Gold ਖ਼ਰੀਦਣ-ਵੇਚਣ ਤੋਂ ਲੈ ਕੇ ਗਿਫਟ ਮਿਲਣ ਤੱਕ ਦੇ ਬਦਲ ਗਏ ਨਿਯਮ, ਦੇਣਾ ਪਵੇਗਾ ਭਾਰੀ ਟੈਕਸ

ਬਿਜ਼ਨੈੱਸ ਡੈਸਕ : ਭਾਰਤੀ ਪਰਿਵਾਰਾਂ ਵਿੱਚ ਸੋਨਾ ਸਿਰਫ਼ ਗਹਿਣਾ ਹੀ ਨਹੀਂ, ਸਗੋਂ ਮੁਸੀਬਤ ਦੇ ਸਮੇਂ ਦਾ ਸਭ ਤੋਂ ਭਰੋਸੇਮੰਦ ਸਹਾਰਾ ਮੰਨਿਆ ਜਾਂਦਾ ਹੈ। ਪਰ ਕੀ ਤੁਸੀਂ ਜਾਣਦੇ ਹੋ ਕਿ ਸੋਨੇ ਦੀ ਖਰੀਦੋ-ਫਰੋਖਤ ਅਤੇ ਇਸ ਨੂੰ ਰੱਖਣ ਦੇ ਟੈਕਸ ਨਿਯਮਾਂ ਵਿੱਚ ਵੱਡੇ ਬਦਲਾਅ ਹੋ ਚੁੱਕੇ ਹਨ? ਜੁਲਾਈ 2024 ਅਤੇ ਬਜਟ 2026 ਦੇ ਨਵੇਂ ਨਿਯਮਾਂ ਅਨੁਸਾਰ, ਹੁਣ ਸੋਨੇ 'ਤੇ ਟੈਕਸ ਦੀ ਗਣਨਾ ਵੱਖਰੇ ਤਰੀਕੇ ਨਾਲ ਕੀਤੀ ਜਾਵੇਗੀ।

ਇਹ ਵੀ ਪੜ੍ਹੋ :  ਅੱਜ ਤੋਂ ਸੋਨੇ-ਚਾਂਦੀ 'ਤੇ ਹਟਾ ਦਿੱਤੀ ਗਈ ਹੈ ਇਹ ਪਾਬੰਦੀ; ਜਾਣੋ ਕਿਸਨੂੰ ਹੋਵੇਗਾ ਫ਼ਾਇਦਾ

2 ਲੱਖ ਤੋਂ ਵੱਧ ਸੋਨੇ ਦੀ ਖ਼ਰੀਦ ਲਈ ਅਹਿਮ ਨਿਯਮ

ਜੇਕਰ ਤੁਸੀਂ 2 ਲੱਖ ਰੁਪਏ ਤੋਂ ਵੱਧ ਦਾ ਸੋਨਾ ਖਰੀਦਦੇ ਹੋ, ਤਾਂ ਆਪਣਾ ਪੈਨ ਕਾਰਡ ਦਿਖਾਉਣਾ ਲਾਜ਼ਮੀ ਹੈ। ਇਹ ਨਿਯਮ ਆਮਦਨ ਕਰ ਵਿਭਾਗ ਦੁਆਰਾ ਵੱਡੇ ਲੈਣ-ਦੇਣ ਦੀ ਨਿਗਰਾਨੀ ਲਈ ਲਾਗੂ ਕੀਤਾ ਗਿਆ ਹੈ। ਪੈਨ ਕਾਰਡ ਤੋਂ ਬਿਨਾਂ ਇੰਨੀ ਵੱਡੀ ਰਕਮ ਲਈ ਸੋਨਾ ਖਰੀਦਣ ਨਾਲ ਟੈਕਸ ਵਿਭਾਗ ਤੋਂ ਪੁੱਛਗਿੱਛ ਹੋ ਸਕਦੀ ਹੈ । ਇਸ ਲਈ, ਕਿਸੇ ਵੀ ਕਾਨੂੰਨੀ ਪਰੇਸ਼ਾਨੀ ਤੋਂ ਬਚਣ ਲਈ ਸੋਨਾ ਖਰੀਦਦੇ ਸਮੇਂ ਆਪਣਾ ਪੈਨ ਕਾਰਡ ਰੱਖਣਾ ਬਹੁਤ ਜ਼ਰੂਰੀ ਹੈ।

