ਹੁਣ ਬਿਨਾਂ ਫ਼ੋਨ ਤੋਂ ਹੋਵੇਗੀ Online Payment! UPI 'ਚ ਹੋਣ ਜਾ ਰਿਹੈ ਵੱਡਾ ਬਦਲਾਅ

ਵੈੱਬ ਡੈਸਕ: ਭਾਰਤ ਦੇ ਯੂਨੀਫਾਈਡ ਪੇਮੈਂਟਸ ਇੰਟਰਫੇਸ (UPI) ਵਿਚ ਜਲਦੀ ਹੀ ਇਕ ਵੱਡਾ ਬਦਲਾਅ ਹੋਣ ਜਾ ਰਿਹਾ ਹੈ। ਇਸ ਨਾਲ ਤੁਸੀਂ ਫ਼ੋਨ 'ਤੇ ਬੈਂਕਿੰਗ ਐਪ ਜਾਂ UPI ਐਪ ਖੋਲ੍ਹੇ ਬਿਨਾਂ ਆਪਣੇ ਸਮਾਰਟ ਡਿਵਾਈਸਾਂ ਜਿਵੇਂ ਕਿ ਟੀ. ਵੀ., ਸਮਾਰਟਵਾਚ, ਕਾਰ ਆਦਿ ਤੋਂ ਭੁਗਤਾਨ ਕਰ ਸਕੋਗੇ। ਸੂਤਰਾਂ ਅਨੁਸਾਰ, ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ਼ ਇੰਡੀਆ (NPCI) UPI ਦਾ ਇਕ ਇੰਟਰਨੈੱਟ-ਆਫ-ਥਿੰਗਜ਼ (IoT) ਸੰਸਕਰਣ ਵਿਕਸਤ ਕਰ ਰਿਹਾ ਹੈ ਜੋ ਸਮਾਰਟ ਡਿਵਾਈਸਾਂ ਰਾਹੀਂ ਸਵੈਚਾਲਿਤ ਭੁਗਤਾਨਾਂ ਦੀ ਸਹੂਲਤ ਦੇਵੇਗਾ।

ਇਹ ਖ਼ਬਰ ਵੀ ਪੜ੍ਹੋ - ਵੱਡੀ ਖ਼ਬਰ: ਕਬੱਡੀ ਖਿਡਾਰੀ ਨੂੰ ਸਾਰੇ ਸ਼ਹਿਰ 'ਚ ਲੱਭਦੀ ਰਹੀ ਪੁਲਸ, 3 ਦਿਨ ਬਾਅਦ ਥਾਣੇ ਦੀ ਛੱਤ ਤੋਂ ਹੀ ਮਿਲੀ ਲਾਸ਼

ਇਸ ਅਪਗ੍ਰੇਡ ਨਾਲ, ਰੈਫ੍ਰਿਜਰੇਟਰ, ਵਾਸ਼ਿੰਗ ਮਸ਼ੀਨਾਂ, ਕਨੈਕਟਡ ਕਾਰਾਂ ਅਤੇ ਇੱਥੋਂ ਤੱਕ ਕਿ ਸਮਾਰਟਵਾਚ ਵਰਗੇ ਸਮਾਰਟ ਡਿਵਾਈਸ ਆਪਣੇ ਆਪ UPI ਭੁਗਤਾਨ ਕਰਨ ਦੇ ਯੋਗ ਹੋਣਗੇ। ਜਿਵੇਂ ਕਿ ਆਉਣ ਵਾਲੇ ਸਮੇਂ ਵਿਚ ਇਹ ਵੀ ਸੰਭਵ ਹੋ ਸਕਦਾ ਹੈ ਕਿ ਕਾਰ ਆਪਣੇ ਪਾਰਕਿੰਗ ਚਾਰਜ ਆਪਣੇ ਆਪ ਭੁਗਤਾਨ ਕਰੇ, ਸਮਾਰਟ ਟੀ. ਵੀ. ਆਪਣੇ Subscriptions ਦਾ ਭੁਗਤਾਣ ਆਪਣੇ ਆਪ ਕਰ ਲਵੇ।

ਇਹ ਖ਼ਬਰ ਵੀ ਪੜ੍ਹੋ - ਪੰਜਾਬ 'ਚ ਸਰਕਾਰੀ ਬੱਸਾਂ 'ਤੇ ਸਫ਼ਰ ਕਰਨ ਵਾਲੀਆਂ ਬੀਬੀਆਂ ਲਈ ਵੱਡੀ ਖ਼ਬਰ! ਹੋ ਗਿਆ ਨਵਾਂ ਐਲਾਨ

ਨਵੇਂ ਸਿਸਟਮ ਅਤੇ ਮੌਜੂਦਾ ਸਿਸਟਮ ਵਿਚ ਸਭ ਤੋਂ ਵੱਡਾ ਫ਼ਰਕ ਹਰ ਕਿਸਮ ਦੇ ਗੈਜੇਟਸ 'ਤੇ ਭੁਗਤਾਨ ਕਰਨ ਦੀ ਯੋਗਤਾ ਹੈ। ਇਹ ਫ਼ੀਚਰ NPCI ਦੀ ਸਾਲਾਨਾ ਨਵੀਨਤਾ ਯੋਜਨਾ ਦਾ ਹਿੱਸਾ ਹੈ। ਹਾਲਾਂਕਿ, UPI ਸਰਕਲਾਂ ਅਤੇ ਆਟੋਪੇ ਨਾਲ ਜੁੜੇ ਨਵੇਂ ਫੀਚਰਜ਼ ਦੇ ਨਾਲ, ਡਿਵਾਈਸ ਪ੍ਰਾਇਮਰੀ ਉਪਭੋਗਤਾ ਦੁਆਰਾ ਆਦੇਸ਼ ਦਿੱਤੇ ਜਾਣ 'ਤੇ UPI ਲੈਣ-ਦੇਣ ਕਰਨ ਦੇ ਯੋਗ ਹੋਣਗੇ। ਸੂਤਰਾਂ ਨੇ ਸੰਕੇਤ ਦਿੱਤਾ ਕਿ ਇਕ ਡਿਵਾਈਸ ਨੂੰ ਜੋੜਨ ਲਈ ਵਨ ਟਾਈਮ ਪਾਸਵਰਡ (OTP) ਦੀ ਲੋੜ ਹੋ ਸਕਦੀ ਹੈ। ਫ਼ਿਲਹਾਲ ਭੁਗਤਾਣ ਸਬੰਧੀ ਖ਼ਤਰਿਆਂ ਦੇ ਮੱਦੇਨਜ਼ਰ ਇਸ ਬਾਰੇ ਪੁਖ਼ਤਾ ਹੱਲ ਕਰਨ ਬਾਰੇ ਚਰਚਾ ਕੀਤੀ ਜਾ ਰਹੀ ਹੈ। ਮੀਡੀਆ ਰਿਪੋਰਟਾਂ ਮੁਤਾਬਕ ਨਵੇਂ ਡਿਵਾਈਸਿਜ਼ ਨੂੰ ਇਕ ਵੱਖਰੀ UPI ID ਵੀ ਦਿੱਤੀ ਜਾ ਸਕਦੀ ਹੈ, ਜਿਸ ਵਿਚ ਭੁਗਤਾਣ ਬਾਰੇ ਉਪਭੋਗਤਾ ਕੋਲ ਵੱਖਰੇ ਨਿਰਦੇਸ਼ ਤੇ ਆਟੋਪੇ ਬਾਰੇ ਚੋਣ ਕਰਨ ਦੀ ਆਪਸ਼ਨ ਹੋਵੇਗੀ। 

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8