GeM ''ਤੇ ਰਜਿਸਟਰਡ ਹਨ 10 ਲੱਖ ਤੋਂ ਵੱਧ ਉੱਦਮੀ

ਨਵੀਂ ਦਿੱਲੀ- ਸਰਕਾਰੀ ਈ-ਮਾਰਕੀਟਪਲੇਸ (ਜੀ.ਈ.ਐੱਮ.) 'ਤੇ 10 ਲੱਖ ਤੋਂ ਵੱਧ ਛੋਟੇ ਉੱਦਮੀ ਰਜਿਸਟਰਡ ਹਨ, ਜਿਨ੍ਹਾਂ 'ਚੋਂ 1.84 ਲੱਖ ਮਹਿਲਾ ਉੱਦਮੀ ਹਨ। ਸਰਕਾਰੀ ਈ-ਮਾਰਕੀਟਪਲੇਸ (GeM) ਦੇ 8ਵੇਂ ਸਥਾਪਨਾ ਦਿਵਸ 'ਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਮਿਹਿਰ ਕੁਮਾਰ ਨੇ ਪੱਤਰਕਾਰਾਂ ਨੂੰ ਦੱਸਿਆ ਕਿ ਸਰਲੀਕਰਨ, ਸਸ਼ਕਤੀਕਰਨ ਅਤੇ ਪਰਿਵਰਤਨ ਲਈ GeM 'ਚ ਨਵੀਨਤਾਵਾਂ ਕੀਤੀਆਂ ਜਾ ਰਹੀਆਂ ਹਨ। ਇਹ ਹਰੇਕ ਭਾਰਤੀ ਉੱਦਮੀ ਲਈ ਮੌਕੇ ਖੋਲ੍ਹਦਾ ਹੈ। ਉਨ੍ਹਾਂ ਕਿਹਾ ਕਿ ਹਾਲ ਹੀ ਦੇ ਸਾਲਾਂ 'ਚ GeM ਦੇ ਉਪਭੋਗਤਾ ਅਧਾਰ 'ਚ ਤਿੰਨ ਗੁਣਾ ਵਾਧਾ ਹੋਇਆ ਹੈ, ਜਿਸ 'ਚ 1.64 ਲੱਖ ਤੋਂ ਵੱਧ ਪ੍ਰਾਇਮਰੀ ਖਰੀਦਦਾਰ ਅਤੇ 4.2 ਲੱਖ ਸਰਗਰਮ ਵਿਕਰੇਤਾ ਸ਼ਾਮਲ ਹਨ। ਇਹ ਪਲੇਟਫਾਰਮ 10,000 ਤੋਂ ਵੱਧ ਉਤਪਾਦ ਸ਼੍ਰੇਣੀਆਂ ਅਤੇ 330 ਤੋਂ ਵੱਧ ਸੇਵਾਵਾਂ ਦੀ ਪੇਸ਼ਕਸ਼ ਕਰਦਾ ਹੈ।

ਸ਼੍ਰੀ ਕੁਮਾਰ ਨੇ ਦੱਸਿਆ ਕਿ 10 ਲੱਖ ਤੋਂ ਵੱਧ ਸੂਖਮ ਅਤੇ ਛੋਟੇ ਉੱਦਮ (MSE), 1.3 ਲੱਖ ਕਾਰੀਗਰ ਅਤੇ ਬੁਣਕਰ, 1.84 ਲੱਖ ਮਹਿਲਾ ਉੱਦਮੀ ਅਤੇ 31 ਹਜ਼ਾਰ ਸਟਾਰਟਅੱਪ ਹੁਣ GeM ਦਾ ਹਿੱਸਾ ਹਨ। GeM 'ਤੇ ਲਗਭਗ 97 ਫੀਸਦੀ ਲੈਣ-ਦੇਣ ਹੁਣ ਲੈਣ-ਦੇਣ ਖਰਚਿਆਂ ਤੋਂ ਮੁਕਤ ਹਨ। ਇਸ ਤੋਂ ਇਲਾਵਾ, ਡਿਊਟੀ 33 ਫੀਸਦੀ ਤੋਂ ਘਟਾ ਕੇ 96 ਫੀਸਦੀ ਕਰ ਦਿੱਤੀ ਗਈ ਹੈ ਅਤੇ 10 ਕਰੋੜ ਰੁਪਏ ਤੋਂ ਵੱਧ ਦੇ ਆਰਡਰ ਲਈ 3 ਲੱਖ ਰੁਪਏ ਦੀ ਸੀਮਾ ਨਿਰਧਾਰਤ ਕੀਤੀ ਗਈ ਹੈ। ਉਨ੍ਹਾਂ ਕਿਹਾ ਕਿ GeM 'ਤੇ ਲੈਣ-ਦੇਣ 'ਚ ਆਕਾਸ਼ ਮਿਜ਼ਾਈਲ ਪ੍ਰਣਾਲੀ ਲਈ 5,000 ਕਰੋੜ ਰੁਪਏ ਦੇ ਉਪਕਰਣ ਅਤੇ 5,085 ਕਰੋੜ ਰੁਪਏ ਦੇ ਟੀਕੇ ਦੀ ਖਰੀਦਦਾਰੀ ਸ਼ਾਮਲ ਹੈ। ਇਹ ਪਲੇਟਫਾਰਮ ਏਮਜ਼ ਲਈ ਡਰੋਨ-ਐਜ਼-ਏ-ਸਰਵਿਸ, ਜੀਆਈਐੱਸ ਅਤੇ 1.3 ਕਰੋੜ ਤੋਂ ਵੱਧ ਲੋਕਾਂ ਲਈ ਬੀਮਾ ਅਤੇ ਚਾਰਟਰਡ ਉਡਾਣਾਂ ਅਤੇ ਸੀਟੀ ਸਕੈਨਰਾਂ ਦੀ ਵੈੱਟ ਲੀਜ਼ਿੰਗ ਵਰਗੀਆਂ ਗੁੰਝਲਦਾਰ ਸੇਵਾਵਾਂ ਵੀ ਪ੍ਰਦਾਨ ਕਰ ਰਿਹਾ ਹੈ। ਸ਼੍ਰੀ ਕੁਮਾਰ ਨੇ ਕਿਹਾ ਕਿ GeM ਨੂੰ ਸਾਰੇ 36 ਰਾਜਾਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ 'ਚ ਅਪਣਾਇਆ ਗਿਆ ਹੈ, ਜਿਸ 'ਚ ਉੱਤਰ ਪ੍ਰਦੇਸ਼ ਸਭ ਤੋਂ ਅੱਗੇ ਹੈ। ਮਹਾਰਾਸ਼ਟਰ, ਮਣੀਪੁਰ, ਗੁਜਰਾਤ, ਹਿਮਾਚਲ ਪ੍ਰਦੇਸ਼, ਆਸਾਮ, ਉੱਤਰਾਖੰਡ ਅਤੇ ਛੱਤੀਸਗੜ੍ਹ ਸਮੇਤ 8 ਰਾਜਾਂ ਨੇ GeM ਦੀ ਵਰਤੋਂ ਨੂੰ ਲਾਜ਼ਮੀ ਬਣਾ ਦਿੱਤਾ ਹੈ।

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ

👇Join us on Whatsapp channel👇

https://whatsapp.com/channel/0029Va94hsaHAdNVur4L170e