ਇਹ ਵੀ ਪੜ੍ਹੋ :    ਹੋਰ ਡਿੱਗਣਗੀਆਂ ਸੋਨੇ ਦੀਆਂ ਕੀਮਤਾਂ, 1 ਲੱਖ ਤੋਂ ਹੇਠਾਂ ਜਾਏਗਾ ਭਾਅ, ਮਾਹਰਾਂ ਦੀ ਵੱਡੀ ਭਵਿੱਖਬਾਣੀ

10 ਲੱਖ ਰੁਪਏ ਤੋਂ ਵੱਧ ਦੀ ਖਰੀਦਦਾਰੀ ਲਈ ਨਿਯਮ ਸਖ਼ਤ

ਜੇਕਰ ਤੁਸੀਂ 10 ਲੱਖ ਰੁਪਏ ਤੋਂ ਵੱਧ ਦਾ ਸੋਨਾ ਖਰੀਦਦੇ ਹੋ, ਤਾਂ ਗਾਹਕ ਨੂੰ ਆਧਾਰ ਕਾਰਡ, ਆਮਦਨ ਟੈਕਸ ਦਸਤਾਵੇਜ਼ ਅਤੇ ਆਮਦਨ ਦੇ ਸਰੋਤ ਬਾਰੇ ਜਾਣਕਾਰੀ ਪ੍ਰਦਾਨ ਕਰਨੀ ਹੋਵੇਗੀ। ਇਹ ਨਿਯਮ ਖਾਸ ਤੌਰ 'ਤੇ ਟੈਕਸ ਚੋਰੀ ਅਤੇ ਕਾਲੇ ਧਨ ਨੂੰ ਰੋਕਣ ਲਈ ਲਾਗੂ ਕੀਤਾ ਗਿਆ ਹੈ। ਲੋੜੀਂਦੇ ਦਸਤਾਵੇਜ਼ ਪ੍ਰਦਾਨ ਕਰਨ ਵਿੱਚ ਅਸਫਲ ਰਹਿਣ ਦੀ ਸਥਿਤੀ ਵਿਚ ਆਮਦਨ ਟੈਕਸ ਵਿਭਾਗ ਦੀ ਜਾਂਚ ਅਤੇ ਕਾਨੂੰਨੀ ਕਾਰਵਾਈ ਦਾ ਸਾਹਮਣਾ ਕਰਨਾ ਪੈ ਸਕਦਾ ਹੈ।

ਇਹ ਵੀ ਪੜ੍ਹੋ :    Gold-Silver ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ: ਕੀ ਨਿਵੇਸ਼ ਦਾ ਇਹ ਸਹੀ ਸਮਾਂ ਹੈ ਜਾਂ ਅਜੇ ਹੋਰ ਡਿੱਗਣਗੇ ਭਾਅ?

ਸੋਨਾ ਖਰੀਦਣ ਵੇਲੇ ਕਿੰਨਾ ਲੱਗਦਾ ਹੈ ਟੈਕਸ? 

ਜੇਕਰ ਤੁਸੀਂ ਫਿਜੀਕਲ ਜਾਂ ਡਿਜੀਟਲ ਸੋਨਾ (ਸਿੱਕੇ ਜਾਂ ਗਹਿਣੇ) ਖਰੀਦਦੇ ਹੋ, ਤਾਂ ਤੁਹਾਨੂੰ 3% GST ਦੇਣਾ ਪੈਂਦਾ ਹੈ। ਇਸ ਤੋਂ ਇਲਾਵਾ, ਗਹਿਣੇ ਬਣਵਾਉਣ ਦੇ ਮੇਕਿੰਗ ਚਾਰਜਿਸ 'ਤੇ 5% GST ਵੱਖਰਾ ਲੱਗਦਾ ਹੈ। ਜੇਕਰ ਕੋਈ ਵਿਦੇਸ਼ ਤੋਂ ਸੋਨਾ ਲਿਆਉਂਦਾ ਹੈ, ਤਾਂ ਉਸ 'ਤੇ 6% ਕਸਟਮ ਡਿਊਟੀ ਲਾਗੂ ਹੁੰਦੀ ਹੈ। ਹਾਲਾਂਕਿ, ਸੋਵਰੇਨ ਗੋਲਡ ਬਾਂਡ (SGB) ਅਤੇ ਗੋਲਡ ETF ਖਰੀਦਣ ਵੇਲੇ ਕੋਈ GST ਨਹੀਂ ਦੇਣਾ ਪੈਂਦਾ।

