ਦੋ ਰੂਸੀ ਬੈਂਕਾਂ ਨੂੰ ਮਿਲੀ ਵਿਸ਼ੇਸ਼ ਵੋਸਟ੍ਰੋ ਖਾਤਿਆਂ ਲਈ RBI ਦੀ ਮਨਜ਼ੂਰੀ

ਬਿਜਨੈੱਸ ਡੈਸਕ- ਭਾਰਤੀ ਰਿਜ਼ਰਵ ਬੈਂਕ (ਆਰ.ਬੀ.ਆਈ.) ਨੇ ਦੋ ਰੂਸੀ ਬੈਂਕਾਂ ਨੂੰ ਰੁਪਏ ਦੇ ਵਪਾਰ ਲਈ ਵਿਸ਼ੇਸ਼ ਵੋਸਟ੍ਰੋ ਖਾਤਾ ਖੋਲ੍ਹਣ ਲਈ ਆਪਣੀ ਮਨਜ਼ੂਰੀ ਦੇ ਦਿੱਤੀ ਹੈ। Sberbank, ਜੇ.ਐੱਸ.ਸੀ. ਵੀ.ਟੀ.ਬੀ. ਰੂਸ ਦਾ ਸਭ ਤੋਂ ਵੱਡਾ ਅਤੇ ਦੂਜਾ ਸਭ ਤੋਂ ਵੱਡਾ ਬੈਂਕ-ਕੇਂਦਰੀ ਬੈਂਕ ਵਲੋਂ ਜੁਲਾਈ 'ਚ ਆਈ.ਐੱਨ.ਆਰ ਵਪਾਰ 'ਤੇ ਮਾਨਦੰਡਾਂ ਦੀ ਘੋਸ਼ਣਾ ਤੋਂ ਬਾਅਦ ਇਹ ਮਨਜ਼ੂਰੀ ਪ੍ਰਾਪਤ ਕਰਨ ਵਾਲੇ ਪਹਿਲੇ ਵਿਦੇਸ਼ੀ ਕਰਜ਼ਦਾਤਾ ਹਨ। ਦੋਵੇਂ ਉਧਾਰਦਾਤਿਆਂ ਦੀ ਭਾਰਤ 'ਚ ਬ੍ਰਾਂਚ ਮੌਜੂਦ ਹੈ। ਇਸ ਮਹੀਨੇ ਦੀ ਸ਼ੁਰੂਆਤ 'ਚ ਸੂਬੇ ਵਲੋਂ ਸੰਚਾਲਿਤ ਯੂਕੋ ਬੈਂਕ ਨੂੰ ਰੂਸ ਦੇ ਗਜ਼ਪ੍ਰੋਮ ਬੈਂਕ ਦੇ ਨਾਲ ਇਕ ਵਿਸ਼ੇਸ਼ ਵੋਸਟ੍ਰੋ ਖਾਤਾ ਖੋਲ੍ਹਣ ਲਈ ਆਰ.ਬੀ.ਆਈ. ਦੀ ਮਨਜ਼ੂਰੀ ਮਿਲੀ ਸੀ। ਜਦਕਿ ਕੋਲਕਾਤਾ ਸਥਿਤ ਕਰਜ਼ਦਾਤਾ ਖਾਤਾ ਖੋਲ੍ਹਣ ਦੀ ਪ੍ਰਕਿਰਿਆ 'ਚ ਹਨ। ਬੈਂਕ ਨੂੰ ਇਸ ਤਰ੍ਹਾਂ ਦਾ ਖਾਤਾ ਖੋਲ੍ਹਣ ਲਈ ਵੱਖ-ਵੱਖ ਵਿਦੇਸ਼ੀ ਕਰਜ਼ਦਾਤਿਆਂ ਤੋਂ ਅਨੁਰੋਧ ਪ੍ਰਾਪਤ ਹੋਇਆ ਹੈ। 
