ਦੇਸ਼ ਦੇ ਸਭ ਤੋਂ ਅਮੀਰ ਪਰਿਵਾਰ ਅੰਬਾਨੀ, ਬਜਾਜ ਤੇ ਬਿਰਲਾ ਦੀ ਕੁੱਲ ਦੌਲਤ ਸਿੰਗਾਪੁਰ ਦੀ GDP ਦੇ ਬਰਾਬਰ

ਨਵੀਂ ਦਿੱਲੀ - ਦੇਸ਼ ਦੇ ਸਭ ਤੋਂ ਅਮੀਰ ਉਦਯੋਗਪਤੀ ਮੁਕੇਸ਼ ਅੰਬਾਨੀ ਦਾ ਪਰਿਵਾਰ ਦੇਸ਼ ਦਾ ਸਭ ਤੋਂ ਅਮੀਰ ਪਰਿਵਾਰ ਬਣ ਗਿਆ ਹੈ। ਬਾਰਕਲੇਜ਼-ਹੁਰੁਨ ਇੰਡੀਆ ਦੀ ਤਾਜ਼ਾ ਰਿਪੋਰਟ ਵਿੱਚ ਉਨ੍ਹਾਂ ਦੀ ਸੰਪਤੀ 25.75 ਲੱਖ ਕਰੋੜ ਰੁਪਏ ਦੱਸੀ ਗਈ ਹੈ, ਜੋ ਭਾਰਤ ਦੀ ਕੁੱਲ ਘਰੇਲੂ ਪੈਦਾਵਾਰ ਦੇ 10 ਫੀਸਦੀ ਦੇ ਬਰਾਬਰ ਹੈ। ਇਹ ਜਾਣਕਾਰੀ 8 ਅਗਸਤ ਨੂੰ ਜਾਰੀ ਇਕ ਰਿਪੋਰਟ ਵਿਚ ਦਿੱਤੀ ਗਈ ਹੈ। ਰਿਪੋਰਟ ਮੁਤਾਬਕ ਰਿਲਾਇੰਸ ਇੰਡਸਟਰੀਜ਼ ਦੀ ਅਗਵਾਈ 'ਚ ਇਹ ਪਰਿਵਾਰ ਮੁੱਖ ਤੌਰ 'ਤੇ ਊਰਜਾ, ਪ੍ਰਚੂਨ ਅਤੇ ਦੂਰਸੰਚਾਰ ਖੇਤਰਾਂ 'ਚ ਆਪਣਾ ਕਾਰੋਬਾਰ ਕਰਦਾ ਹੈ।

ਇਹ ਵੀ ਪੜ੍ਹੋ :   RBI ਦਾ ਵੱਡਾ ਫੈਸਲਾ, UPI ਰਾਹੀਂ Tax Payment ਦੀ Limit ਵਧਾਈ

ਅੰਬਾਨੀ ਪਰਿਵਾਰ ਤੋਂ ਬਾਅਦ ਸਭ ਤੋਂ ਵੱਧ ਦੌਲਤ ਵਾਲਾ ਕਾਰੋਬਾਰੀ ਪਰਿਵਾਰ ਬਜਾਜ ਹੈ, ਜਿਸ ਦੀ ਜਾਇਦਾਦ 7.13 ਲੱਖ ਕਰੋੜ ਰੁਪਏ ਹੈ। ਪੁਣੇ ਸਥਿਤ ਆਟੋਮੋਬਾਈਲ ਕਾਰੋਬਾਰੀ ਸਮੂਹ ਦੀ ਅਗਵਾਈ ਨੌਜਵਾਨ ਨੀਰਜ ਬਜਾਜ ਕਰ ਰਹੇ ਹਨ, ਜੋ ਬਜਾਜ ਪਰਿਵਾਰ ਦੀ ਤੀਜੀ ਪੀੜ੍ਹੀ ਹੈ।