ਸੋਨਾ ਵੇਚਣ 'ਤੇ ਲੱਗਣ ਵਾਲਾ 'ਕੈਪੀਟਲ ਗੇਨ' ਟੈਕਸ ਸੋਨਾ ਵੇਚਣ 'ਤੇ ਹੋਣ ਵਾਲੇ ਮੁਨਾਫੇ 'ਤੇ ਟੈਕਸ ਹੁਣ ਹੋਲਡਿੰਗ ਪੀਰੀਅਡ (ਸੋਨਾ ਕੋਲ ਰੱਖਣ ਦਾ ਸਮਾਂ) ਦੇ ਆਧਾਰ 'ਤੇ ਤੈਅ ਹੁੰਦਾ ਹੈ:

ਇਹ ਵੀ ਪੜ੍ਹੋ :    ਸੋਨੇ ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ ਦਾ ਖ਼ਦਸ਼ਾ, 80 ਹਜ਼ਾਰ ਰੁਪਏ ਤੱਕ ਟੁੱਟੇਗਾ ਭਾਅ!

• ਸ਼ਾਰਟ ਟਰਮ: ਜੇਕਰ ਤੁਸੀਂ 24 ਮਹੀਨਿਆਂ (2 ਸਾਲ) ਤੋਂ ਪਹਿਲਾਂ ਸੋਨਾ ਵੇਚਦੇ ਹੋ, ਤਾਂ ਮੁਨਾਫਾ ਤੁਹਾਡੀ ਆਮਦਨ ਵਿੱਚ ਜੋੜਿਆ ਜਾਵੇਗਾ ਅਤੇ ਤੁਹਾਡੇ ਇਨਕਮ ਟੈਕਸ ਸਲੈਬ ਅਨੁਸਾਰ ਟੈਕਸ ਲੱਗੇਗਾ।
• ਲੌਂਗ ਟਰਮ: 24 ਮਹੀਨਿਆਂ ਤੋਂ ਵੱਧ ਸਮੇਂ ਬਾਅਦ ਸੋਨਾ ਵੇਚਣ 'ਤੇ 12.5% ਲੌਂਗ ਟਰਮ ਕੈਪੀਟਲ ਗੇਨ (LTCG) ਟੈਕਸ ਲੱਗਦਾ ਹੈ।

SGB ਅਤੇ ਬਜਟ 2026 ਦੇ ਨਵੇਂ ਨਿਯਮ 

ਬਜਟ 2026 ਤੋਂ ਬਾਅਦ ਸੋਵਰੇਨ ਗੋਲਡ ਬਾਂਡ (SGB) ਦੇ ਨਿਯਮ ਸਖ਼ਤ ਹੋ ਗਏ ਹਨ। ਹੁਣ ਸਿਰਫ਼ ਉਹੀ ਬਾਂਡ ਟੈਕਸ-ਮੁਕਤ ਹੋਣਗੇ ਜੋ ਸਿੱਧੇ ਸਰਕਾਰ (RBI) ਤੋਂ ਖਰੀਦੇ ਗਏ ਹੋਣ ਅਤੇ 8 ਸਾਲ ਦੀ ਮਿਆਦ ਪੂਰੀ ਹੋਣ ਤੱਕ ਰੱਖੇ ਗਏ ਹੋਣ। 

ਜੇਕਰ ਤੁਸੀਂ ਬਾਜ਼ਾਰ (Secondary Market) ਤੋਂ ਬਾਂਡ ਖਰੀਦਦੇ ਹੋ ਜਾਂ ਮਿਆਦ ਤੋਂ ਪਹਿਲਾਂ ਵੇਚਦੇ ਹੋ, ਤਾਂ ਤੁਹਾਨੂੰ ਹੋਲਡਿੰਗ ਪੀਰੀਅਡ ਅਨੁਸਾਰ ਟੈਕਸ ਦੇਣਾ ਪਵੇਗਾ। ਜ਼ਿਕਰਯੋਗ ਹੈ ਕਿ SGB 'ਤੇ ਮਿਲਣ ਵਾਲਾ 2.5% ਸਲਾਨਾ ਵਿਆਜ ਟੈਕਸ-ਮੁਕਤ ਨਹੀਂ ਹੁੰਦਾ ਅਤੇ ਇਹ ਤੁਹਾਡੀ ਆਮਦਨ ਵਿੱਚ ਗਿਣਿਆ ਜਾਂਦਾ ਹੈ।

ਇਹ ਵੀ ਪੜ੍ਹੋ :     Gold-Silver 'ਤੇ ਹੈਰਾਨ ਕਰਨ ਵਾਲੀ ਰਿਪੋਰਟ: ਨਵਾਂ ਰਿਕਾਰਡ ਬਣਾ ਸਕਦੀਆਂ ਹਨ ਕੀਮਤਾਂ...ਅਤੇ ਫਿਰ ਆਵੇਗੀ

ਵਿਰਾਸਤ ਅਤੇ ਗਿਫਟ ਵਿੱਚ ਮਿਲੇ ਸੋਨੇ ਦਾ ਕੀ?

