ਭਾਰਤ 'ਚ ਕਿਹੜਾ ਫੋਨ ਸਭ ਤੋਂ ਵੱਧ ਵਿਕਿਆ? ਨਵੀਂ List ਜਾਰੀ

ਨਵੀਂ ਦਿੱਲੀ- Apple ਦੇ CEO ਟਿਮ ਕੁੱਕ ਨੇ ਸ਼ੁੱਕਰਵਾਰ ਨੂੰ ਕਿਹਾ ਕਿ ਕੰਪਨੀ ਨੇ ਅਕਤੂਬਰ ਤੋਂ ਦਸੰਬਰ 2024 ਦੇ ਵਿਚਕਾਰ ਭਾਰਤ ਵਿੱਚ ਰਿਕਾਰਡ ਤੋੜ ਵਿਕਰੀ ਕੀਤੀ। ਇਸ ਤਿਮਾਹੀ ਵਿੱਚ iPhone ਭਾਰਤ ਵਿੱਚ ਸਭ ਤੋਂ ਵੱਧ ਵਿਕਣ ਵਾਲਾ ਸਮਾਰਟਫੋਨ ਮਾਡਲ ਬਣ ਗਿਆ। ਟਿਮ ਕੁੱਕ ਨੇ ਕੰਪਨੀ ਦੀ ਅਰਨਿੰਗ ਕਾਲ ਦੌਰਾਨ ਕਿਹਾ, 'ਇਸ ਤਿਮਾਹੀ ਵਿੱਚ ਭਾਰਤ ਵਿੱਚ iPhone ਸਭ ਤੋਂ ਵੱਧ ਵਿਕਣ ਵਾਲਾ ਮਾਡਲ ਸੀ। ਭਾਰਤ ਦੁਨੀਆ ਦਾ ਦੂਜਾ ਸਭ ਤੋਂ ਵੱਡਾ ਸਮਾਰਟਫੋਨ ਬਾਜ਼ਾਰ ਅਤੇ ਤੀਜਾ ਸਭ ਤੋਂ ਵੱਡਾ ਪੀਸੀ ਅਤੇ ਟੈਬਲੇਟ ਬਾਜ਼ਾਰ ਹੈ। ਇਨ੍ਹਾਂ ਬਾਜ਼ਾਰਾਂ ਵਿੱਚ ਸਾਡਾ ਅਜੇ ਵੀ ਬਹੁਤ ਘੱਟ ਹਿੱਸਾ ਹੈ, ਇਸ ਲਈ ਮੈਨੂੰ ਲੱਗਦਾ ਹੈ ਕਿ ਅੱਗੇ ਬਹੁਤ ਸੰਭਾਵਨਾਵਾਂ ਹਨ।' ਟਿਮ ਕੁੱਕ ਨੇ ਅੱਗੇ ਕਿਹਾ ਕਿ ਇੱਕ ਤਾਜ਼ਾ ਸਰਵੇਖਣ ਦੇ ਅਨੁਸਾਰ, ਦਸੰਬਰ ਤਿਮਾਹੀ ਦੌਰਾਨ iPhone ਅਮਰੀਕਾ, ਸ਼ਹਿਰੀ ਚੀਨ, ਭਾਰਤ, ਯੂਕੇ, ਫਰਾਂਸ, ਆਸਟ੍ਰੇਲੀਆ ਅਤੇ ਜਾਪਾਨ ਵਿੱਚ ਵੀ ਸਭ ਤੋਂ ਵੱਧ ਵਿਕਣ ਵਾਲਾ ਮਾਡਲ ਸੀ।

ਇਹ ਵੀ ਪੜ੍ਹੋ: ਅੰਤਰਰਾਸ਼ਟਰੀ ਪੁਲਾੜ ਸਟੇਸ਼ਨ ਜਾਣ ਵਾਲੇ ਪਹਿਲੇ ਭਾਰਤੀ ਹੋਣਗੇ ਸ਼ੁਭਾਂਸ਼ੂ ਸ਼ੁਕਲਾ, ਨਾਸਾ ਨੇ ਕੀਤਾ ਐਲਾਨ

