WhatsApp ਨੇ ਭੇਜਿਆ ਹੈ ਇਕ ਮੈਸੇਜ, ਨਹੀਂ ਪੜ੍ਹਿਆ ਤਾਂ ਹੁਣੇ ਕਰੋ ਚੈੱਕ, ਨਹੀਂ ਤਾਂ ਵਧ ਸਕਦੀ ਹੈ ਮੁਸੀਬਤ

ਨਵੀਂ ਦਿੱਲੀ - ਵਾਟਸਐਪ ਅੱਜਕਲ੍ਹ ਆਪਣੇ ਉਪਭੋਗਤਾਵਾਂ ਨੂੰ ਇਕ ਮਹੱਤਵਪੂਰਣ ਸੰਦੇਸ਼(ਮੈਸੇਜ) ਭੇਜ ਰਿਹਾ ਹੈ। ਜੇ ਤੁਸੀਂ ਵੀ ਵਾਟਸਐਪ ਦੀ ਵਰਤੋਂ ਕਰਦੇ ਹੋ ਅਤੇ ਤੁਸੀਂ ਅਜੇ ਤੱਕ ਇਸ​ ਰੀਮਾਈਂਡਰ(ਮੈਸੇਜ) 'ਤੇ ਧਿਆਨ ਨਹੀਂ ਦਿੱਤਾ ਹੈ, ਤਾਂ ਸ਼ਾਇਦ ਤੁਸੀਂ ਆਉਣ ਵਾਲੇ ਦਿਨਾਂ ਯਾਨੀ 15 ਮਈ ਤੋਂ ਵਾਟਸਐਪ ਦੀ ਵਰਤੋਂ ਨਾ ਕਰ ਸਕੋ। ਅਜਿਹਾ ਇਸ ਲਈ ਹੈ ਕਿਉਂਕਿ ਆਪਣੀ ਨਵੀਂ ਗੋਪਨੀਯਤਾ ਨੀਤੀ ਦੇ ਤਹਿਤ, WhatsApp ਨੇ ਆਪਣੇ ਉਪਭੋਗਤਾਵਾਂ ਨੂੰ ਨੋਟੀਫਿਕੇਸ਼ਨ ਭੇਜਣਾ ਸ਼ੁਰੂ ਕਰ ਦਿੱਤਾ ਹੈ। ਇਸ ਨੋਟੀਫਿਕੇਸ਼ਨ ਦੇ ਤਹਿਤ ਉਪਭੋਗਤਾਵਾਂ ਲਈ ਇਹ ਗੋਪਨੀਯਤਾ ਨੀਤੀ ਸਵੀਕਾਰ ਕਰਨਾ ਲਾਜ਼ਮੀ ਹੋਵੇਗਾ, ਤਾਂ ਹੀ ਉਹ ਭਵਿੱਖ ਵਿਚ ਵੀ ਵਟਸਐਪ ਦੀ ਵਰਤੋਂ ਕਰਨਾ ਜਾਰੀ ਰੱਖ ਸਕਣਗੇ।

ਇਹ ਵੀ ਪੜ੍ਹੋ : ਰੂਸ ’ਚ ਹੋਈ 5ਜੀ ਦੀ ਸ਼ੁਰੂਆਤ! ਪਾਕਿਸਤਾਨ ਨੇ ਵੀ ਦੱਸੀ ਲਾਂਚ ਦੀ ਤਰੀਖ਼

ਵਾਟਸਐਪ ਦੇ ਮੈਸੇਜ ਬਾਰੇ

ਵਾਟਸਐਪ ਵਲੋਂ ਨੋਟੀਫਿਕੇਸ਼ਨ ਭੇਜਿਆ ਜਾ ਰਿਹਾ ਹੈ, ਇਸ ਵਿੱਚ ਸਪੱਸ਼ਟ ਤੌਰ ਤੇ ਲਿਖਿਆ ਗਿਆ ਹੈ ਕਿ ਤੁਹਾਡੀ ਨਿੱਜੀ ਗੱਲਬਾਤ ਦੀ ਗੋਪਨੀਯਤਾ ਨੂੰ ਵਾਟਸਐਪ ਨਹੀਂ ਬਦਲ ਰਿਹਾ ਹੈ ਅਤੇ ਨਾ ਹੀ ਉਪਭੋਗਤਾਵਾਂ ਦੀ ਨਿਜੀ ਗੱਲਬਾਤ ਨੂੰ ਪੜ੍ਹਿਆ ਜਾਏਗਾ ਕਿਉਂਕਿ ਉਹ ਐਂਡ-ਟੂ-ਐਂਡ ਐਨਕ੍ਰਿਪਟਡ ਹਨ ਅਤੇ ਨਵੇਂ ਅਪਡੇਟਸ ਜਾਰੀ ਹੋਣ ਤੋਂ ਬਾਅਦ ਵੀ ਇਸੇ ਤਰ੍ਹਾਂ ਹੀ ਰਹੇਗਾ। ਇਸ ਦੇ ਨਾਲ ਹੀ ਇਹ ਵੀ ਲਿਖਿਆ ਆ ਰਿਹਾ ਹੈ ਕਿ ਨਵਾਂ ਅਪਡੇਟ ਕਾਰੋਬਾਰਾਂ ਲਈ ਫੇਸਬੁੱਕ ਟੂਲ ਦੀ ਵਰਤੋਂ ਨਾਲ ਗੱਲਬਾਤ ਕਰਨਾ ਸੌਖਾ ਬਣਾ ਦੇਵੇਗਾ, ਵਪਾਰ ਨਾਲ ਗੱਲਬਾਤ ਕਰਨਾ ਵਿਕਲਪਿਕ ਹੈ ਅਤੇ ਇਸ ਨੂੰ ਐਪ ਵਿਚ ਲੇਬਲ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ : MG ਮੋਟਰ ਦੀ ਪਹਿਲ, ਜਨਾਨੀਆਂ ਲਈ ਲਿਆਂਦਾ ਇਹ ਵਿਸ਼ੇਸ਼ ਪ੍ਰੋਗਰਾਮ, ਜਾਣੋ ਇਸ ਦੀ ਖ਼ਾਸੀਅਤ

