਹੀਂ ਦਿੱਤੀ ਜਾ ਸਕਦੀ। ਇਸ ਦੇ ਬਾਵਜੂਦ ਇਨ੍ਹਾਂ ਕੱਚੇ ਇੰਜੀਨੀਅਰਾਂ ਨੇ ਪਿਛਲੇ ਸਾਲਾਂ ਵਿਚ ਫਾਈਨਾਂਸ਼ੀਅਲ ਪਾਵਰਸ (ਵਿੱਤੀ ਤਾਕਤਾਂ) ਦੀ ਵਰਤੋਂ ਕਰਦੇ ਹੋਏ ਸੈਂਕਸ਼ਨ ਫਾਈਲਾਂ ਜ਼ਰੀਏ ਕਰੋੜਾਂ ਰੁਪਏ ਦੇ ਕੰਮ ਕਰਵਾ ਦਿੱਤੇ। ਆਮ ਆਦਮੀ ਪਾਰਟੀ ਦੀ ਸਰਕਾਰ ਆਉਣ ਤੋਂ ਬਾਅਦ ਇਹ ਮੰਨਿਆ ਜਾ ਰਿਹਾ ਸੀ ਕਿ ਨਿਗਮ ਦਾ ਸਿਸਟਮ ਸੁਧਰੇਗਾ ਅਤੇ ਗੜਬੜੀਆਂ ਰੁਕਣਗੀਆਂ ਪਰ ਅਜਿਹਾ ਨਹੀਂ ਹੋਇਆ। ਕੱਚੇ ਕਰਮਚਾਰੀ ਆਪਣਾ ਦਾਇਰਾ ਵਧਾਉਂਦੇ ਗਏ ਅਤੇ ਸਮੇਂ ਦੇ ਨਾਲ ਸਿਸਟਮ ’ਤੇ ਇੰਨਾ ਪ੍ਰਭਾਵ ਜਮਾ ਲਿਆ ਕਿ ਉਹ ਠੇਕੇਦਾਰਾਂ ਅਤੇ ਕੰਮ ਵੰਡਣ ਵਿਚ ਫੈਸਲਾਕੁੰਨ ਭੂਮਿਕਾ ਨਿਭਾਉਣ ਲੱਗੇ।

ਇਹ ਵੀ ਪੜ੍ਹੋ: ਅਚਾਨਕ ਪੰਜਾਬ ਦੇ ਇਸ ਪਿੰਡ 'ਚ ਹੋਣ ਲੱਗੀਆਂ ਅਨਾਊਂਸਮੈਂਟਾਂ! ਸਹਿਮੇ ਲੋਕ, ਘਰੋਂ ਬਾਹਰ ਨਿਕਲਣਾ ਵੀ ਹੋਇਆ ਔਖਾ

