ਬਰਾਮਦ ਆਰਡਰਾਂ ਨਾਲ ਮੈਨੂਫੈਕਚਰਿੰਗ ’ਚ ਮਾਮੂਲੀ ਵਾਧਾ ਪਰ ਇਨਪੁੱਟ ਲਾਗਤ ਨਾਲ ਵਧੀਆਂ ਮੁਸ਼ਕਲਾਂ

ਬਿਜ਼ਨੈੱਸ ਡੈਸਕ - ਅਪ੍ਰੈਲ ਮਹੀਨੇ ’ਚ ਭਾਰਤ ਦੇ ਮੈਨੂਫੈਕਚਰਿੰਗ ਸੈਕਟਰ ’ਚ ਮਾਮੂਲੀ ਵਾਧਾ ਦੇਖਣ ਨੂੰ ਮਿਲਿਆ ਹੈ। ਐੱਚ. ਐੱਸ. ਬੀ. ਸੀ. ਮੈਨੂਫੈਕਚਰਿੰਗ ਖਰੀਦ ਪ੍ਰਬੰਧਕ ਸੂਚਕ ਅੰਕ (ਪੀ. ਐੱਮ. ਆਈ.) 54.7 ’ਤੇ ਪਹੁੰਚ ਗਿਆ ਹੈ, ਜੋ ਕਿ ਪਿਛਲੇ 4 ਸਾਲਾਂ ਦੇ ਹੇਠਲੇ ਪੱਧਰ ਦੇ ਨੇੜੇ ਹੈ। ਇਸ ਵਾਧੇ ਦਾ ਮੁੱਖ ਸਿਹਰਾ ਮਜ਼ਬੂਤ ਬਰਾਮਦ ਆਰਡਰਾਂ ਨੂੰ ਜਾਂਦਾ ਹੈ, ਜਿਸ ਨੇ ਕਮਜ਼ੋਰ ਘਰੇਲੂ ਮੰਗ ਨੂੰ ਕੁਝ ਹੱਦ ਤੱਕ ਸੰਭਾਲ ਲਿਆ ਹੈ। ਹਾਲਾਂਕਿ, ਮੱਧ ਪੂਰਬ ਸੰਕਟ ਕਾਰਨ ਇਨਪੁੱਟ ਲਾਗਤ ’ਚ ਭਾਰੀ ਵਾਧੇ ਨੇ ਨਿਰਮਾਤਾਵਾਂ ਦੀਆਂ ਮੁਸ਼ਕਲਾਂ ਵਧਾ ਦਿੱਤੀਆਂ ਹਨ।

ਇਹ ਵੀ ਪੜ੍ਹੋ :   ਦੋ ਦਿਨ ਦੀ ਦੇਸ਼ ਵਿਆਪੀ Bank Strike ਦਾ ਐਲਾਨ, ਪ੍ਰਭਾਵਿਤ ਹੋ ਸਕਦੀਆਂ ਹਨ ਬੈਂਕਿੰਗ ਸੇਵਾਵਾਂ

ਅਪ੍ਰੈਲ ਦੇ ਅੰਕੜੇ ਭਾਰਤ ਦੇ ਮੈਨੂਫੈਕਚਰਿੰਗ ਸੈਕਟਰ ਲਈ ਇਕ ਮਿਲੀ-ਜੁਲੀ ਤਸਵੀਰ ਪੇਸ਼ ਕਰਦੇ ਹਨ। ਜਿੱਥੇ ਇਕ ਪਾਸੇ ਮਜ਼ਬੂਤ ਬਰਾਮਦ ਆਰਡਰਾਂ ਨੇ ਸੈਕਟਰ ਦੇ ਵਾਧੇ ਨੂੰ ਸਹਾਰਾ ਦਿੱਤਾ, ਉੱਥੇ ਹੀ ਦੂਜੇ ਪਾਸੇ, ਘਰੇਲੂ ਮੰਗ ’ਚ ਸੁਸਤੀ ਅਤੇ ਲਾਗਤ ’ਚ ਭਾਰੀ ਵਾਧੇ ਵਰਗੀਆਂ ਵੱਡੀਆਂ ਚੁਣੌਤੀਆਂ ਬਰਕਰਾਰ ਹਨ। ਐੱਚ. ਐੱਸ. ਬੀ. ਸੀ. ਖਰੀਦ ਪ੍ਰਬੰਧਕ ਸੂਚਕ ਅੰਕ (ਪੀ. ਐੱਮ. ਆਈ.) ਮਾਮੂਲੀ ਵਧ ਕੇ 54.7 ’ਤੇ ਪਹੁੰਚ ਗਿਆ ਪਰ ਇਹ ਅੰਕੜਾ ਪਿਛਲੇ 4 ਸਾਲਾਂ ਦੇ ਸਭ ਤੋਂ ਹੇਠਲੇ ਪੱਧਰ ਦੇ ਨੇੜੇ ਹੈ, ਜੋ ਨਿਰਮਾਤਾਵਾਂ ਲਈ ਇਕ ਚੁਣੌਤੀਪੂਰਨ ਮਾਹੌਲ ਨੂੰ ਦਰਸਾਉਂਦਾ ਹੈ।