ਭਾਰਤੀ ਸਮਾਰਟਫੋਨ ਬਾਜ਼ਾਰ ਵਿੱਚ Apple ਦੀ ਸਥਿਤੀ

2024 ਵਿੱਚ Apple ਨੇ ਮੁੱਲ ਦੇ ਮਾਮਲੇ ਵਿੱਚ ਭਾਰਤੀ ਸਮਾਰਟਫੋਨ ਬਾਜ਼ਾਰ ਦੀ ਅਗਵਾਈ ਕੀਤੀ, ਜਿਸ ਦੀ ਹਿੱਸੇਦਾਰੀ 23 ਫੀਸਦੀ ਸੀ। ਇਸ ਤੋਂ ਬਾਅਦ ਸੈਮਸੰਗ 22 ਫੀਸਦੀ, ਵੀਵੋ 16 ਫੀਸਦੀ, ਓਪੋ 14 ਫੀਸਦੀ ਅਤੇ ਸ਼ੀਓਮੀ 9 ਫੀਸਦੀ 'ਤੇ ਸਨ। ਹਾਲਾਂਕਿ, ਮਾਤਰਾ ਦੇ ਮਾਮਲੇ ਵਿੱਚ ਵੀਵੋ ਨੇ 19 ਫੀਸਦੀ ਹਿੱਸੇਦਾਰੀ ਨਾਲ ਭਾਰਤੀ ਬਾਜ਼ਾਰ ਦੀ ਅਗਵਾਈ ਕੀਤੀ, ਉਸ ਤੋਂ ਬਾਅਦ Xiaomi 17 ਫੀਸਦੀ, ਸੈਮਸੰਗ 16 ਫੀਸਦੀ ਅਤੇ ਓਪੋ 15 ਫੀਸਦੀ ਸਨ। ਅਕਤੂਬਰ-ਦਸੰਬਰ ਤਿਮਾਹੀ ਵਿੱਚ, ਵੀਵੋ 20 ਫੀਸਦੀ ਹਿੱਸੇਦਾਰੀ ਨਾਲ ਪਹਿਲੇ ਸਥਾਨ 'ਤੇ ਰਿਹਾ, ਉਸ ਤੋਂ ਬਾਅਦ ਸ਼ੀਓਮੀ 16 ਫੀਸਦੀ, ਸੈਮਸੰਗ 15 ਫੀਸਦੀ, ਓਪੋ 14 ਫੀਸਦੀ ਅਤੇ Apple 11 ਫੀਸਦੀ ਹਿੱਸੇਦਾਰੀ ਨਾਲ ਦੂਜੇ ਸਥਾਨ 'ਤੇ ਰਿਹਾ ਸੀ।

ਇਹ ਵੀ ਪੜ੍ਹੋ: ਕੈਨੇਡਾ 'ਚ 6 ਪੰਜਾਬੀ ਨੌਜਵਾਨ ਗ੍ਰਿਫਤਾਰ, ਵਜ੍ਹਾ ਜਾਣ ਹੋ ਜਾਓਗੇ ਹੈਰਾਨ

Apple ਦੀ ਭਾਰਤ ਵਿੱਚ ਵੱਧ ਰਹੀ ਦਿਲਚਸਪੀ

ਕੁੱਕ ਨੇ ਕਿਹਾ ਕਿ Apple ਭਾਰਤ ਬਾਰੇ "ਖਾਸ ਤੌਰ 'ਤੇ ਉਤਸ਼ਾਹਿਤ" ਹੈ। ਭਾਰਤ ਨੇ ਦਸੰਬਰ ਤਿਮਾਹੀ ਵਿੱਚ ਇੱਕ ਨਵਾਂ ਰਿਕਾਰਡ ਕਾਇਮ ਕੀਤਾ ਅਤੇ ਕੰਪਨੀ ਇੱਥੇ 4 ਨਵੇਂ ਸਟੋਰ ਖੋਲ੍ਹਣ ਜਾ ਰਹੀ ਹੈ। Apple ਦੇ ਇਸ ਸਮੇਂ ਮੁੰਬਈ ਅਤੇ ਨਵੀਂ ਦਿੱਲੀ ਵਿੱਚ ਦੋ ਸਟੋਰ ਹਨ। ਅਪ੍ਰੈਲ ਵਿੱਚ, Apple "Apple ਇੰਟੈਲੀਜੈਂਸ" ਨੂੰ ਹੋਰ ਭਾਸ਼ਾਵਾਂ ਵਿੱਚ ਲਿਆਉਣ ਲਈ ਤਿਆਰ ਹੈ, ਜਿਸ ਵਿੱਚ ਭਾਰਤ ਲਈ ਸਥਾਨਕ ਅੰਗਰੇਜ਼ੀ ਵੀ ਸ਼ਾਮਲ ਹੈ।

ਇਹ ਵੀ ਪੜ੍ਹੋ: ਸੁਨਹਿਰੀ ਭਵਿੱਖ ਲਈ US ਗਏ ਭਾਰਤੀ ਨੌਜਵਾਨ ਦੀ ਸੜਕ ਹਾਦਸੇ 'ਚ ਮੌਤ, ਕਾਰ ਨੂੰ ਟਰੱਕ ਨੇ ਮਾਰੀ ਟੱਕਰ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8