ਅਫ਼ਸਰਸ਼ਾਹੀ ਦੇ ਰਾਜ ’ਚ ਵਧਿਆ ਸੀ ਸੈਂਕਸ਼ਨ ਸਿਸਟਮ
ਨਗਰ ਨਿਗਮ ਚੋਣਾਂ ਨਾ ਹੋਣ ਕਾਰਨ ਲੱਗਭਗ 2 ਸਾਲ ਤਕ ਜਲੰਧਰ ਨਿਗਮ ’ਤੇ ਅਫਸਰਸ਼ਾਹੀ ਦਾ ਕੰਟਰੋਲ ਰਿਹਾ। ਇਸ ਦੌਰਾਨ ਪੰਜਾਬ ਟਰਾਂਸਪੇਰੈਂਸੀ ਐਕਟ ਤਹਿਤ ਕਰੋੜਾਂ ਦੇ ਕੰਮ ਕਰਵਾਏ ਗਏ, ਜਿਥੇ 5 ਲੱਖ ਰੁਪਏ ਤਕ ਖਰਚ ਕਰਨ ਦਾ ਅਧਿਕਾਰ ਸਿਰਫ ਨਿਗਮ ਕਮਿਸ਼ਨਰ ਨੂੰ ਹੈ। ਇਸ ਦੇ ਬਾਵਜੂਦ ਸੈਂਕਸ਼ਨ ਦੇ ਨਾਂ ’ਤੇ ਵੱਡੇ ਪੈਮਾਨੇ ’ਤੇ ਜੋ ਕੰਮ ਕਰਵਾਏ ਗਏ, ਉਨ੍ਹਾਂ ਵਿਚ ਐਕਟ ਦੀ ਉਲੰਘਣਾ ਦੇ ਕਈ ਦੋਸ਼ ਸਾਹਮਣੇ ਆਏ। ਇਸ ਸਾਲ ਆਮ ਆਦਮੀ ਪਾਰਟੀ ਦਾ ਕਾਰਪੋਰੇਸ਼ਨ ਹਾਊਸ ਬਣਨ ਦੇ ਬਾਅਦ ਉਮੀਦ ਸੀ ਕਿ ਹੁਣ ਸਾਰੇ ਕੰਮ ਟੈਂਡਰਿੰਗ ਪ੍ਰਕਿਰਿਆ ਨਾਲ ਹੋਣਗੇ ਅਤੇ ਸੈਂਕਸ਼ਨ ਆਧਾਰਿਤ ਕੰਮ ਬੰਦ ਹੋਣਗੇ ਪਰ ਕਰੋੜਾਂ ਦੇ ਸੈਂਕਸ਼ਨ ਕੰਮ ਜਾਰੀ ਰਹੇ। ਇਨ੍ਹਾਂ ਕੰਮਾਂ ਨੂੰ ਕਦੀ ਸਿਆਸੀ ਮਜਬੂਰੀ ਕਿਹਾ ਗਿਆ ਪਰ ਹਕੀਕਤ ਇਹ ਹੈ ਕਿ ਇਨ੍ਹਾਂ ਵਧੇਰੇ ਫਾਈਲਾਂ ਨੂੰ ਕੱਚੇ ਜੇ. ਈ. ਅਤੇ ਐੱਸ. ਡੀ. ਓ. ਨੇ ਹੀ ਤਿਆਰ ਕੀਤਾ।

ਮਾਰਕੀਟ ਵਿਚ ਗਏ ਨਹੀਂ, ਦਫ਼ਤਰਾਂ ਵਿਚ ਬੈਠ ਕੇ ਹੀ ਚੁਣ ਲਏ ਠੇਕੇਦਾਰ
ਜਾਣਕਾਰੀ ਅਨੁਸਾਰ ਕੱਚੇ ਇੰਜੀਨੀਅਰਾਂ ਨੇ ਮਾਰਕੀਟ ਵਿਚ ਜਾ ਕੇ ਪੋਟੈਂਸ਼ੀਅਲ ਬਾਇਰ ਲੱਭਣ ਅਤੇ ਕੋਟੇਸ਼ਨ ਲੈਣ ਦੀ ਪ੍ਰਕਿਰਿਆ ਦਾ ਪਾਲਣ ਨਹੀਂ ਕੀਤਾ। ਟਰਾਂਸਪੇਰੈਂਸੀ ਐਕਟ ਮੁਤਾਬਕ ਘੱਟ ਤੋਂ ਘੱਟ 3 ਬਾਇਰਸ ਤੋਂ ਕੋਟੇਸ਼ਨ ਲੈਣਾ ਲਾਜ਼ਮੀ ਹੈ ਪਰ ਠੇਕੇਦਾਰਾਂ ਨੂੰ ਸਿੱਧਾ ਨਿਗਮ ਵਿਚ ਬੁਲਾ ਕੇ ਹੀ ਕੋਟੇਸ਼ਨ ਤਿਆਰ ਕਰਵਾ ਲਏ ਗਏ। ਕਈ ਠੇਕੇਦਾਰ ਅਜਿਹੇ ਹਨ, ਜਿਨ੍ਹਾਂ ਦਾ ਸ਼ਹਿਰ ਵਿਚ ਨਾ ਕੋਈ ਗੋਦਾਮ ਹੈ, ਨਾ ਦਫਤਰ, ਨਾ ਸ਼ੋਅਰੂਮ, ਨਾ ਫੈਕਟਰੀ, ਇਸ ਦੇ ਬਾਵਜੂਦ ਉਨ੍ਹਾਂ ਪਿਛਲੇ 2 ਸਾਲਾਂ ਵਿਚ ਕਰੋੜਾਂ ਦਾ ਕੰਮ ਤਾਂ ਕੀਤਾ ਹੀ, ਨਾਲ ਹੀ ਸਮੇਂ ’ਤੇ ਭੁਗਤਾਨ ਵੀ ਪ੍ਰਾਪਤ ਕੀਤਾ। ਕੁਝ ਠੇਕੇਦਾਰਾਂ ਨੂੰ ਬੀ. ਐਂਡ ਆਰ. ਮੇਨਟੀਨੈਂਸ, ਹਾਰਟੀਕਲਚਰ, ਸਟਰੀਟ ਲਾਈਟ, ਓ. ਐਂਡ ਐੱਮ. ਵਰਗੇ ਵੱਖ-ਵੱਖ ਵਿਭਾਗਾਂ ਦੇ ਕੰਮ ਇਕੱਠੇ ਦੇ ਦਿੱਤੇ ਗਏ।