ਕਿਉਂ ਬਰਾਮਦ ਬਣੀ ਸਹਾਰਾ?

ਭਾਰਤ ਦਾ ਮੈਨੂਫੈਕਚਰਿੰਗ ਸੈਕਟਰ ਹੁਣ ਬਰਾਮਦ ’ਤੇ ਜ਼ਿਆਦਾ ਨਿਰਭਰ ਹੁੰਦਾ ਦਿਖਾਈ ਦੇ ਰਿਹਾ ਹੈ। ਅਪ੍ਰੈਲ ’ਚ ਨਵੇਂ ਬਰਾਮਦ ਆਰਡਰਾਂ ’ਚ ਜ਼ਬਰਦਸਤ ਉਛਾਲ ਦੇਖਿਆ ਗਿਆ, ਜੋ ਪਿਛਲੇ 7 ਮਹੀਨਿਆਂ ’ਚ ਸਭ ਤੋਂ ਵੱਧ ਹੈ। ਇਹ ਗਲੋਬਲ ਮੰਗ, ਖਾਸ ਤੌਰ ’ਤੇ ਅੰਤਰਰਾਸ਼ਟਰੀ ਬਾਜ਼ਾਰਾਂ ਤੋਂ ਆ ਰਹੀ ਮੰਗ, ਵਾਧੇ ਦਾ ਇਕ ਅਹਿਮ ਜ਼ਰੀਆ ਬਣ ਗਈ ਹੈ। ਇਸ ਨੇ ਘਰੇਲੂ ਪੱਧਰ ’ਤੇ ਨਵੇਂ ਆਰਡਰਾਂ ਅਤੇ ਉਤਪਾਦਨ ’ਚ ਦਿਖਾਈ ਦੇ ਰਹੀ ਸੁਸਤੀ ਨੂੰ ਕੁਝ ਹੱਦ ਤੱਕ ਢੱਕ ਲਿਆ, ਜੋ ਕਿ ਪਿਛਲੇ ਤਿੰਨ-ਸਾਢੇ ਤਿੰਨ ਸਾਲਾਂ ’ਚ ਸਭ ਤੋਂ ਮੱਠੀ ਰਫ਼ਤਾਰ ਨਾਲ ਵਧ ਰਹੇ ਹਨ।

