ਰੱਦ ਹੋ ਸਕਦਾ ਹੈ  Zee-Sony ਦੇ ਰਲੇਵੇਂ ਦਾ ਸੌਦਾ : ਰਿਪੋਰਟ

ਨਵੀਂ ਦਿੱਲੀ - ਨਿਊਜ਼ ਏਜੰਸੀ ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ ਸੋਨੀ ਹੁਣ ਜ਼ੀ ਐਂਟਰਟੇਨਮੈਂਟ ਨਾਲ ਆਪਣੀ ਭਾਰਤੀ ਇਕਾਈ ਦੇ ਰਲੇਵੇਂ ਦੇ ਸਮਝੌਤੇ ਨੂੰ ਰੱਦ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਅੱਜ ਯਾਨੀ ਸੋਮਵਾਰ 8 ਜਨਵਰੀ ਨੂੰ ਬਲੂਮਬਰਗ ਨੇ ਇਸ ਸਬੰਧੀ ਇੱਕ ਰਿਪੋਰਟ ਪ੍ਰਕਾਸ਼ਿਤ ਕੀਤੀ ਹੈ। Sony Group Corp ਅਤੇ Zee Entertainment Enterprises Ltd ਦੇ ਕੋਲ ਰਲੇਵੇਂ ਨੂੰ ਬੰਦ ਕਰਨ ਲਈ ਇੱਕ ਮਹੀਨੇ ਦੀ ਰਿਆਇਤੀ ਮਿਆਦ ਹੈ। SONY ਰਲੇਵੇਂ ਦਾ ਸੌਦਾ ਵਾਪਸ ਲੈ ਸਕਦਾ ਹੈ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ 1000 ਅਮਰੀਕੀ ਡਾਲਰ ਦਾ ਰਲੇਵਾਂ ਸੌਦਾ ਰੱਦ ਕੀਤਾ ਜਾ ਸਕਦਾ ਹੈ। SONY ਰਲੇਵੇਂ ਦੇ ਸੌਦੇ ਨੂੰ ਵਾਪਸ ਲੈਣ ਦੀ ਯੋਜਨਾ ਬਣਾ ਰਿਹਾ ਹੈ। ਹਾਲਾਂਕਿ, ਸੋਨੀ ਅਤੇ ਜ਼ੀ ਦੋਵਾਂ ਵਲੋਂ ਅਜੇ ਤੱਕ ਡੀਲ ਨੂੰ ਲੈ ਕੇ ਕੋਈ ਜਾਣਕਾਰੀ ਨਹੀਂ ਦਿੱਤੀ ਗਈ ਹੈ। ਸੋਮਵਾਰ ਭਾਵ ਅੱਜ ਕੰਪਨੀ ਦੇ ਸ਼ੇਅਰ 1.75 ਫੀਸਦੀ ਡਿੱਗ ਕੇ 278 ਰੁਪਏ 'ਤੇ ਬੰਦ ਹੋਏ। ਇੱਕ ਮਹੀਨੇ ਵਿੱਚ ਇੱਕ ਫੀਸਦੀ ਦਾ ਨੁਕਸਾਨ ਹੋਇਆ ਹੈ। ਇਸ ਦੇ ਨਾਲ ਹੀ ਇਕ ਸਾਲ 'ਚ ਸਟਾਕ 'ਚ 17 ਫੀਸਦੀ ਦਾ ਵਾਧਾ ਦੇਖਣ ਨੂੰ ਮਿਲਿਆ ਹੈ।

ਜਾਣੋ ਕੀ ਹੈ ਮਾਮਲਾ

ਬਲੂਮਬਰਗ ਦੀ ਰਿਪੋਰਟ ਮੁਤਾਬਕ ਸੋਨੀ ਗਰੁੱਪ ਕਾਰਪੋਰੇਸ਼ਨ ਆਪਣੀ ਭਾਰਤੀ ਇਕਾਈ ਦੇ ਜ਼ੀ ਐਂਟਰਟੇਨਮੈਂਟ ਐਂਟਰਪ੍ਰਾਈਜ਼ਜ਼ ਲਿਮਟਿਡ ਨਾਲ ਰਲੇਵੇਂ ਦੇ ਸੌਦੇ ਨੂੰ ਰੱਦ ਕਰਨ ਦੀ ਯੋਜਨਾ ਬਣਾ ਰਹੀ ਹੈ, ਕਿਉਂਕਿ ਇਹ ਮਾਮਲਾ ਦੋ ਸਾਲਾਂ ਤੋਂ ਫਸਿਆ ਹੋਇਆ ਹੈ। ਜ਼ੀ ਦੇ ਨਾਲ, ਇਸ ਮਾਮਲੇ ਤੋਂ ਜਾਣੂ ਲੋਕਾਂ ਨੇ ਏਜੰਸੀ ਨੂੰ ਦੱਸਿਆ, ਬਹੁਤ ਸਾਰੇ ਮਾਮਲਿਆਂ ਨੂੰ ਲੈ ਕੇ ਦੋਵਾਂ ਵਿਚਾਲੇ ਅਜੇ ਸਹਿਮਤੀ ਨਹੀਂ ਬਣ ਸਕੀ।

