ਸ਼ਰਾਬ ਦਾ ਠੇਕਾ ਲੁੱਟਣ ਆਏ ਸੀ ਲੁਟੇਰੇ, ਲੋਕਾਂ ਨੇ ਫੜ ਕੇ ਰੱਜ ਕੇ ਚਾੜ੍ਹਿਆ ਕੁਟਾਪਾ
Thursday, Jul 11, 2024 - 04:34 AM (IST)
ਜਲੰਧਰ (ਸ਼ੋਰੀ)– ਹੱਥ ਵਿਚ ਦਾਤ ਅਤੇ ਪਿਸਤੌਲ ਲੈ ਕੇ ਲੰਮਾ ਪਿੰਡ ਚੌਕ ਕੋਲ 2 ਨੌਜਵਾਨ ਬੀਤੀ ਰਾਤ ਲੱਗਭਗ 11 ਵਜੇ ਠੇਕੇ ਅੰਦਰ ਆ ਗਏ ਪਰ ਠੇਕੇ ’ਤੇ ਕੁਝ ਨੌਜਵਾਨਾਂ ਨੂੰ ਬੈਠਾ ਦੇਖ ਕੇ ਇਕ ਨੇ ਤੁਰੰਤ ਦਾਤ ਡੱਬ ਵਿਚ ਲਗਾਇਆ ਅਤੇ ਦੂਸਰੇ ਨੇ ਪਿਸਤੌਲ ਲੁਕੋ ਲਈ। ਬਹਾਦਰੀ ਦਿਖਾਉਂਦੇ ਹੋਏ ਠੇਕੇ ’ਤੇ ਕੰਮ ਕਰਨ ਵਾਲੇ ਨੌਜਵਾਨ ਨੇ ਦੋਵਾਂ ਨੂੰ ਕਾਬੂ ਕਰ ਲਿਆ ਅਤੇ ਠੇਕੇ ’ਤੇ ਬੈਠੇ ਬਾਕੀ ਨੌਜਵਾਨਾਂ ਨੇ ਮਿਲ ਕੇ ਉਨ੍ਹਾਂ ਦੀ ਜੰਮ ਕੇ ਛਿੱਤਰ-ਪਰੇਡ ਕੀਤੀ।
ਦੋਵਾਂ ਨੌਜਵਾਨਾਂ ਨੇ ਆਪਣੀ ਪਛਾਣ ਠੀਕ ਨਹੀਂ ਦੱਸੀ। ਜ਼ਿਕਰਯੋਗ ਹੈ ਕਿ ਇਸ ਤੋਂ ਪਹਿਲਾਂ ਵੀ ਪਿਸਤੌਲ ਦੀ ਨੋਕ ’ਤੇ ਸ਼ਰਾਬ ਦੇ ਠੇਕੇ ਵਿਚ ਨੌਜਵਾਨਾਂ ਵੱਲੋਂ ਲੁੱਟ-ਖੋਹ ਕੀਤੀ ਜਾ ਚੁੱਕੀ ਹੈ।
ਦਿਹਾਤ ਅਤੇ ਪੁਲਸ ਕਮਿਸ਼ਨਰੇਟ ਇਲਾਕਿਆਂ ਵਿਚ ਲਗਾਤਾਰ ਵਧ ਰਹੀਆਂ ਵਾਰਦਾਤਾਂ ਚਿੰਤਾ ਦਾ ਵਿਸ਼ਾ ਹੈ। ਹੋ ਸਕਦਾ ਹੈ ਕਿ ਜੋ ਲੁਟੇਰੇ ਲੰਮਾ ਪਿੰਡ ਵਿਚ ਲੁੱਟ-ਖੋਹ ਕਰਨ ਆਏ ਸਨ, ਉਹ ਵੀ ਕਿਸੇ ਵੱਡੀ ਗੈਂਗ ਦਾ ਹਿੱਸਾ ਹੋਣ। ਜੇਕਰ ਪੁਲਸ ਕੋਲ ਮਾਮਲਾ ਪਹੁੰਚ ਜਾਂਦਾ ਤਾਂ ਸ਼ਾਇਦ ਕਈ ਅਨਟ੍ਰੇਸ ਕੇਸ ਪੁਲਸ ਹੱਲ ਕਰ ਸਕਦੀ।
ਇਹ ਵੀ ਪੜ੍ਹੋ- 'ਹੌਟ ਸੀਟ' ਬਣੇ ਜਲੰਧਰ ਵੈਸਟ ਹਲਕੇ ਨੇ ਉਮੀਦਵਾਰਾਂ ਦੇ ਛੁਡਾਏ ਪਸੀਨੇ, ਫ਼ਿਰ ਵੀ 9 ਫ਼ੀਸਦੀ ਘੱਟ ਹੋਈ ਵੋਟਿੰਗ
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