ਇਹ ਵੀ ਪੜ੍ਹੋ: ਸਿੱਧੂ ਮੂਸੇਵਾਲਾ ਦੇ ਗਾਣੇ 'ਬਰੋਟਾ' 'ਤੇ ਨਵਜੋਤ ਸਿੱਧੂ ਨੇ ਬਣਾਈ ਰੀਲ, ਪੰਜਾਬੀ ਗਾਇਕ ਲਈ ਇਨਸਾਫ਼ ਵੀ ਮੰਗਿਆ

ਫਰਜ਼ੀ ਅਤੇ ਜਾਅਲੀ ਕੋਟੇਸ਼ਨ ਵਾਲੀਆਂ ਫਾਈਲਾਂ ਆਈਆਂ ਸਾਹਮਣੇ
'ਜਗ ਬਾਣੀ' ਦੇ ਹੱਥ ਕੁਝ ਅਜਿਹੀਆਂ ਫਾਈਲਾਂ ਲੱਗੀਆਂ ਹਨ, ਜਿਨ੍ਹਾਂ ਵਿਚ ਫਰਜ਼ੀ ਅਤੇ ਜਾਅਲੀ ਕੋਟੇਸ਼ਨਾਂ ਲਾਈਆਂ ਗਈਆਂ ਹਨ। ਜੇਕਰ ਇਨ੍ਹਾਂ ਕੋਟੇਸ਼ਨਾਂ ਦੀ ਸਹੀ ਜਾਂਚ ਵਿਜੀਲੈਂਸ ਬਿਊਰੋ ਵੱਲੋਂ ਕੀਤੀ ਜਾਂਦੀ ਹੈ ਤਾਂ ਜਲੰਧਰ ਨਿਗਮ ਵਿਚ ਵੱਡਾ ਘਪਲਾ ਸਾਹਮਣੇ ਆਉਣ ਦੀ ਪੂਰੀ ਸੰਭਾਵਨਾ ਹੈ। ਅੱਜ ਤੋਂ ਕਈ ਮਹੀਨੇ ਪਹਿਲਾਂ ਸੈਂਕਸ਼ਨ ਘਪਲੇ ਨਾਲ ਸਬੰਧਤ ਖਬਰਾਂ ਦਾ ਨੋਟਿਸ ਲੈਂਦੇ ਹੋਏ ਜਲੰਧਰ ਵਿਜੀਲੈਸ ਬਿਊਰੋ ਨੇ ਸ਼ੁਰੂਆਤੀ ਜਾਂਚ ਸ਼ੁਰੂ ਕੀਤੀ ਸੀ। ਕਈ ਕੱਚੇ ਜੇ. ਈ. ਅਤੇ ਐੱਸ. ਡੀ. ਓ. ਨੂੰ ਬੁਲਾ ਕੇ ਬਿਆਨ ਵੀ ਦਰਜ ਕੀਤੇ ਗਏ ਸਨ ਪਰ ਹੈਰਾਨੀਜਨਕ ਢੰਗ ਨਾਲ ਇਹ ਜਾਂਚ ਅਚਾਨਕ ਠੱਪ ਕਰ ਦਿੱਤੀ ਗਈ ਅਤੇ ਅੱਗੇ ਨਹੀਂ ਵਧ ਸਕੀ। ਦੋਸ਼ ਹੈ ਕਿ ਸ਼ਹਿਰ ਦੇ 2 ‘ਆਪ’ ਆਗੂ ਨਹੀਂ ਚਾਹੁੰਦੇ ਸਨ ਕਿ ਇਸ ਮਾਮਲੇ ਵਿਚ ਵਿਜੀਲੈਂਸ ਜਾਂਚ ਸ਼ੁਰੂ ਹੋਵੇ ਕਿਉਂਕਿ ਉਨ੍ਹਾਂ ਨੂੰ ਡਰ ਸੀ ਕਿ ਇਸ ਨਾਲ ਵਿਕਾਸ ਕਾਰਜ ਰੁਕ ਜਾਣਗੇ।

