ਪਿਛਲੀ ਤਿਮਾਹੀ ''ਚ ਘੱਟ ਹੋਇਆ ਦੇਸ਼ ਦਾ ਚਾਲੂ ਖਾਤਾ, RBI ਨੇ ਜਾਰੀ ਕੀਤੀ ਰਿਪੋਰਟ

ਮੁੰਬਈ - ਦੇਸ਼ ਦਾ ਚਾਲੂ ਖਾਤਾ ਘਾਟਾ (CAD) ਮੌਜੂਦਾ ਵਿੱਤੀ ਸਾਲ 2023-24 ਦੀ ਪਹਿਲੀ ਤਿਮਾਹੀ (ਅਪ੍ਰੈਲ-ਜੂਨ) ਵਿੱਚ ਸਾਲਾਨਾ ਆਧਾਰ 'ਤੇ ਘਟ ਕੇ 9.2 ਅਰਬ ਡਾਲਰ ਰਹਿ ਗਿਆ। ਇਹ ਕੁੱਲ ਘਰੇਲੂ ਉਤਪਾਦ (ਜੀ.ਡੀ.ਪੀ.) ਦਾ 1.1 ਫ਼ੀਸਦੀ ਹੈ। ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਨੇ ਇਹ ਜਾਣਕਾਰੀ ਦਿੱਤੀ ਹੈ। ਇੱਕ ਸਾਲ ਪਹਿਲਾਂ 2022-23 ਦੀ ਇਸੇ ਤਿਮਾਹੀ ਵਿੱਚ ਚਾਲੂ ਖਾਤੇ ਦਾ ਘਾਟਾ 17.9 ਅਰਬ ਡਾਲਰ ਜਾਂ ਜੀਡੀਪੀ ਦਾ 2.1 ਫ਼ੀਸਦੀ ਸੀ। CAD ਵਿਦੇਸ਼ਾਂ ਵਿੱਚ ਭੇਜੀ ਗਈ ਕੁੱਲ ਰਕਮ ਅਤੇ ਅਰਥਚਾਰੇ ਦੇ ਵੱਖ-ਵੱਖ ਖੇਤਰਾਂ ਵਿੱਚ ਵਿਦੇਸ਼ਾਂ ਤੋਂ ਪ੍ਰਾਪਤ ਕੀਤੀ ਰਕਮ ਵਿੱਚ ਅੰਤਰ ਨੂੰ ਮਾਪਦਾ ਹੈ।

ਇਹ ਵੀ ਪੜ੍ਹੋ : ਪਾਕਿਸਤਾਨ 'ਚ iPhone 15 ਦੀ ਕੀਮਤ ਨੇ ਉਡਾਏ ਹੋਸ਼, ਇੰਨੇ ਰੁਪਇਆਂ ਦੀ ਭਾਰਤ 'ਚ ਆ ਜਾਵੇਗੀ ਕਾਰ

RBI ਦੇ ਅਨੁਸਾਰ ਹਾਲਾਂਕਿ ਗਲੋਬਲ ਪੱਧਰ 'ਤੇ ਆਰਥਿਕਤਾ ਦੀ ਮਜ਼ਬੂਤ ​​ਸਥਿਤੀ ਨੂੰ ਦਰਸਾਉਣ ਵਾਲਾ ਕੈਡ ਇਸ ਤੋਂ ਪਿਛਲੀ ਤਿਮਾਹੀ (ਜਨਵਰੀ-ਮਾਰਚ) ਦੇ ਮੁਕਾਬਲੇ ਵਧਿਆ ਹੈ। ਇਸ ਦੌਰਾਨ ਇਹ 1.3 ਅਰਬ ਡਾਲਰ ਯਾਨੀ ਜੀਡੀਪੀ ਦਾ 0.2 ਫ਼ੀਸਦੀ ਸੀ। ਕੇਂਦਰੀ ਬੈਂਕ ਨੇ ਕਿਹਾ, ''ਤਿਮਾਹੀ ਆਧਾਰ 'ਤੇ CAD ਵੱਧਣ ਦਾ ਕਾਰਨ ਸੇਵਾ ਖੇਤਰ 'ਚ ਸੇਵਾ ਖੇਤਰ 'ਚ ਸ਼ੁੱਧ ਸਰਪਲੱਸ ਦਾ ਘੱਟ ਹੋਣਾ ਅਤੇ ਨਿੱਜੀ ਟ੍ਰਾਂਸਫਰ ਰਸੀਦਾਂ 'ਚ ਗਿਰਾਵਟ ਹੈ।'' ਕੇਂਦਰੀ ਬੈਂਕ ਨੇ ਕਿਹਾ ਕਿ ਸ਼ੁੱਧ ਸੇਵਾ ਪ੍ਰਾਪਤੀ ਤਿਮਾਹੀ ਆਧਾਰ 'ਤੇ ਘੱਟ ਹੋਈ ਹੈ। ਇਸ ਦਾ ਮੁੱਖ ਕਾਰਨ ਕੰਪਿਊਟਰ, ਯਾਤਰਾ ਅਤੇ ਕਾਰੋਬਾਰੀ ਸੇਵਾਵਾਂ ਦੇ ਨਿਰਯਾਤ ਵਿੱਚ ਗਿਰਾਵਟ ਹੈ। ਹਾਲਾਂਕਿ, ਇਹ ਸਾਲਾਨਾ ਆਧਾਰ 'ਤੇ ਵੱਧ ਹੈ।

