Wipro ਦਾ ਵੱਡਾ ਐਲਾਨ, ਅਗਲੇ ਤਿੰਨ ਸਾਲਾਂ ''ਚ AI ''ਚ ਕਰੇਗਾ 1 ਅਰਬ ਡਾਲਰ ਦਾ ਨਿਵੇਸ਼

ਨਵੀਂ ਦਿੱਲੀ - ਭਾਰਤੀ ਆਈਟੀ ਕੰਪਨੀ ਵਿਪਰੋ ਲਿਮਟਿਡ ਨੇ ਬੁੱਧਵਾਰ ਨੂੰ ਕਿਹਾ ਕਿ ਉਹ ਅਗਲੇ ਤਿੰਨ ਸਾਲਾਂ ਵਿੱਚ ਆਰਟੀਫਿਸ਼ੀਅਲ ਇੰਟੈਲੀਜੈਂਸ (AI) ਵਿੱਚ 1 ਅਰਬ ਡਾਲਰ ਦਾ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਹੀ ਹੈ। ਇੱਕ ਐਕਸਚੇਂਜ ਫਾਈਲਿੰਗ ਵਿੱਚ ਕੰਪਨੀ ਨੇ ਦੱਸਿਆ ਕਿ ਨਿਵੇਸ਼ AI ਦੇ ਵਿਸਤਾਰ, ਵੱਡੇ ਡਾਟਾ ਅਤੇ ਵਿਸ਼ਲੇਸ਼ਣ ਹੱਲਾਂ ਦੇ ਨਾਲ-ਨਾਲ ਨਵੀਂ ਖੋਜ ਅਤੇ ਪਲੇਟਫਾਰਮ ਦੇ ਵਿਕਾਸ 'ਤੇ ਧਿਆਨ ਕੇਂਦਰਤ ਕਰੇਗਾ। ਦੁਨੀਆ ਭਰ ਦੀਆਂ ਕੰਪਨੀਆਂ , ਬੈਂਕਾਂ ਤੋਂ ਲੈ ਕੇ ਵੱਡੀਆਂ ਤਕਨੀਕੀ ਕੰਪਨੀਆਂ ਤੱਕ ਨੇ ਚੈਟਜੀਪੀਟੀ ਦੇ ਬਾਅਦ AI ਵਿੱਚ ਨਿਵੇਸ਼ ਦੁੱਗਣਾ ਕਰ ਦਿੱਤਾ ਹੈ। 

ਮਾਈਕ੍ਰੋਸਾਫਟ ਦੁਆਰਾ ਸੰਚਾਲਿਤ AI ਚੈਟਬੋਟ ਨੇ 2022 ਦੇ ਅਖੀਰ ਵਿੱਚ ਦੁਨੀਆ ਵਿਚ ਤੁਫ਼ਾਨ ਲਿਆ ਦਿੱਤਾ ਹੈ। ਕੰਪਨੀ ਨੇ ਆਪਣਾ ਪਹਿਲਾ AI ਇਨੋਵੇਸ਼ਨ ਈਕੋਸਿਸਟਮ, Wipro ai360 ਵੀ ਲਾਂਚ ਕੀਤਾ, ਅਤੇ ਕਿਹਾ ਕਿ ਉਹ ਅਗਲੇ 12 ਮਹੀਨਿਆਂ ਵਿੱਚ ਆਪਣੇ ਲਗਭਗ 250,000 ਕਰਮਚਾਰੀਆਂ ਨੂੰ AI 'ਤੇ ਸਿਖਲਾਈ ਦੇਵੇਗੀ।

ਇਹ ਵੀ ਪੜ੍ਹੋ : ਜੇਕਰ ਬਰਸਾਤ ਦੇ ਪਾਣੀ 'ਚ ਡੁੱਬ ਜਾਵੇ ਤੁਹਾਡਾ ਵਾਹਨ, ਤਾਂ ਬੀਮਾ ਕਵਰ ਲੈਣ ਲਈ ਇਨ੍ਹਾਂ ਗੱਲਾਂ ਦਾ ਰੱਖੋ ਧਿਆਨ

ਵਿਪਰੋ ਦੇ ਸੀਈਓ ਥੀਏਰੀ ਡੇਲਾਪੋਰਟ ਨੇ ਕਿਹਾ, "ਖਾਸ ਤੌਰ 'ਤੇ ਜਨਰੇਟਿਵ AI ਨੂੰ ਅਪਣਾਉਣ ਨਾਲ, ਅਸੀਂ ਸਾਰੇ ਉਦਯੋਗਾਂ ਲਈ ਇੱਕ ਬੁਨਿਆਦੀ ਤਬਦੀਲੀ ਦੀ ਉਮੀਦ ਕਰਦੇ ਹਾਂ।" ਕੰਪਨੀ ਏਆਈ-ਕੇਂਦ੍ਰਿਤ ਸਟਾਰਟਅੱਪਸ ਨੂੰ 'ਐਂਟਰਪ੍ਰਾਈਜ਼ ਤਿਆਰ' ਬਣਨ ਲਈ ਲੋੜੀਂਦੀ ਸਿਖਲਾਈ ਪ੍ਰਦਾਨ ਕਰਨ ਲਈ ਇੱਕ GenAI ਸੀਡ ਐਕਸਲੇਟਰ ਪ੍ਰੋਗਰਾਮ ਲਾਂਚ ਕਰੇਗੀ।

ਤੁਹਾਨੂੰ ਦੱਸ ਦੇਈਏ ਕਿ ਵਿਪਰੋ ਨੇ ਇਸ ਗੱਲ ਦਾ ਐਲਾਨ ਅਜਿਹੇ ਸਮੇਂ ਕੀਤਾ ਜਦੋਂ ਵਿਰੋਧੀ ਕੰਪਨੀ ਟਾਟਾ ਕੰਸਲਟੈਂਸੀ ਸਰਵਿਸਿਜ਼ ਨੇ ਘੋਸ਼ਣਾ ਕੀਤੀ ਕਿ ਉਹ ਮਾਈਕ੍ਰੋਸਾਫਟ ਦੇ ਅਜ਼ੂਰ ਓਪਨ ਏਆਈ 'ਤੇ ਪ੍ਰਮਾਣਿਤ ਹੋਣ ਲਈ 25,000 ਇੰਜੀਨੀਅਰਾਂ ਨੂੰ ਸਿਖਲਾਈ ਦੇਣ ਦੀ ਯੋਜਨਾ ਬਣਾ ਰਹੀ ਹੈ।

ਇਹ ਵੀ ਪੜ੍ਹੋ : ਤੁਸੀਂ ਵੀ ਭੇਜਦੇ ਹੋ Thumps Up Emoji ਤਾਂ ਹੋ ਜਾਓ ਸਾਵਧਾਨ... ਕਿਤੇ ਅਜਿਹੇ ਮਾਮਲੇ 'ਚ ਨਾ ਫਸ ਜਾਓ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8