ਜ਼ੀ ਦੇ ਸੀਈਓ ਪੁਨੀਤ ਗੋਇਨਕਾ, ਜੋ ਇਸਦੇ ਸੰਸਥਾਪਕ ਸੁਭਾਸ਼ ਚੰਦਰ ਦੇ ਪੁੱਤਰ ਵੀ ਹਨ। ਇਸ ਤੋਂ ਇਲਾਵਾ ਉਹ ਰਲੇਵੇਂ ਤੋਂ ਬਾਅਦ ਬਣਨ ਵਾਲੀ ਇਕਾਈ ਦੀ ਅਗਵਾਈ ਵੀ ਕਰਨ ਜਾ ਰਹੇ ਹਨ। ਲੋਕਾਂ ਨੇ ਆਪਣਾ ਨਾਂ ਗੁਪਤ ਰੱਖਣ ਦੀ ਸ਼ਰਤ 'ਤੇ ਦੱਸਿਆ ਕਿ 2021 'ਚ ਹੋਏ ਸਮਝੌਤੇ 'ਚ ਗੋਇਨਕਾ ਨਵੀਂ ਕੰਪਨੀ ਦੀ ਅਗਵਾਈ ਕਰਨਗੇ। ਪਰ ਰੈਗੂਲੇਟਰ ਦੀ ਜਾਂਚ ਦੇ ਦੌਰਾਨ ਸੋਨੀ ਹੁਣ ਇਸ ਨੂੰ ਸੀਈਓ ਵਜੋਂ ਨਹੀਂ ਚਾਹੁੰਦਾ ਹੈ।

ਕੰਪਨੀ ਨੂੰ ਮਿਲਦਾ ਹੈ ਵਿਸ਼ਾਲ ਅਤੇ ਵਿਭਿੰਨ ਦਰਸ਼ਕ ਅਧਾਰ 

Sony Pictures Networks India ਭਾਰਤੀ ਟੈਲੀਵਿਜ਼ਨ ਉਦਯੋਗ ਵਿੱਚ ਲੰਬੇ ਸਮੇਂ ਤੋਂ ਹੈ। ਕੰਪਨੀ ਨੇ 1995 ਵਿੱਚ ਭਾਰਤ ਵਿੱਚ ਆਪਣਾ ਪਹਿਲਾ ਟੀਵੀ ਚੈਨਲ ਸੋਨੀ ਐਂਟਰਟੇਨਮੈਂਟ ਟੈਲੀਵਿਜ਼ਨ ਲਾਂਚ ਕੀਤਾ ਸੀ। ਕੰਪਨੀ ਆਪਣੇ ਕਾਰੋਬਾਰ ਦਾ ਜ਼ਿਆਦਾ ਵਿਸਤਾਰ ਨਹੀਂ ਕਰ ਸਕੀ।

ਜਦੋਂ ਕਿ ZEEL ਨੇ 2 ਅਕਤੂਬਰ 1992 ਨੂੰ ਆਪਣਾ ਪਹਿਲਾ ਚੈਨਲ Zee TV ਲਾਂਚ ਕੀਤਾ ਸੀ। ZEEL ਨੂੰ ਲੰਬੇ ਸਮੇਂ ਤੱਕ Essel ਗਰੁੱਪ ਦੁਆਰਾ ਕੰਟਰੋਲ ਕੀਤਾ ਗਿਆ ਸੀ ਪਰ Essel 'ਤੇ 2.4 ਬਿਲੀਅਨ ਡਾਲਰ (17,000 ਕਰੋੜ ਰੁਪਏ) ਦੇ ਆਪਣੇ ਕਰਜ਼ੇ ਦਾ ਬੋਝ ਸੀ।