ਇਹ ਵੀ ਪੜ੍ਹੋ : UK ’ਚ ਡੂੰਘਾ ਹੋਣ ਲੱਗਾ ਆਰਥਿਕ ਸੰਕਟ, ਕੰਪਨੀਆਂ ਨੇ ਸ਼ੁਰੂ ਕੀਤੀ ਵਰਕਰਾਂ ਦੀ ਛਾਂਟੀ

ਪ੍ਰਾਈਵੇਟ ਟ੍ਰਾਂਸਫਰ ਰਸੀਦਾਂ ਵਿੱਚ ਮੁੱਖ ਤੌਰ 'ਤੇ ਵਿਦੇਸ਼ਾਂ ਵਿੱਚ ਕੰਮ ਕਰਨ ਵਾਲੇ ਭਾਰਤੀਆਂ ਵੱਲੋਂ ਭੇਜੇ ਪੈਸੇ ਸ਼ਾਮਲ ਹੁੰਦੇ ਹਨ। ਇਹ ਸਮੀਖਿਆ ਅਧੀਨ ਤਿਮਾਹੀ ਵਿੱਚ 27.1 ਅਰਬ ਡਾਲਰ ਰਹੀ, ਜੋ ਪਿਛਲੀ ਤਿਮਾਹੀ ਵਿੱਚ 28.6 ਅਰਬ ਡਾਲਰ ਸੀ। ਹਾਲਾਂਕਿ, ਇਹ ਸਾਲਾਨਾ ਆਧਾਰ 'ਤੇ ਵੱਧ ਹੈ। ਆਮਦਨ ਖਾਤੇ 'ਤੇ ਸ਼ੁੱਧ ਨਿਕਾਸੀ ਮਾਰਚ ਤਿਮਾਹੀ ਦੇ 12.6 ਅਰਬ ਡਾਲਰ ਤੋਂ ਘਟ ਕੇ ਜੂਨ ਤਿਮਾਹੀ ਵਿੱਚ 10.6 ਅਰਬ ਡਾਲਰ ਰਹਿ ਗਈ। ਹਾਲਾਂਕਿ, ਇਹ ਸਾਲਾਨਾ ਆਧਾਰ 'ਤੇ ਵੱਧ ਹੈ। ਇਸ ਸ਼੍ਰੇਣੀ ਵਿੱਚ ਮੁੱਖ ਤੌਰ 'ਤੇ ਨਿਵੇਸ਼ ਆਮਦਨ 'ਤੇ ਭੁਗਤਾਨ ਸ਼ਾਮਲ ਹਨ।

ਇਹ ਵੀ ਪੜ੍ਹੋ : ਇੰਤਜ਼ਾਰ ਖ਼ਤਮ: Flipkart 'ਤੇ ਇਸ ਦਿਨ ਤੋਂ ਸ਼ੁਰੂ ਹੋ ਰਹੀ Big Billion Days Sale, ਮਿਲਣਗੇ ਵੱਡੇ ਆਫ਼ਰ

ਸਮੀਖਿਆ ਅਧੀਨ ਤਿਮਾਹੀ 'ਚ ਸ਼ੁੱਧ ਵਿਦੇਸ਼ੀ ਨਿਵੇਸ਼ 5.1 ਅਰਬ ਡਾਲਰ ਰਿਹਾ, ਜੋ ਇਕ ਸਾਲ ਪਹਿਲਾਂ ਜੂਨ ਤਿਮਾਹੀ 'ਚ 13.4 ਅਰਬ ਡਾਲਰ ਸੀ। ਹਾਲਾਂਕਿ, ਸ਼ੁੱਧ ਵਿਦੇਸ਼ੀ ਪੋਰਟਫੋਲੀਓ ਨਿਵੇਸ਼ 15.7 ਅਰਬ ਡਾਲਰ ਰਿਹਾ ਜਦੋਂ ਕਿ ਇੱਕ ਸਾਲ ਪਹਿਲਾਂ ਜੂਨ ਤਿਮਾਹੀ ਵਿੱਚ 14.6 ਅਰਬ ਡਾਲਰ ਦਾ ਸ਼ੁੱਧ ਨਿਕਾਸੀ ਸੀ। ਆਰਬੀਆਈ ਨੇ ਕਿਹਾ ਕਿ ਮੌਜੂਦਾ ਵਿੱਤੀ ਸਾਲ ਦੀ ਅਪ੍ਰੈਲ-ਜੂਨ ਤਿਮਾਹੀ ਵਿੱਚ ਵਿਦੇਸ਼ਾਂ ਤੋਂ ਸ਼ੁੱਧ ਵਪਾਰਕ ਉਧਾਰ 5.6 ਅਰਬ ਡਾਲਰ ਰਿਹਾ, ਜਦੋਂ ਕਿ ਇੱਕ ਸਾਲ ਪਹਿਲਾਂ ਇਸੇ ਤਿਮਾਹੀ ਵਿੱਚ 2.9 ਅਰਬ ਡਾਲਰ ਕੱਢੇ ਗਏ ਸਨ।

ਇਹ ਵੀ ਪੜ੍ਹੋ : ਕੀ ਤੁਹਾਡੇ ਕੋਲ ਹਨ 2000 ਦੇ ਨੋਟ? ਬਚੇ 4 ਦਿਨ, ਜਾਣੋ 30 ਸਤੰਬਰ ਮਗਰੋਂ ਨੋਟਾਂ ਦਾ ਕੀ ਹੋਵੇਗਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8