SEBI ਨੇ ਰਾਣਾ ਸ਼ੂਗਰ ਕੰਪਨੀ ਦੇ ਪ੍ਰੋਮੋਟਰਾਂ ''ਤੇ 2 ਸਾਲ ਦੀ ਲਾਈ ਪਾਬੰਦੀ

ਨਵੀਂ ਦਿੱਲੀ  - ਭਾਰਤੀ ਸੁਰੱਖਿਆ ਅਤੇ ਰੈਗੂਲੇਟਰੀ ਬੋਰਡ (SEBI) ਨੇ ਰਾਣਾ ਸ਼ੂਗਰਜ਼, ਉਸਦੇ ਪ੍ਰੋਮੋਟਰਾਂ ਅਤੇ ਹੋਰ ਸਬੰਧਤ ਸੰਸਥਾਵਾਂ ਸਮੇਤ 14 ਇਕਾਈਆਂ ਨੂੰ ਸੁਰੱਖਿਆ ਬਾਜ਼ਾਰ ਨੂੰ 2 ਸਾਲ ਲਈ ਬੰਦ ਕਰ ਦਿੱਤਾ ਹੈ।  ਪੈਸਿਆਂ ਦੇ ਹੇਰ-ਫੇਰ ਦੇ ਦੋਸ਼ਾਂ ਦੇ ਤਹਿਤ ਉਨ੍ਹਾਂ 'ਤੇ 63 ਕਰੋੜ ਰੁਪਏ ਦਾ ਜੁਰਮਾਨਾ ਵੀ ਲਗਾਇਆ ਹੈ। ਪੂੰਜੀ ਬਜ਼ਾਰ ਕੰਟ੍ਰੋਲਰ  ਨੇ ਇੰਦਰ ਪ੍ਰਤਾਪ ਸਿੰਘ ਰਾਣਾ (ਪ੍ਰੋਮੋਟਰ), ਰਣਜੀਤ ਸਿੰਘ ਰਾਣਾ (ਚੇਅਰਮੈਨ), ਵੀਰ ਪ੍ਰਤਾਪ ਰਾਣਾ (ਮੈਨੇਜਿੰਗ ਡਾਇਰੈਕਟਰ), ਗੁਰਜੀਤ ਸਿੰਘ ਰਾਣਾ, ਕਰਣ ਪ੍ਰਤਾਪ ਸਿੰਘ ਰਾਣਾ, ਰਾਜਬੰਸ ਕੌਰ, ਪ੍ਰੀਤ ਇੰਦਰ ਸਿੰਘ ਰਾਣਾ ਅਤੇ ਸੁਖਜਿੰਦਰ ਕੌਰ (ਪ੍ਰੋਮੋਟਰ) ਨੂੰ ਕਿਸੇ ਵੀ ਸੂਚੀਬੱਧ ਕੰਪਨੀ ’ਚ ਡਾਇਰੈਕਟਰ ਅਹੁਦੇ  ਜਾਂ ਹੋਰ ਪ੍ਰਬੰਧਕੀ ਅਹੁਦੇ  ਲੈਣ ’ਤੇ ਵੀ ਦੋ ਸਾਲ ਦੀ ਰੋਕ ਲਗਾ ਦਿੱਤੀ ਹੈ।

SEBI ਨੇ ਰਾਣਾ ਸ਼ੂਗਰਜ਼, ਉਸਦੇ ਪ੍ਰਮੋਟਰਾਂ, ਅਧਿਕਾਰੀਆਂ ਅਤੇ ਹੋਰ ਸਬੰਧਤ ਪੱਖਾਂ 'ਤੇ ਤਿੰਨ ਕਰੋੜ ਰੁਪਏ ਤੋਂ ਲੈ ਕੇ 7 ਕਰੋੜ ਰੁਪਏ ਤੱਕ ਦਾ ਜੁਰਮਾਨਾ ਲਗਾਇਆ ਹੈ। SEBI ਦੇ ਮੁਖੀ ਮਹਾਪ੍ਰਬੰਧਕ ਜੀ. ਰਮਰ ਨੇ ਮੰਗਲਵਾਰ ਨੂੰ ਆਖਰੀ ਹੁਕਮ ’ਚ ਕਿਹਾ ਕਿ ਮੈਂ ਸੋਚਦਾ ਹਾਂ ਕਿ ਨੋਟਿਸ ਪ੍ਰਾਪਤ ਕਰਨ ਵਾਲੇ (ਗਿਣਤੀ  1 ਤੋਂ 9), ਜੋ ਕਿ ਰਾਣਾ ਸ਼ੂਗਰਜ਼ ਦੇ ਪ੍ਰਮੋਟਰ ਹਨ ਅਤੇ ਇਸ ਤਰ੍ਹਾਂ ਦੇ ਫੰਡ ਹੇਰ-ਫੇਰ ਦੇ ਲਾਭਪਾਤਰੀ  ਹਨ ... ਉਨ੍ਹਾਂ ਨੇ ਪੀ.ਐੱਫ.ਯੂ.ਟੀ.ਪੀ. (ਧੋਖਾਧੜੀ ਅਤੇ ਅਣਉਪਯੋਗ ਵਪਾਰ ਵਰਤਾਵਾਂ ਨੂੰ ਰੋਕਣ) ਨਿਯਮਾਂ ਦੀ ਉਲੰਘਣਾ ਕੀਤੀ ਹੈ। ਹੁਕਮ ਅਨੁਸਾਰ, ਪੀ.ਐਫ.ਯੂ.ਟੀ.ਪੀ. ਨਿਯਮਾਂ ਦੀ ਉਲੰਘਣਾ ਕਰਨ ਵਾਲਿਆਂ ’ਚ ਮੁੱਖ ਵਿੱਤ ਅਧਿਕਾਰੀ (CFO) ਮਨੋਜ ਗੁਪਤਾ ਵੀ ਸ਼ਾਮਲ ਹਨ। ਉਹ ਰਾਣਾ ਸ਼ੂਗਰਜ਼ ਦੇ ਹੇਰ-ਫੇਰ ਕੀਤੇ ਗਏ ਵਿੱਤੀ ਵੇਰਵਿਆਂ 'ਤੇ ਹਸਤਾਖਰ ਅਤੇ ਉਸ ਨੂੰ ਪ੍ਰਮਾਣਿਤ ਕਰਦੇ ਸਨ।