• ਵਿਰਾਸਤ: ਵਸੀਅਤ ਜਾਂ ਵਿਰਾਸਤ ਵਿੱਚ ਮਿਲੇ ਸੋਨੇ 'ਤੇ ਕੋਈ ਟੈਕਸ ਨਹੀਂ ਲੱਗਦਾ। ਪਰ ਜਦੋਂ ਤੁਸੀਂ ਇਸ ਨੂੰ ਵੇਚੋਗੇ, ਤਾਂ ਟੈਕਸ ਦੀ ਗਣਨਾ ਪੁਰਾਣੇ ਮਾਲਕ ਦੁਆਰਾ ਖਰੀਦਣ ਦੀ ਤਰੀਕ ਤੋਂ ਕੀਤੀ ਜਾਵੇਗੀ।
• ਗਿਫਟ: ਰਿਸ਼ਤੇਦਾਰਾਂ ਤੋਂ ਮਿਲੇ ਸੋਨੇ 'ਤੇ ਕੋਈ ਟੈਕਸ ਨਹੀਂ ਹੈ। ਹਾਲਾਂਕਿ, ਜੇਕਰ ਕਿਸੇ ਗੈਰ-ਰਿਸ਼ਤੇਦਾਰ ਤੋਂ 50,000 ਰੁਪਏ ਤੋਂ ਵੱਧ ਦਾ ਸੋਨਾ ਗਿਫਟ ਵਿੱਚ ਮਿਲਦਾ ਹੈ, ਤਾਂ ਉਹ ਟੈਕਸ ਦੇ ਘੇਰੇ ਵਿੱਚ ਆਵੇਗਾ।

ਟੈਕਸ ਬਚਾਉਣ ਦਾ ਸਮਾਰਟ ਤਰੀਕਾ 

ਆਮਦਨ ਕਰ ਕਾਨੂੰਨ ਦੀ ਧਾਰਾ 54F ਦੇ ਤਹਿਤ, ਜੇਕਰ ਤੁਸੀਂ ਸੋਨਾ ਵੇਚ ਕੇ ਮਿਲੀ ਸਾਰੀ ਰਕਮ ਦੀ ਵਰਤੋਂ ਘਰ ਖਰੀਦਣ ਲਈ ਕਰਦੇ ਹੋ, ਤਾਂ ਤੁਸੀਂ ਲੌਂਗ ਟਰਮ ਕੈਪੀਟਲ ਗੇਨ (LTCG) ਟੈਕਸ ਬਚਾ ਸਕਦੇ ਹੋ।

ਇਹ ਵੀ ਪੜ੍ਹੋ :     Debit Card ਤੋਂ ਮਿਲਦਾ ਹੈ ਲੱਖਾਂ ਦਾ ਮੁਫ਼ਤ ਬੀਮਾ! ਜਾਣੋ ਕਲੇਮ ਕਰਨ ਦਾ ਆਸਾਨ ਤਰੀਕਾ

ਮਾਹਿਰਾਂ ਦੀ ਸਲਾਹ

ਹਮੇਸ਼ਾਂ ਹਾਲਮਾਰਕ ਵਾਲੇ ਸੋਨੇ ਦੇ ਗਹਿਣੇ ਹੀ ਖ਼ਰੀਦੋ ਤਾਂ ਜੋ ਭਵਿੱਖ ਵਿਚ ਇਸਦੀ ਸ਼ੁੱਧਤਾ ਬਾਰੇ ਕੋਈ ਵੀ ਸ਼ੱਕ ਨਾ ਰਹੇ।

GST ਬਿੱਲ ਪ੍ਰਾਪਤ ਕਰਨਾ ਵੀ ਬਹੁਤ ਜ਼ਰੂਰੀ ਹੈ। ਇਹ ਤੁਹਾਡੇ ਨਿਵੇਸ਼ ਦੇ ਸਬੂਤ ਵਜੋਂ ਕੰਮ ਕਰਦਾ ਹੈ।

ਮਾਹਿਰ ਵੱਡੀ ਨਕਦੀ ਖਰੀਦਦਾਰੀ ਤੋਂ ਬਚਣ ਦੀ ਵੀ ਸਲਾਹ ਦਿੰਦੇ ਹਨ, ਕਿਉਂਕਿ ਇਸ ਨਾਲ ਟੈਕਸ ਨਾਲ ਸਬੰਧਤ ਸਮੱਸਿਆਵਾਂ ਹੋ ਸਕਦੀਆਂ ਹਨ। 

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt