ਭਾਰਤ 'ਚ ਕਣਕ ਦਾ ਉਤਪਾਦਨ ਰਿਕਾਰਡ 112 ਮਿਲੀਅਨ ਟਨ ਤੱਕ ਪਹੁੰਚਣ ਦੀ ਸੰਭਾਵਨਾ

ਨਵੀਂ ਦਿੱਲੀ - ਆਈਸੀਏਆਰ-ਇੰਡੀਅਨ ਇੰਸਟੀਚਿਊਟ ਦੇ ਵਿਗਿਆਨੀਆਂ ਅਨੁਸਾਰ ਅਨੁਕੂਲ ਮੌਸਮੀ ਸਥਿਤੀਆਂ ਅਤੇ ਦੇਸ਼ ਭਰ ਵਿੱਚ ਕਣਕ ਦੇ ਰਕਬੇ ਵਿੱਚ ਲਗਭਗ 1.5 ਮਿਲੀਅਨ ਹੈਕਟੇਅਰ ਦੇ ਵਾਧੇ ਵਰਗੇ ਕਈ ਕਾਰਕਾਂ ਦੇ ਕਾਰਨ ਭਾਰਤ ਦੀ ਕਣਕ ਦਾ ਉਤਪਾਦਨ ਇਸ ਹਾੜੀ ਸੀਜ਼ਨ ਵਿੱਚ ਇੱਕ ਨਵਾਂ ਰਿਕਾਰਡ ਕਾਇਮ ਕਰ ਸਕਦਾ ਹੈ ਅਤੇ ਉਤਪਾਦਨ 112 ਮਿਲੀਅਨ ਟਨ ਨੂੰ ਪਾਰ ਕਰ ਸਕਦਾ ਹੈ। 

ਪਿਛਲੇ ਸਾਲ ਮੌਸਮ ਕਾਰਨ ਪ੍ਰਭਾਵਿਤ ਹੋਈ ਪੈਦਾਵਾਰ

ਪਿਛਲੇ ਸਾਲ, ਵਿਗਿਆਨੀਆਂ ਨੇ ਭਵਿੱਖਬਾਣੀ ਕੀਤੀ ਸੀ ਕਿ ਕਣਕ ਦੀ ਪੈਦਾਵਾਰ 112 ਮਿਲੀਅਨ ਟਨ ਨੂੰ ਛੂਹ ਸਕਦੀ ਹੈ ਪਰ ਖਰਾਬ ਮੌਸਮ ਅਤੇ ਮਾਰਚ ਵਿੱਚ ਗਰਮੀ ਦੀ ਸ਼ੁਰੂਆਤ ਨੇ ਅਗੇਤੀ ਅਤੇ ਪਿਛੇਤੀ ਕਿਸਮਾਂ ਨੂੰ ਪ੍ਰਭਾਵਿਤ ਕੀਤਾ ਸੀ। ਨਤੀਜੇ ਵਜੋਂ ਦੇਸ਼ ਦੇ ਉੱਤਰੀ ਰਾਜਾਂ ਵਿੱਚ ਕਣਕ ਦੇ ਦਾਣੇ ਪੀਲੇ ਅਤੇ ਸੁੰਗੜਣ ਵਰਗੇ ਮਾਮਲੇ ਸਾਹਮਣੇ ਆਏ।

ਕਣਕ ਦਾ ਸਮੁੱਚਾ ਉਤਪਾਦਨ 106.84 ਮਿਲੀਅਨ ਟਨ ਤੱਕ ਪਹੁੰਚ ਗਿਆ, ਜੋ ਕਿ 2020-21 ਦੇ ਸੀਜ਼ਨ ਦੌਰਾਨ ਅਨੁਮਾਨਿਤ 109.59 ਮਿਲੀਅਨ ਟਨ ਦੇ ਮੁਕਾਬਲੇ 2.75 ਮਿਲੀਅਨ ਟਨ ਦੀ ਗਿਰਾਵਟ ਦੀ ਰਿਪੋਰਟ ਕਰਦਾ ਹੈ। 