11 ਜੁਲਾਈ ਨੂੰ ਕੇਂਦਰੀ ਬੈਂਕ ਨੇ ਭਾਰਤ 'ਚ ਬੈਂਕਾਂ ਨੂੰ ਆਈ.ਐੱਨ.ਆਰ. ਵਪਾਰ ਲਈ ਵਿਸ਼ੇਸ਼ ਵੋਸਟ੍ਰੋ ਖੋਲ੍ਹਣ ਦੀ ਆਗਿਆ ਦਿੰਦੇ ਹੋਏ ਕਿਹਾ ਕਿ ਇਸ ਕਦਮ ਦਾ ਉਦੇਸ਼ ਭਾਰਤ ਤੋਂ ਨਿਰਯਾਤ 'ਤੇ ਜ਼ੋਰ ਦੇਣ ਦੇ ਨਾਲ ਗਲੋਬਲ ਵਪਾਰ ਦੇ ਵਿਕਾਸ ਨੂੰ ਵਾਧਾ ਦੇਣਾ ਅਤੇ ਗਲੋਬਲ ਵਪਾਰ ਭਾਈਚਾਰੇ ਦੀ ਵਧਦੀ ਰੂਚੀ ਦਾ ਸਮਰਥਨ ਕਰਨਾ ਸੀ।
ਆਰ.ਬੀ.ਆਈ. ਨੇ ਕਿਹਾ ਕਿ ਬੈਂਕਾਂ ਨੂੰ ਇਸ ਤਰ੍ਹਾਂ ਦੇ ਲੈਣ-ਦੇਣ ਕਰਨ ਤੋਂ ਪਹਿਲਾਂ ਮਨਜ਼ੂਰੀ ਲੈਣੀ ਹੋਵੇਗੀ ਅਤੇ ਦੋ ਵਪਾਰਕ ਸਾਂਝੇਦਾਰ ਦੇਸ਼ਾਂ ਦੀਆਂ ਮੁਦਰਾਵਾਂ ਦੇ ਵਿਚਾਲੇ ਵਿਨਿਯਮ ਦਰ ਬਾਜ਼ਾਰ ਨਿਰਧਾਰਿਤ ਹੋਣੀ ਚਾਹੀਦੀ ਹੈ।
1841 'ਚ ਸਥਾਪਿਤ Sberbank ਰੂਸ, ਮੱਧ ਅਤੇ ਪੂਰਬੀ ਯੂਰਪ 'ਚ ਸਭ ਤੋਂ ਵੱਡਾ ਬੈਂਕ ਹੈ ਅਤੇ ਰੂਸ 'ਚ 30 ਫੀਸਦੀ ਤੋਂ ਜ਼ਿਆਦਾ ਬਾਜ਼ਾਰ ਹਿੱਸੇਦਾਰੀ ਦੇ ਨਾਲ ਦੁਨੀਆ ਭਰ 'ਚ ਮੋਹਰੀ ਵਿੱਤੀ ਸੰਸਥਾਨਾਂ 'ਚੋਂ ਇਕ ਹੈ। 2010 'ਚ Sberbank ਨੂੰ ਨਵੀਂ ਦਿੱਲੀ 'ਚ ਬੈਂਕਿੰਗ ਸੰਚਾਲਨ ਲਈ ਲਾਈਸੈਂਸ ਦਿੱਤਾ ਗਿਆ ਸੀ। ਬੈਂਕ ਦੀ ਵੈੱਬਸਾਈਟ ਦੇ ਅਨੁਸਾਰ ਭਾਰਤ 'ਚ Sberbank ਬ੍ਰਾਂਚ ਦਾ ਮੁੱਖ ਉਦੇਸ਼ ਭਾਰਤ ਅਤੇ ਰੂਸ ਦੋ-ਪੱਖੀ ਵਪਾਰ ਨੂੰ ਆਸਾਨ ਬਣਾਉਣਾ ਅਤੇ ਇਸ ਖੇਤਰ Sberbank ਗਰੁੱਪ ਦੀ ਰਣਨੀਤਿਕ ਮੌਜੂਦਗੀ ਬਣਾਏ ਰੱਖਣਾ ਹੈ। ਬ੍ਰਾਂਚ ਦੇ ਮੁੱਖ ਫੋਕਸ ਖੇਤਰ ਰਿਮਿਟੈਂਸ, ਵਪਾਰ ਵਿੱਤ ਅਤੇ ਕਾਰਪੋਰੇਟ ਕਾਰੋਬਾਰ ਹਨ।