New Year ਦੀ ਸ਼ਾਮ WhatsApp ਨੇ ਕੀਤੀ ਵੱਡੀ ਗਲਤੀ, ਫਿਰ ਸਰਕਾਰ ਤੋਂ ਮੰਗੀ ਮੁਆਫ਼ੀ...

ਨਵੀਂ ਦਿੱਲੀ : ਸੂਚਨਾ ਤਕਨਾਲੋਜੀ ਮੰਤਰੀ ਰਾਜੀਵ ਚੰਦਰਸ਼ੇਖਰ ਨੇ ਸ਼ਨੀਵਾਰ ਨੂੰ ਭਾਰਤ ਦਾ ਗਲਤ ਨਕਸ਼ਾ ਦਿਖਾਉਣ ਵਾਲੇ ਵੀਡੀਓ ਨੂੰ ਟਵੀਟ ਕਰਨ 'ਤੇ ਵਟਸਐਪ ਦੀ ਖਿਚਾਈ ਕੀਤੀ। ਮੰਤਰੀ ਰਾਜੀਵ ਚੰਦਰਸ਼ੇਖਰ ਦੀ ਫਟਕਾਰ ਤੋਂ ਬਾਅਦ ਵਟਸਐਪ ਨੇ ਉਸ ਟਵੀਟ ਨੂੰ ਡਿਲੀਟ ਕਰ ਦਿੱਤਾ ਅਤੇ ਮੁਆਫੀ ਮੰਗੀ। ਨਵੇਂ ਸਾਲ ਦੀ ਪੂਰਵ ਸੰਧਿਆ 'ਤੇ, WhatsApp ਨੇ ਇੱਕ ਲਾਈਵ ਸਟ੍ਰੀਮ ਲਿੰਕ ਸ਼ੇਅਰ ਕੀਤਾ ਸੀ ਅਤੇ ਇਸ ਲਿੰਕ ਵਿੱਚ ਭਾਰਤ ਦਾ ਗਲਤ ਨਕਸ਼ਾ ਸੀ, ਜਿਸ ਵਿਚ ਜੰਮੂ-ਕਸ਼ਮੀਰ ਦਾ ਦੇ ਸਬੰਧ ਵਿਚ ਭਾਰਤ ਦਾ ਗਲਤ ਨਕਸ਼ਾ ਸਾਂਝਾ ਕੀਤਾ ਗਿਆ ਸੀ।

ਇਹ ਵੀ ਪੜ੍ਹੋ : ਸਾਲ 2023 : ਅੱਜ ਤੋਂ ਬਦਲ ਜਾਣਗੇ ਕਈ ਨਿਯਮ, ਬੈਂਕ ਲਾਕਰ-ਕ੍ਰੈਡਿਟ ਕਾਰਡ ਸਮੇਤ ਕਈ ਸੈਕਟਰ 'ਚ ਹੋਣਗੇ ਬਦਲਾਅ

ਵਟਸਐਪ ਨੇ ਮੰਤਰੀ ਵੱਲੋਂ ਗਲਤੀ ਦੱਸਣ ਤੋਂ ਬਾਅਦ ਟਵੀਟ ਡਿਲੀਟ ਕਰ ਦਿੱਤਾ। ਬਾਅਦ ਵਿੱਚ, ਇੱਕ ਹੋਰ ਟਵੀਟ ਵਿੱਚ, ਵਟਸਐਪ ਨੇ ਕਿਹਾ, "ਅਣਜਾਣੇ ਵਿੱਚ ਹੋਈ ਗਲਤੀ ਵੱਲ ਧਿਆਨ ਦੇਣ ਲਈ ਮੰਤਰੀ ਦਾ ਧੰਨਵਾਦ।" ਅਸੀਂ ਇਸਨੂੰ ਤੁਰੰਤ ਹਟਾ ਦਿੱਤਾ ਹੈ। ਮੁਆਫ਼ੀ ਮੰਗਦੇ ਹਾਂ। ਅਸੀਂ ਭਵਿੱਖ ਵਿੱਚ ਧਿਆਨ ਰੱਖਾਂਗੇ।” ਇਸ ਹਫਤੇ ਦੇ ਸ਼ੁਰੂ ਵਿੱਚ, ਚੰਦਰਸ਼ੇਖਰ ਨੇ ਵੀਡੀਓ ਕਾਲਿੰਗ ਕੰਪਨੀ ਜ਼ੂਮ ਦੇ ਸੰਸਥਾਪਕ ਅਤੇ ਸੀਈਓ ਏਰਿਕ ਯੂਆਨ ਨੂੰ ਵੀ ਭਾਰਤ ਦੇ ਗਲਤ ਨਕਸ਼ੇ ਬਾਰੇ ਚਿਤਾਵਨੀ ਦਿੱਤੀ ਸੀ।

ਇਹ ਵੀ ਪੜ੍ਹੋ : EPFO: ਨਵੇਂ ਸਾਲ ਤੋਂ ਪਹਿਲਾਂ ਪੈਨਸ਼ਨਰਾਂ ਨੂੰ ਤੋਹਫ਼ਾ, ਇਨ੍ਹਾਂ ਲੋਕਾਂ ਨੂੰ ਮਿਲੇਗੀ ਵਧੀ ਹੋਈ ਪੈਨਸ਼ਨ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।