ਉਪਜ ਵਿੱਚ ਵਾਧੇ ਦੇ ਪਿੱਛੇ ਮੁੱਖ ਕਾਰਕਾਂ ਦੇ ਸਵਾਲ ਦਾ ਜਵਾਬ ਦਿੰਦਿਆਂ ਮਾਹਰਾਂ ਨੇ ਕਿਹਾ ਕਿ ਇਸ ਸਾਲ, “ਦੇਸ਼ ਵਿੱਚ ਕਣਕ ਦੇ ਰਕਬੇ ਵਿੱਚ ਲਗਭਗ 1.5 ਮਿਲੀਅਨ ਹੈਕਟੇਅਰ ਦਾ ਵਾਧਾ ਹੋਇਆ ਹੈ, ਜੋ ਕਿ  ਪਿਛਲੇ ਸਾਲ ਦੇ 30 ਮਿਲੀਅਨ ਹੈਕਟੇਅਰ ਦੇ ਮੁਕਾਬਲੇ 31.5 ਮਿਲੀਅਨ ਹੈਕਟੇਅਰ ਤੱਕ ਪਹੁੰਚਣ ਦੀ ਸੰਭਾਵਨਾ ਹੈ। 

ਪੰਜਾਬ ਅਤੇ ਹਰਿਆਣਾ ਵਿਚ ਪਿਛਲੇ ਸਾਲ ਕਣਕ 'ਤੇ ਮਾੜੇ ਮੌਸਮ ਦੇ ਪ੍ਰਭਾਵ ਬਾਰੇ ਉਨ੍ਹਾਂ ਕਿਹਾ ਕਿ ਤਾਪਮਾਨ ਜ਼ਿਆਦਾ ਹੋਣ ਕਾਰਨ ਦਾਣਿਆਂ ਵਿਚ ਨਮੀ ਆਮ 12-14 ਫੀਸਦੀ ਤੋਂ ਘਟ ਕੇ 8-9 ਫੀਸਦੀ ਰਹਿ ਗਈ, ਜਿਸ ਨਾਲ ਕਣਕ ਦੀ ਫਸਲ ਦੇ ਸਮੁੱਚੇ ਉਤਪਾਦਨ ਵਿਚ ਸਿੱਧੇ ਤੌਰ 'ਤੇ ਗਿਰਾਵਟ ਆਈ।  “ਪਰ ਅਨਾਜ ਨੂੰ ਸਹੀ ਤਰ੍ਹਾਂ ਸੁਕਾਉਣ ਕਾਰਨ ਕਣਕ ਦੀ ਵਧੀਆ ਕੁਆਲਿਟੀ ਦੀ ਵਾਢੀ ਹੋਈ।” 

ਹਾਲਾਂਕਿ, IIWBR ਦੇ ਵਿਗਿਆਨੀਆਂ ਨੇ ਕਿਸਾਨਾਂ ਨੂੰ ਇਹ ਵੀ ਸਲਾਹ ਦਿੱਤੀ ਹੈ ਕਿ ਮੌਜੂਦਾ ਮੌਸਮ ਵੀ ਪੀਲੀ ਕੁੰਗੀ ਦੇ ਫੈਲਣ ਲਈ ਅਨੁਕੂਲ ਹੈ - ਇੱਕ ਵੱਡੀ ਕਣਕ ਦੀ ਬਿਮਾਰੀ ਅਤੇ ਉਨ੍ਹਾਂ ਨੂੰ ਆਪਣੀ ਫਸਲ ਦੀ ਸੁਰੱਖਿਆ ਲਈ ਸਹੀ ਦੇਖਭਾਲ ਕਰਨ ਦੀ ਜ਼ਰੂਰਤ ਹੈ, ਖਾਸ ਕਰਕੇ ਉਹ ਕਿਸਾਨ ਜੋ ਕਣਕ ਦੀਆਂ ਪੁਰਾਣੀ ਕਿਸਮਾਂ ਦੀ ਖੇਤੀ ਕਰ ਰਹੇ ਹਨ। 

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।