ਇਹ ਵੀ ਪੜ੍ਹੋ: ਲਓ ਜੀ ਆ ਗਈਆਂ ਦਸੰਬਰ ਦੀਆਂ ਛੁੱਟੀਆਂ! ਪੰਜਾਬ 'ਚ ਜਾਣੋ ਕਿੰਨੇ ਦਿਨ ਬੰਦ ਰਹਿਣਗੇ ਸਕੂਲ, ਕਾਲਜ ਤੇ ਦਫ਼ਤਰ

ਨਵੀਂ ਸ਼ਿਕਾਇਤ ਪਹੁੰਚੀ ਚੰਡੀਗੜ੍ਹ, ਵੱਡੀ ਕਾਰਵਾਈ ਦੀ ਉਮੀਦ
ਹੁਣ ਇਹ ਪਤਾ ਲੱਗਾ ਕਿ ਸੈਂਕਸ਼ਨ ਦੇ ਕੰਮਾਂ ਵਿਚ ਗੜਬੜੀ ਨਾਲ ਸਬੰਧਤ ਨਵੀਂ ਸ਼ਿਕਾਇਤ ਲੋਕਲ ਬਾਡੀਜ਼ ਵਿਭਾਗ ਤੇ ਸਟੇਟ ਵਿਜੀਲੈਂਸ ਬਿਊਰੋ ਤਕ ਪਹੁੰਚ ਗਈ ਹੈ। ਸੂਤਰਾਂ ਦਾ ਕਹਿਣਾ ਹੈ ਕਿ ਜੇਕਰ ਇਸ ਜਾਂਚ ਨਿਰਪੱਖ ਰੂਪ ਨਾਲ ਸ਼ੁਰੂ ਹੋਈ ਤਾਂ ਕਈ ਅਧਿਕਾਰੀ, ਕੱਚੇ ਕਰਮਚਾਰੀ ਅਤੇ ਠੇਕੇਦਾਰ ਇਸ ਵਿਚ ਫਸ ਸਕਦੇ ਹਨ। ਹੁਣ ਸਾਰਿਆਂ ਦੀਆਂ ਨਜ਼ਰਾਂ ਇਸ ਗੱਲ ’ਤੇ ਟਿਕੀਆਂ ਹਨ ਕਿ ਕੀ ਵਿਜੀਲੈਂਸ ਦੋਬਾਰਾ ਇਸ ਮਾਮਲੇ ਦੀ ਜਾਂਚ ਸ਼ੁਰੂ ਕਰਦੀ ਹੈ ਅਤੇ ਜੇਕਰ ਹਾਂ ਤਾਂ ਇਹ ਜਾਂਚ ਕਿਥੋਂ ਤਕ ਪਹੁੰਚਦੀ ਹੈ ਅਤੇ ਕਿਹੜੇ-ਕਿਹੜੇ ਨਾਵਾਂ ਦਾ ਖ਼ੁਲਾਸਾ ਹੁੰਦਾ ਹੈ।

ਇਹ ਵੀ ਪੜ੍ਹੋ: ਪੰਜਾਬ ਦੀ ਸਿਆਸਤ 'ਚ ਹਲਚਲ! ਸੁਖਬੀਰ ਬਾਦਲ ਨੇ ਸੀਨੀਅਰ ਆਗੂਆਂ ਨੂੰ ਸੌਂਪੀ ਵੱਡੀ ਜ਼ਿੰਮੇਵਾਰੀ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8