ਮੱਧ ਪੂਰਬ ਸੰਕਟ ਨੇ ਵਧਾਈ ਮਹਿੰਗਾਈ ਦੀ ਮਾਰ

ਮੱਧ ਪੂਰਬ ’ਚ ਜਾਰੀ ਤਣਾਅ ਦਾ ਸਿੱਧਾ ਅਸਰ ਭਾਰਤੀ ਨਿਰਮਾਤਾਵਾਂ ਦੀ ਲਾਗਤ ’ਤੇ ਪੈ ਰਿਹਾ ਹੈ। ਐਲੂਮੀਨੀਅਮ, ਕੈਮੀਕਲ ਅਤੇ ਈਂਧਨ (ਫਿਊਲ) ਵਰਗੀਆਂ ਵਸਤਾਂ ਦੀਆਂ ਕੀਮਤਾਂ ਦੇ ਅਸਮਾਨ ਛੂਹਣ ਕਾਰਨ ਇਨਪੁੱਟ ਲਾਗਤ ’ਚ ਅਗਸਤ 2022 ਤੋਂ ਬਾਅਦ ਸਭ ਤੋਂ ਤੇਜ਼ ਵਾਧਾ ਦਰਜ ਕੀਤਾ ਗਿਆ। ਨਤੀਜੇ ਵਜੋਂ, ਨਿਰਮਾਤਾਵਾਂ ਨੂੰ ਵਧੀ ਹੋਈ ਲਾਗਤ ਦਾ ਕੁਝ ਹਿੱਸਾ ਗਾਹਕਾਂ ’ਤੇ ਪਾਉਣਾ ਪਿਆ, ਜਿਸ ਨਾਲ ਆਉਟਪੁੱਟ ਕੀਮਤ ਮਹਿੰਗਾਈ 6 ਮਹੀਨਿਆਂ ਦੇ ਸਿਖਰ ’ਤੇ ਪਹੁੰਚ ਗਈ।

ਇਹ ਵੀ ਪੜ੍ਹੋ :   ਦੇਸ਼ ਦੇ ਕਰੋੜਾਂ ਕਾਰੋਬਾਰੀਆਂ 'ਤੇ ਮੰਡਰਾਇਆ ਰੋਜ਼ੀ-ਰੋਟੀ ਦਾ ਸੰਕਟ, ਸਪਲਾਈ ਚੇਨ 'ਤੇ ਵੀ ਪਵੇਗਾ ਬੁਰਾ ਪ੍ਰਭਾਵ

ਹਾਲਾਂਕਿ, ਬਾਜ਼ਾਰ ’ਚ ਮੁਕਾਬਲੇਬਾਜ਼ੀ ਅਤੇ ਗਾਹਕਾਂ ਵੱਲੋਂ ਕੋਟੇਸ਼ਨ ਸਵੀਕਾਰ ਕਰਨ ’ਚ ਝਿਜਕ ਕਾਰਨ ਕੰਪਨੀਆਂ ਪੂਰੀ ਲਾਗਤ ਵਸੂਲ ਕਰਨ ’ਚ ਅਸਮਰੱਥ ਹਨ, ਜੋ ਉਨ੍ਹਾਂ ਦੇ ਲਾਭ ਲਈ ਖ਼ਤਰਾ ਪੈਦਾ ਕਰ ਰਿਹਾ ਹੈ।

ਗਲੋਬਲ ਸਿਨੇਰਿਓ : ਲਾਗਤ ਦਾ ਦਬਾਅ ਹਰ ਥਾਂ

ਅਪ੍ਰੈਲ ’ਚ ਵਿਸ਼ਵ ਪੱਧਰ ’ਤੇ ਵੀ ਮੈਨੂਫੈਕਚਰਿੰਗ ਸਰਗਰਮੀਆਂ ’ਚ ਲਾਗਤ ਦਾ ਦਬਾਅ ਸਾਫ਼ ਦਿਖਾਈ ਦਿੱਤਾ। ਚੀਨ ਦਾ ਮੈਨੂਫੈਕਚਰਿੰਗ ਪੀ. ਐੱਮ. ਆਈ. 50.3 ’ਤੇ ਸਥਿਰ ਰਿਹਾ, ਜੋ ਕਿ ਵਿਸਤਾਰ ਦਾ ਸੰਕੇਤ ਦਿੰਦਾ ਹੈ ਪਰ ਮਾਰਚ ’ਚ ਸਮੁੱਚਾ ਗਲੋਬਲ ਪੀ. ਐੱਮ. ਆਈ. 51.8 ਸੀ, ਜੋ ਮੰਦੀ ਦਾ ਇਸ਼ਾਰਾ ਕਰ ਰਿਹਾ ਸੀ।

ਇਹ ਵੀ ਪੜ੍ਹੋ :  ਹਵਾਈ ਮੁਸਾਫਰਾਂ ਲਈ ਵੱਡੀ ਖੁਸ਼ਖਬਰੀ, ਏਅਰਲਾਈਨ ਦੀ ਟਿਕਟ ਹੋਵੇਗੀ ਸਸਤੀ, ਮਿਲੇਗੀ ਇੰਨੀ ਛੋਟ