ਬਿਰਲਾ ਪਰਿਵਾਰ ਜਾਇਦਾਦ ਦੇ ਮੁੱਲ ਦੇ ਮਾਮਲੇ ਵਿੱਚ ਤੀਜੇ ਨੰਬਰ 'ਤੇ ਹੈ। ਇਸ ਗਰੁੱਪ ਦੀ ਕਮਾਨ ਬਿਰਲਾ ਪਰਿਵਾਰ ਦੀ ਚੌਥੀ ਪੀੜ੍ਹੀ ਦੇ ਨੌਜਵਾਨ ਕੁਮਾਰ ਮੰਗਲਮ ਬਿਰਲਾ ਕਰ ਰਹੇ ਹਨ। ਸਮੂਹ ਮੁੱਖ ਤੌਰ 'ਤੇ ਧਾਤਾਂ, ਖਾਣਾਂ, ਸੀਮੈਂਟ ਅਤੇ ਵਿੱਤੀ ਸੇਵਾਵਾਂ ਦਾ ਕਾਰੋਬਾਰ ਕਰਦਾ ਹੈ।

ਇਹ ਵੀ ਪੜ੍ਹੋ :   ਚੈੱਕ ਕਲੀਅਰੈਂਸ ਲਈ ਨਹੀਂ ਕਰਨਾ ਪਵੇਗਾ ਲੰਮਾ ਇੰਤਜ਼ਾਰ , ਕੁਝ ਘੰਟਿਆਂ 'ਚ ਹੋਵੇਗਾ ਕੰਮ, RBI ਨੇ ਜਾਰੀ ਕੀਤੇ ਨਿਰਦੇਸ਼

ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਉਪਰੋਕਤ ਤਿੰਨ ਵੱਡੇ ਕਾਰੋਬਾਰੀ ਪਰਿਵਾਰਾਂ ਦੀ ਕੁੱਲ ਸੰਪਤੀ 460 ਬਿਲੀਅਨ ਅਮਰੀਕੀ ਡਾਲਰ ਹੈ, ਜੋ ਸਿੰਗਾਪੁਰ ਦੀ ਜੀਡੀਪੀ ਦੇ ਬਰਾਬਰ ਹੈ। ਇਸ ਸੂਚੀ ਵਿੱਚ ਸੱਜਣ ਜਿੰਦਲ ਨੂੰ 4.71 ਲੱਖ ਕਰੋੜ ਰੁਪਏ ਦੀ ਜਾਇਦਾਦ ਨਾਲ ਚੌਥੇ ਸਥਾਨ 'ਤੇ ਰੱਖਿਆ ਗਿਆ ਹੈ ਅਤੇ ਨਾਦਰ ਪਰਿਵਾਰ 4.30 ਲੱਖ ਕਰੋੜ ਰੁਪਏ ਦੀ ਜਾਇਦਾਦ ਨਾਲ ਪੰਜਵੇਂ ਸਥਾਨ 'ਤੇ ਹੈ।

ਇਹ ਵੀ ਪੜ੍ਹੋ :   ਭਾਰਤ ਦੀਆਂ ਕੰਪਨੀਆਂ ਭੁਗਤਣਗੀਆਂ ਬੰਗਲਾਦੇਸ਼ ’ਚ ਗੜਬੜ ਦਾ ਖਾਮਿਆਜ਼ਾ, 1,500 ਕਰੋੜ ਦਾ ਕਾਰੋਬਾਰ ਪ੍ਰਭਾਵਿਤ

ਭਾਰਤ ਦੇ 10 ਸਭ ਤੋਂ ਅਮੀਰ ਪਰਿਵਾਰਕ ਕਾਰੋਬਾਰ  

ਅੰਬਾਨੀ ਪਰਿਵਾਰ
ਬਜਾਜ ਪਰਿਵਾਰ
ਬਿਰਲਾ ਪਰਿਵਾਰ
ਜਿੰਦਲ ਪਰਿਵਾਰ
ਨਾਦਰ ਪਰਿਵਾਰ
ਮਹਿੰਦਰਾ ਪਰਿਵਾਰ
ਦਾਨੀ, ਚੋਕਸੀ ਅਤੇ ਵਕੀਲ ਪਰਿਵਾਰ
ਪ੍ਰੇਮਜੀ ਪਰਿਵਾਰ
ਰਾਜੀਵ ਸਿੰਘ ਪਰਿਵਾਰ
ਮੁਰੁਗੱਪਾ ਪਰਿਵਾਰ

ਇਹ ਵੀ ਪੜ੍ਹੋ :      RBI MPC Meeting: RBI ਨੇ ਦਰਾਂ 'ਚ ਨਹੀਂ ਕੀਤਾ ਕੋਈ ਬਦਲਾਅ, ਰੈਪੋ ਰੇਟ 6.50 ਫੀਸਦੀ 'ਤੇ ਬਰਕਰਾਰ
ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8