ਮੈਸੇਜ ਸਵੀਕਾਰ ਨਾ ਕਰਨ 'ਤੇ ਕੀ ਹੋਵੇਗਾ?

ਵਾਟਸਐਪ ਦੀ ਨਵੀਂ ਨੀਤੀ ਬਾਰੇ ਲੰਮੇ ਸਮੇਂ ਤੋਂ ਚਰਚਾ ਹੋ ਰਹੀ ਹੈ ਅਤੇ ਹੁਣ ਨੋਟੀਫਿਕੇਸ਼ਨ ਆਉਣਾ ਸ਼ੁਰੂ ਹੋ ਗਿਆ ਹੈ। ਹੁਣ ਵਾਟਸਐਪ ਨੇ ਨਵੀਂ ਨੀਤੀ ਬਾਰੇ ਮੈਸੇਜ ਭੇਜ ਕੇ ਉਪਭੋਗਤਾਵਾਂ ਦੀ ਰਾਏ ਜਾਣਨ ਲਈ ਉਪਭੋਗਤਾਵਾਂ ਨੂੰ 15 ਮਈ ਤੱਕ ਦਾ ਸਮਾਂ ਦਿੱਤਾ ਹੈ। ਵਾਟਸਐਪ ਆਪਣੀ ਤਰਫੋਂ ਇਸ ਨੀਤੀ ਬਾਰੇ ਸਾਰੀਆਂ ਚੀਜ਼ਾਂ ਨੂੰ ਵੀ ਸਾਫ ਕਰ ਰਿਹਾ ਹੈ ਤਾਂ ਜੋ ਉਪਭੋਗਤਾਵਾਂ ਦੇ ਮਨਾਂ ਵਿਚ ਕੋਈ ਉਲਝਣ ਨਾ ਰਹੇ। ਜ਼ਿਕਰਯੋਗ ਹੈ ਕਿ ਉਪਭੋਗਤਾਵਾਂ ਦਰਮਿਆਨ ਇਹ ਚਰਚਾ ਹੈ ਕਿ ਇਸ ਨੀਤੀ ਨੂੰ ਸਵੀਕਾਰਨ ਤੋਂ ਬਾਅਦ ਉਪਭੋਗਤਾਵਾਂ ਦੀ ਕੋਈ ਗੱਲ ਨਿਜੀ ਨਹੀਂ ਰਹੇਗੀ। ਹੁਣ ਜੇ ਤੁਸੀਂ ਸਮਾਂ ਸੀਮਾ ਮਿਆਦ ਦੇ ਅੰਦਰ ਨਿਯਮ ਅਤੇ ਸ਼ਰਤਾਂ ਨੂੰ ਸਵੀਕਾਰ ਨਹੀਂ ਕੀਤਾ ਤਾਂ ਤੁਸੀਂ ਸ਼ੁਰੂਆਤ ਵਿਚ ਕੁਝ ਦਿਨਾਂ ਲਈ ਸਿਰਫ ਵਟਸਐਪ ਕਾਲਾਂ ਅਤੇ ਨੋਟੀਫਿਕੇਸ਼ਨਾਂ ਨੂੰ ਵੇਖ ਸਕੋਗੇ ਪਰ ਕੁਝ ਸਮੇਂ ਲਈ, ਤੁਸੀਂ ਸੁਨੇਹੇ ਨਾ ਪੜ੍ਹ ਸਕੋਗੇ ਅਤੇ ਨਾ ਕਿਸੇ ਨੂੰ ਮੈਸੇਜ ਕਰ ਸਕੋਗੇ।

ਇਹ ਵੀ ਪੜ੍ਹੋ : Paytm ਧਮਾਕਾ, ਮੋਬਾਈਲ ਰੀਚਾਰਜ ਅਤੇ ਬਿੱਲ ਭੁਗਤਾਨ 'ਤੇ ਮਿਲੇਗਾ 1000 ਰੁਪਏ ਤੱਕ ਦਾ ਰਿਵਾਰਡ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਸਾਂਝੇ ਕਰੋ।