ਅਮਰੀਕਾ ਅਤੇ ਯੂਰੋ ਜ਼ੋਨ ’ਚ ਮਾਰਚ ’ਚ ਵਾਧਾ ਥੋੜ੍ਹਾ ਵਧਿਆ ਪਰ ਊਰਜਾ ਦੀਆਂ ਕੀਮਤਾਂ ’ਚ ਉਛਾਲ ਅਤੇ ਮੱਧ ਪੂਰਬ ਨਾਲ ਜੁੜੀਆਂ ਸਪਲਾਈ ਚੇਨ ਦੀਆਂ ਦਿੱਕਤਾਂ ਕਾਰਨ ਇਨਪੁੱਟ ਲਾਗਤ ’ਚ ਵਾਧਾ ਇਕ ਆਮ ਗੱਲ ਰਹੀ। ਭਾਰਤ ਦਾ ਪ੍ਰਦਰਸ਼ਨ, ਬਰਾਮਦ ਦੀ ਮਜ਼ਬੂਤੀ ਦੇ ਬਾਵਜੂਦ, ਇਸੇ ਵਿਸ਼ਵ ਪੈਟਰਨ ਨੂੰ ਦਰਸਾਉਂਦਾ ਹੈ।

ਇਹ ਵੀ ਪੜ੍ਹੋ : Credit Card ਧਾਰਕਾਂ ਲਈ RBI ਨੇ ਲਾਗੂ ਕੀਤਾ ਨਵਾਂ ਨਿਯਮ, ਗਾਹਕਾਂ ਨੂੰ ਮਿਲੇਗੀ ਰਾਹਤ

ਅੱਗੇ ਦਾ ਰਸਤਾ ਅਤੇ ਮੌਜੂਦਾ ਜੋਖਮ

ਮਜ਼ਬੂਤ ਬਰਾਮਦ ਪ੍ਰਦਰਸ਼ਨ ਅਤੇ ਰੋਜ਼ਗਾਰ ’ਚ ਵਾਧੇ ਦੇ ਬਾਵਜੂਦ ਸੈਕਟਰ ਦੇ ਸਾਹਮਣੇ ਕਈ ਜੋਖਮ ਬਣੇ ਹੋਏ ਹਨ। ਗਲੋਬਲ ਵਪਾਰ ’ਚ ਮੰਦੀ ਜਾਂ ਭੂ-ਸਿਆਸੀ ਤਣਾਅ ’ਚ ਹੋਰ ਵਾਧਾ ਬਰਾਮਦ ’ਤੇ ਨਿਰਭਰਤਾ ਨੂੰ ਮਹਿੰਗਾ ਸਾਬਤ ਕਰ ਸਕਦਾ ਹੈ। ਇਨਪੁੱਟ ਲਾਗਤ ਅਤੇ ਆਊਟਪੁੱਟ ਕੀਮਤ ਵਿਚਾਲੇ ਵਧਦਾ ਫਰਕ ਇਹ ਸੰਕੇਤ ਦਿੰਦਾ ਹੈ ਕਿ ਜੇਕਰ ਮਹਿੰਗਾਈ ਇਸੇ ਤਰ੍ਹਾਂ ਵਧਦੀ ਰਹੀ ਤਾਂ ਲਾਭ ’ਤੇ ਹੋਰ ਦਬਾਅ ਆ ਸਕਦਾ ਹੈ। ਸਭ ਤੋਂ ਵੱਡੀ ਚਿੰਤਾ ਘਰੇਲੂ ਮੰਗ ਦੀ ਸੁਸਤੀ ਬਣੀ ਹੋਈ ਹੈ, ਜੋ ਨਵੇਂ ਆਰਡਰਾਂ ਅਤੇ ਆਊਟਪੁੱਟ ਵਾਧੇ ਨੂੰ ਲਗਾਤਾਰ ਮੱਠਾ ਕਰ ਰਹੀ ਹੈ। ‘ਮੇਕ ਇਨ ਇੰਡੀਆ’ ਵਰਗੀਆਂ ਪਹਿਲਕਦਮੀਆਂ ਨੂੰ ਵੀ ਸੰਚਾਲਨ ਅਸਮਾਨਤਾ ਅਤੇ ਬਾਜ਼ਾਰ ਦੀ ਅਸਥਿਰਤਾ ਨਾਲ ਜੂਝਣਾ ਪੈ ਰਿਹਾ ਹੈ।

ਭਵਿੱਖ ਦੀਆਂ ਸੰਭਾਵਨਾਵਾਂ

ਭਵਿੱਖ ਵੱਲ ਦੇਖੀਏ ਤਾਂ ਨਿਰਮਾਤਾਵਾਂ ’ਚ ਸਾਵਧਾਨੀ ਨਾਲ ਉਮੀਦ ਬਣੀ ਹੋਈ ਹੈ। ਇਹ ਉਮੀਦ ਮਾਰਕੀਟਿੰਗ ਯਤਨਾਂ ਅਤੇ ਪ੍ਰਾਜੈਕਟ ਪ੍ਰਵਾਨਗੀਆਂ ’ਤੇ ਟਿਕੀ ਹੋਈ ਹੈ। ਉਮੀਦ ਹੈ ਕਿ ਭਾਰਤ ਦਾ ਮੈਨੂਫੈਕਚਰਿੰਗ ਆਊਟਪੁੱਟ 2026 ਤੱਕ 1 ਟ੍ਰਿਲੀਅਨ ਡਾਲਰ ਤੱਕ ਪਹੁੰਚ ਸਕਦਾ ਹੈ ਅਤੇ ਬਾਜ਼ਾਰ ਦਾ ਆਕਾਰ 1.74 ਟ੍ਰਿਲੀਅਨ ਡਾਲਰ ਤੱਕ ਹੋ ਸਕਦਾ ਹੈ, ਜੋ 2031 ਤੱਕ 7.26 ਫੀਸਦੀ ਦੀ ਸੀ. ਏ. ਜੀ. ਆਰ. ਨਾਲ ਵਧੇਗਾ। ਹਾਲਾਂਕਿ, ਇਹ ਆਸ਼ਾਵਾਦੀ ਅੰਦਾਜ਼ਾ ਬਾਹਰੀ ਮਹਿੰਗਾਈ ਅਤੇ ਘਰੇਲੂ ਮੰਗ ਨੂੰ ਦੁਬਾਰਾ ਜਗਾਉਣ ਵਰਗੀਆਂ ਦੋਹਰੀਆਂ ਚੁਣੌਤੀਆਂ ਨਾਲ ਨਜਿੱਠਣ ’ਤੇ ਨਿਰਭਰ ਕਰੇਗਾ।

ਇਹ ਵੀ ਪੜ੍ਹੋ :  ਬੈਂਕਾਂ ਅਤੇ ਕਸਟਮ ਵਿਭਾਗ ਵਿਚਾਲੇ ਟੈਕਸ ਦੀ 'ਜੰਗ': ਸੋਨੇ ਦੀ ਦਰਾਮਦ ਡਿੱਗੀ, 30 ਸਾਲਾਂ ਬਾਅਦ ਬਣੇ ਅਜਿਹੇ ਹਾਲਾਤ

ਇਹ ਵੀ ਪੜ੍ਹੋ :    ਹੁਣ Aadhaar ਨਾਲ ਨਹੀਂ ਹੋਵੇਗੀ ਜਨਮ ਮਿਤੀ ਦੀ ਵੈਰੀਫਿਕੇਸ਼ਨ, ਜਾਣੋ ਕਿਹੜੇ ਦਸਤਾਵੇਜ਼ ਹੋਣਗੇ ਲਾਜ਼ਮੀ

ਇਹ ਵੀ ਪੜ੍ਹੋ :  ਸਾਵਧਾਨ! 1 ਮਈ ਤੋਂ ਬੰਦ ਹੋ ਸਕਦੈ ਤੁਹਾਡਾ PAN Card, IT ਵਿਭਾਗ ਨੇ ਜਾਰੀ ਕੀਤੇ ਸਖ਼ਤ ਨਿਯਮ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt